"ကဲ။ဒါဆိုတို့တွေသွားတော့မယ်နော် ယူ။
ယိမ်းကိုလည်းလိုက်ပို့ရအုံးမှာဆိုတော့လည်း အရမ်းနောက်ကျသွားမှာစိုးလို့။"ဝင့်လွှာဟာကားမှန်ကိုချလိုက်ရင်း နှုတ်ဆက်သည်။ ထိုအခါ ဆတ်ကနဲမော့ကြည့်လာသောသူ ။ ယိမ်းက ကားမောင်းသူဘေးမှထိုင်လိုက်လာသည်ကြောင့် သူယိမ်းကိုမြင်မှာသေချာပေါက်ပင်ဖြစ်သည်။ သို့ပေမယ့်လို့ ယိမ်းအားတစ်ချက်သာကြည့်ပြီး ဝင့်လွှာကိုနှုတ်ဆက်သည်။ ထိုအပြုအမှုကြောင့် ယိမ်းအတော်လေးစိတ်မကောင်းဖြစ်သွားရသည်။ ယိမ်းကိုေတွ့လျှင်ခါတိုင်းလိုပင် ပြေးလာပြီးဆူညံနေအောင်လာနှုတ်ဆက်မည်ဟု အထင်ဟာလွဲမှားသွားမှန်းသိလိုက်ရသည်။
*************
"ဝင့်လွှာ ကားကိုဂရုစိုက်မောင်းနော်။""အင်းပါ ယိမ်းရဲ့။တို့သွားပြီနော်။"
ယိမ်းအားလိုက်ပို့ပြီးသည်နှင့် ချက်ချင်းပြန်ထွက်သွားသောဝင့်လွှာ၏ကားလေး ခြံအပြင်သို့ရောက်သွားပြီဆိုမှ အိမ်ထဲသို့ဝင်လာခဲ့သည်။
"သမီး ပြန်လာပြီလား။ခရီးပန်းနေရောပေါ့ကွယ်။ ရေမိုးချိုးပြီးနားချေအုံး။ ပြီးရင် ထမင်းစားရအောင်ဆင်းခဲ့နော်။ သမီးမောင်လေးလည်းပြန်လာတော့မှာရယ်။"
"ဟုတ်ကဲ့ မာမီ။"
မီးဖိုခန်းထဲတွင်မမောနိုင်မပန်းနိုင်ချက်ပြုတ်နေရှာသောမာမီဟာခပ်ပြုံးပြုံးဖြင့်ဆီးကြိုသော်လည်း တက်တက်ကြွကြွဖြင့်ပြန်မနှုတ်ဆက်နိုင်ပါ။ ဒီကလေးမ ဘာကြောင့်ယိမ်းအား မသိသလိုလုပ်သွားတာလဲဟုသာထပ်တစ်လဲလဲတွေးပူနေမိသည်။ တစ်နေ့ကကိစ္စသည် ယိမ်းဘက်ကလွန်သွားမှန်းသိသော်လည်း သူကောင်းဖို့ရာအတွက်သာဆူငေါက်လိုက်ခြင်းမို့နောင်တဆိုသည့်စိတ်ကတော့ဖြစ်ပေါ်မနေပေ။
ယိမ်းတစ်ယောက် လေးပင်စွာဖြင့်သာ ရေချိုးရန်ပြင်ရတော့သည်။သူမ ခရီးပန်းလာသည့်ဒဏ်ကြောင့် အနားယူမှဖြစ်တော့မည်ဆိုတာ သိလိုက်သည်။
************
အိမ့်ဆုနေသော်တို့အိမ်တွင်...။ခရီးပြန်လာအပြီး တစ်ကိုယ်လုံးညောင်းညာကိုက်ခဲနေသည်မို့ မဖြစ်မနေရေချိုးကာကုတင်ပေါ်သို့အစောကြီးနားနေလိုက်သည်။ထိုစဉ်ဘဲ ပန်း၏အခန်းထဲသို့လာရှုပ်နေသာညီမတော်ကြောင့် မျက်နှာကြီးမဲ့ပစ်လိုက်သည်။
KAMU SEDANG MEMBACA
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!
24။
Mulai dari awal