CEE
STEP 8: TEACH HER SOMETHING ESSENTIAL.
Ang ganda pala ng legs ni Mojow! Ehem... Cee, sa mukha ka tumingin huwag sa legs. Nahahalata ang pagka-batman mo.
Buti walang masyadong lalaki rito at walang makakakita sa kanya, ako lang, subukan naman pati nilang tumingin at patay sila sa akin.
"Ano, tara na?" tanong ko.
"Tara," sagot niya.
"Dito tayo, sabay tayong tumalon," sabi ko.
"Ha? Ayoko," sabi niya
"Para masaya, dali," pero bakas talaga sa kanya ang hindi pag-ayon sa gusto kong mangyari.
"Ayoko, baka malunod ako,"
"Hindi ka marunong mag-swimming Mojow?" dahil alam na kapag hindi.
"Hindi," simpleng sagot niya.
Ah, kaya naman pala, turuan ko kaya siya? Para next time na mag-swimming kami, hindi na siya matakot.
"Tara, tuturuan kita," sabi ko sa kanya.
"Ha? 'Wag na," nahiya pa, wala naman siya no'n!
"'Wag ka nang kumontra, wala kang choice,"
"Aba, naman! Cee naman, ayaw ko nga," sabi niya.
"Dali na, para hindi ka malunod kapag nag-swimming ka next time, lalo na kung hindi mo ako kasama,"
"Sige na nga."
"Stretching muna tayo," sabi ko.
Nag-stretching kami sa pool side at maya-maya ay lumusong na sa pool, malamig ang tubig, parang gusto ko nang a. Ang lawak nga ng pool eh tapos kami lang ang nandoon, ayos 'to, magandang magturuan dahil walang abala.
Tutal naman tinuruan niya akong maging matino, tuturuan ko naman siyang mag-swimming. Sabay ganoon.
"Ang una mong dapat tandaan ay ang tamang paghinga," bulong ko sa kanya nang marahan.
"Paano ba?"
"Dapat pag-inhale mo, palaki ang tiyan at pag-exhale, paliit naman ang tiyan, try mo, try mo lang hanggang sa masanay ka,"
Pinalubog ko siya at tinuruan ko ng basic strokes. Kaya lang, may mali talaga eh.
"Lumulubog ako!" sigaw niya.
Natawa ako sa isip ko dahil ganoon naman kasi talaga sa una. Sabi nga nila, kailangan i-try nang i-try hanggang sa makuha mo ang gusto mong mangyari. Ramdam ko ang frustration sa boses niya kaya binulungan ko uli siya na mag-relax.
Sabi nga, when learning something new, you can't learn it instantly; you have time to learn it step by step.
"Kalma, Mojow, lumipat ka nga muna rito sa akin," pilit ko siyang pinakakalma.
"Bakit?" bakas sa mukha ang pagtataka.
"Humiga ka," sabi ko.
"Ano?"
"Mukha ba akong nagbibiro? Matutulungan ka nitong mag-relax, dali na,"
In short, sumunod din siya sa sinasabi ko dahil walang aalis hangga't hindi siya lumulutang.
"Uy, 'wag mo akong bibitiwan, ha?" sabi niya habang nakatingin sa mga mata ko. Hinding hindi kita bibitiwan kahit ano'ng mangyari, Mojow.
"Hindi kita bibitiwan, pumikit ka muna, relax lang, ha?" hindi kasi ito magiging posible kung ang katawan niya ay tensionado.
BINABASA MO ANG
It Started with a McFLOAT
RomanceSi Joan ay isang babae na naiipit sa isang sitwasyon na hindi niya gusto pero wala siyang magawa dahil nagmamahal siya. Sa hindi inaasahang pagkakataon ay may makikilala siya na akala niya ay gugulo lalo sa kanyang buhay pero siya ang makapagpapabag...
