"အဲ့လိုကြီးစိုက်မကြည့်ပါနဲ့ဆိုဗျာ။ မမကလည်း သားရှက်တယ်"
"မမမောင်လေးကဒီနေ့မှမဝတ်စဖူးပုဆိုးကလေးနဲ့မို့ပါကွယ် ။ဟော ပြီးတော့ ဆံပင်တွေကိုကြည့်ပါအုံး အုန်းဆီတွေဘာတွေလိမ်းလို့ "
"ဟီးဟီး မမ သူငယ်ချင်းချောချောလေးတွေလာမယ်ဆို အဲ့ကြောင့်သေချာလေးပြင်ထားတာ "
"မမလို့ သားကိုကြည့်ပေးပါအုံး ကြည့်ကောင်းရဲ့လားလို့""
"ကောင်းပါ့ရှင် ကောင်းပါ့ လာ မမ သူငယ်ချင်းတွေထိုင်နေတဲ့ဝိုင်းကိုသွားကြရအောင်"
"ဟုတ်ကဲ့ မမ"
လူတွေကြားသို့တိုးရင်းဝှေ့ရင်းမောင်နှမနှစ်ယောက်လျှောက်လာကြသည်။လုပ်ငန်းရှင်တစ်ချို့၏သားတွေရဲ့မျက်လုံးတွေမှာ ယိမ်းဆီမှမခွာ။ယိမ်း၏အလှကိုမြင်ဖူးတွေ့ဖူးချင်ကြသောကြောင့် သူတို့ဒယ်ဒီ၏နာမည်ေတွနှင့်လာရောက်ပွဲတက်သူများလည်းရှိသည်။
"ပျော်ရွင်စရာမွေးနေ့လေးဖြစ်ပါစေ ယိမ်း"
"ကျေးဇူးပါရှင်"
ယိမ်းကိုတွေ့တော့ အသက်အလတ်ပိုင်းအရွယ်အမျိုးသားတစ်ဦးထိုင်နေရာမှထလာကာ လာရောက်နူတ်ဆက်သည်။ ယိမ်း မသိသော်လည်းဝတ်ကျေတန်းကျေသာဖြေခဲ့လိုက်သည်။
"ယိမ်းရေ ငါတို့ဒီမှာ"
နောက်ဆုံးဘေးဘက်က စားပွဲဝိုင်းတွင်ထိုင်နေကြသော သူငယ်ချင်းတွေဆီသို့အပြုံးလေးအားဆင်မြန်းရင်းလျှောက်လှမ်းသွားလိုက်သည်။သူမလက်ကိုဆွဲကိုင်ကာလိုက်ပါလာသောမောင်ဖြစ်သူအားကြည့်လိုက်တော့ မျက်လုံးတွေအရောင်တောက်နေလေရဲ့။
"လာ လာ ခုမှဘဲပေါ်လာတော့တယ်နော် ယိမ်း။တို့တွေကိုလာမတွေ့တော့ဘူးများထင်နေတာ"
"အယ် မဟုတ်တာ ပန်းဆုနေသော်ရယ်
ကိုယ့်အချစ်ဆုံးတွေကိုမေ့စရာလားလို့""ယိမ်း နင်နော် ပန်းဆုလို့ဘဲခေါ်ပါဆို အဲ့ဒီအနောက်ကနေသော်ဆိုကြီးမထည့်စမ်းပါနဲ့ဟယ်"
ပန်းဆုနေသော်ဟာသူ့နာမည်အပြည့်အစုံကြောင့်ဆွေ့ဆွေ့ခုန်နေလေပြီ။ပန်းနုရောင်အဖျော့လေးဆိုးထားသောနှုတ်ခမ်းလေးမှာအနည်းငယ်စူလာတော့သည်။
YOU ARE READING
အချစ်၏ဟန်ပန်-𝑻𝒉𝒆 𝑺𝒕𝒚𝒍𝒆 𝑶𝒇 𝑳𝒐𝒗𝒆(Complete)
Poetry"ပရော်ပရည်စကားတွေပြောမယ်ဆို တို့လက်ခံစကားမပြောဘူးနော်" "အစ်မကလည်း ကိုယ့်ရဲ့ဇနီးလောင်းကိုတောင်ပြောလို့မရဘူးလား"? "အိုး တော်ပြီ မင်းပြန်လိုက်တော့"!!