ဟင်းးး မတတ်နိုင် ။ငါလေးတော့ အိပ်ရေးပျက်တော့မည်။
သက်ပြင်းချလိုက်ရင်း မီးဖိုခန်းဆီသို့ဦးတည်လိုက်ရသည်။
**********
နေ နိုးလာတော့ နဖူးပေါ်ကစိုစိစိအထိအတွေ့ကိုဦးဆုံးခံစားမိလိုက်သည်။ ပုံမှန်ထက်ပူနေဟန်ရှိသော ခန္ဓာကိုယ်နှင့် ထိုးကိုက်နေသော ခေါင်းကြောင့် ကိုယ့်ကိုယ်ကိုဖျားနေသည်မှန်း သိလိုက်သည်။ ထိုစဉ် ဘေးမှ နှစ်နှစ်ခြိုက်ခြိုက်အိပ်ပျော်နေသော မမ ကိုမြင်ရ၏ မနက်၆နာရီလောက်ဆို နိုးနေကျဖြစ်သည့်မမဟာ ၇နာရီခွဲပြီးသည်ထိ အိပ်လို့ကောင်းနေဆဲဆိုတော့ နေ့ ကြောင့်ပင်ပန်းရပြန်ပြီဘဲ ဟုတွေးမိလိုက်ရင်း စိတ်မကောင်းဖြစ်ရပြန်သည်။
နေ့ လက်အားဖိ၍အိပ်နေသော မမကြောင့် လက်ကထုံ၍ကျင်နေသည်။ နိုးသွားမှာ စိုးမိပေမယ့်လည်း လက်ကမနေနိုင်။ ဖွဖွလေး ထုတ်မိသော်လည်း အိပ်ရေးဆက်သော မမဟာနိုးလာခဲ့လေပြီ။
"ဟင်းး ညီမလေး နေနေ နိုးပြီလား ဘယ်လိုနေသေးလဲ သက်သာရဲ့လား"
အတင်းကုန်းထကာ အိပ်မှုန်စုတ်ဖွားဖြင့် တရတ်ဆက်မေးလာသည်မို့
"ဟုတ် မမ သက်သာပါတယ် "
"ခေါင်းတွေဘာတွေကော မူးတာ ကိုက်တာတွေဖြစ်သေးလား"?
အကြောင်းသိနေသည့် မမ ဟာစိတ်ပူစွာမေးလာပြန်ပါသည်။နေမကောင်းဖြစ်တိုင်း ခေါင်းကိုက် ခေါင်းမူးရတာချည်းဘဲလေ။ အအေးမိ၍ဖျားလျှင်တောင် ခေါင်းတွေဟာအနည်းငယ်မူးဝေတတ်သည်။
"ဟို နည်းနည်းတော့ ကိုက်တယ် မမ!
"ဒါဆို မဖြစ်ဘူး Family doctorကိုဖုန်းဆက်ပင့်မှပါ ခနလှဲနေရစ်အုံး ညီမလေး မမ ဖုန်းသွားဆက်လိုက်အုံးမယ်နော်'
အိပ်ယာပေါ်မှ ထကာအခန်းအပြင်သို့ ထွက်သွားသည့် မမ အားကြည့်ရင်း နွေးထွေးရပါသည်။မမနဲ့က မတည့်တဲ့အချိန်တွေကများသည်ဆိုပေမယ့် အခုလိုအချိန်တွေဆိုလျှင် မမဟာ နူးညံ့စွာ ပြောဆိုဆက်ဆံတတ်သည်။ ခါတိုင်းဆို နေသော် ဟုဆောင့်အောင့်အောင့်ခေါ်တတ်သော မမ ဟာ အခုတော့ဖြင့် နေနေ ညီမလေးတဲ့လေ။
YOU ARE READING
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!
