بعدما آل الوزاني قادو امورهم و تيسرو مبردين بإتجاه الدار البيضاء كانو فديك الساعة البنات فبيت حنان طاويين رجليهم و دارين يديهم على فمهم كيفكروا
حنان : زعما غتعجبها ؟حنين روح : لااا كانت فبالي و لكن فاش مشيت عندها آخر مرة وراتهالي ..
حنان : عندك شي فكرة اخرى ؟
حنين و هي مركزة : نساو علينا هادشي للي قلنا كامل و نفكرو من جديد (حنان متبعة معاها تحلفي حتا كيهضرو على النووي) المهم نقتارحو كادو اكون متميز و مايكون جا فبال حتا واحد، شي حاجة تنفعها و تكون عندو مكانة خاصة ..
سكتو شويا هوما اهزوا راسهم على غفلة و شافو فبعضياتهم
حنان و حنين : Stéthoscope (سماعات الطبيب)كملوا كيضحكو بجوج و هي تكمل حنان : نديوها لشي واحد انقش فيها سميتها
حنين و هي فرحانة للفكرة : وي وي غتزيدها قيمة
حنان و هي نايضة كتنقز : الكادو مغيجيش برجليه يلااااه تلاحي نوضي لبيتك لبسي ..
تفارقو البنات و كل وحدة اش لبسات حنين بقاميجة فالباج بلا كمام و سروال كحل مفضفض مع بالغينا بالسيور اما حنان لبسات بيل مع سروال قصير و سبادريل .. هبطو بجوج علموا منى و كملوا طريقهم من باب الكاراج حيت مخرجة حنين بيكالتها
ركبو و تحركو جيهت لي بارا .. وصلوا لأقرب وحدة ملقاوش و ثاني تحركوا لبلاصة اخرى بعيدة شويا وااالو .. بقاو هكاك حتا قربات الظلمة طيح عاااد لقاو بارا باقا عندها وحدة بالغوز حمقاتهم و بردات ليهم خاطرهم من تمارة للي ضربو، خداوها و خلصو .. من تما دازو لمحل د النقش للي جا علا طريق الدار .. عطاو الإسم و خلاوها ليهم حتا لغد ليه و ايجيو ليها
..
و هوما راجعين وصلو لواحد العقبة صغيرة على الطريق، حنين كتور بشواايااا مهدودة بالطلعة و تقل حنان للي من موراها قابطة فيها
حنين كتلهث : عييت اختي نكملوا على رجلينا نفوتو هاد الطلعة و نكملواحنان كتغبن : حرام عليك مبقا والو غا زيد دفع زيد، يا ودي يا القابلة يا ودي
حنين (بلوكاتها حنان): اش جاب القابلة للهضرة !
حنان : علاه !! اربي اش عوالة ديري ! ياك قابلة غا هي بالفرونسي
حنين : اوا القابلة كتبيدالي بختها البيكالة فالطلعة !
حنان : حتا هي داخلة فلي زوبجيكتيف (objectifs) ..
.
مطلوقة كتلهث كتدعي امتى توصل لطريق مبسطة .. و مع كتور غا بالشويا د الجهد، هبطات حنان على غفلة زعما حنات فيها
- هانتي متبقاي غا على خاطرك ..حنين بداك الجهد للي كانت كدفع بيه و التقل للي خوا مجات تفطن حتا فقدات توازنها .. البيكالة رجعات بيها للور مايلة .. زلقات راجعا باللور ملقات راسها غا شويا و دخل فيها طوموبيل جاية من الدورة ...
YOU ARE READING
حنين
Romance" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...