صبح الصباح على اول نهار فالويكاند غا حلات عينيها و بلا متفكر جوج مرات هزات صاكها و بنتها رغد هزة الخناشي ميتة بالنعاس حطاتها فبلاصتها فالطوموبيل دور دور تسب و تنعل غا بوحدها .. خلات ليه ميساج و تحركات غادا للقنيطرة .. ساعة تقريبا مع شويا ديال لومبوتيياج وصلات لدار راجلها دقات خرجات عندها نادية معرفات شكون تسلط عليها داك الصباح ..
نادية معجبة : صباح الخير !
كوثر : بونجوغ خالتي نادية لاباس ؟
نادية بتعجب : لاباس حمدلله .. دخلي
كوثر متوترة : لا خللي تا نجي .. بغيت نخليها شويا نمشي نشوف ماما عيانة شويا و نجي .
نادية حطات اديها على صدرها : احيي ! شي باس مكاين ؟ ياكما نمشي معاك لا تحتاجوني ؟
كوثر : لا لا لا لا .. واخا قاتلي مزيان بالي مشوش .. نشوفها و نرجع (بترجي) دغيا ..
- هزات رغد من الكونة ناعسة فمها الكيوووت محلول شويا : اجي اجي يا مامي .. (رجعات مخاطباها) سيري ابنتي سيري الله اشافي .. خودي وقتك
- آمين يا ربي
غا سدات الباب سمعات خطاواتو نازلين من الفوق مهيب بالحق حضوروا فحال غيابو ..
- شكون جا .. رغد
نادية كتشطح غا بوحدها كيسالي معاها : ههههه سيدي منعم .. هي
منعم غا شاف حفيدتو توجه لجيهت نادية و دار لظهرها باش اشوف وجه رغد ساعة لقاها ناعسة : حطيها حدايا فالسيجور على متوجدي الصينية .. نقابلها عليك
حركات راسها غادة قدامو قادو ليها بليصة خفيفة ترتاح من الصهودات للي كاينين و الرطوبة للي كطيب كثر .. كلس حداها كل مرة العب بيديها و رجيلاتها جاوه صغيوين ديال الماكلة كيقيصهم بالشويييييا .. عندو حنين كبير لمرحلة طفولة ولادو .. معقلش عليهم .. تزادو مشا رجع لقاهم كيتمشاو .. رجع لقاهم بداو كيقراو .. رجع تا لقاهم تزوجو و ولدو .. الحياة قدام عينيه دغيا دازت اغلبها كانو اعمال و مشاريع باش اضمن قوتو و ضَالاَ صحيحة علاياش ابني مستقبل ولادو ..
رجعات بالقهوة للي كيشربو ورا الفطور حطو بالتاويل و الهمة حاضر .. جورنال و كاس ديال القهوة و حفيدة محلية صباحو و زوجة صبورة كتعزو ..
رغد بدات كتحل عويناتها .. غا حس بيها كتململ باغا تفيق حط للي فيديه حاضي عويناتها للي ضارب فيهم شعا د شمس الصباح .. هي غا شافتو معرفاتوش حيت مكتشوفوش .. على شحال و شحال و مع الدوخة بقات مبلقة فيه كي المصدومة حتا دورات عينيها كتقلب فين هي ما بكات ما زوكَات .. غا شافت جداها ابتسامة كبييييييرة ترسمات على محياها .. ابتسامة بلا سنينات ..
علاش لا و هي للي كتحن فيها بالماكلة و الدلال .. طفلة بيبي ممكملة تا عام معارفا والو فالدنيا و لكن فرحتها مع جداها كثر و كثر مع فرحتها مع ماماها
- نادية بحب كيتقطر من العينين : ااه على الحلاوة اسعدك ا حبيبتي اسعدك ..
منعم بقا فيه الحال من تقصيرو : معرفاتنيش !
DU LIEST GERADE
حنين
Romantik" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
