★★★★★★
هز ولدو فحملتو خالق رباط متين مع ولدو غير بالتحضينة ذيك
جاسر: لوقتاه يبقى فالكووفووز!
سارة: مازل شي ايامات
جاسر: مليح.. يله زيدي تفوجي مع عيلتك درك نرقد ونلحقك
سارة: اوكي.. نخمل الدنيا اسح
جاسر: جمعي حوايجكم ضربة وحدة به منبعد مانطعلوش
سارة: علاه وين رايحين؟!
جاسر: نروحو كيفاه وين رايحين!!
سارة: تكبست: بزربة هك؟ مازلت حابة نقعد
جاسر: بصوت اعلى: واشياا!! خفض صوتو على انتفاضة ولدو هامسلها: نرقدو ونهدرو فيها
سارة: اوكي
تكفل هو بولدو وهي جمعت وخبات اللازم.. زمان كانو جالسين على فوتاي فالقنط بعيد تماما على جسور به مابفيقوهش
جاسر: وش كنت تقولي!! هممم
سارة: حابة نبقى ايام خلاف هنا
جاسر: غدوة واش!
سارة: الأحد علاه؟
جاسر: علبلي الاحد وشبيه الأحد
سارة: اول رمضان؟!
جاسر: عليك نور.. مدام عارفتو اول رمضان وأول رمضان ليك معايا كمرتي.. نورمالمون تكوني معايا نبداو صيامو مع بعضانا.. مش مشتتين هك
سارة: بلعت ريقها: نقدرو نبقاو في زوز.. نورمال نبداوه مع دارنا مهم نكونو مع بعضانا
جاسر: بدا يركبو الجن: علاه حابة تبقاي هممم
سارة: هنا مع العيلة كبيرة نفوتو جو باهي وماما مريضة نحظيها حتى تهز صحتها شوي
جاسر: اصبري بالحاجة.. بيك عالعيلة دارنا عيلة ماحناش عايشين وحدنا
سارة: بصح مش كيف كيف هنا خير و
جاسر: بحدة: ديري فالسباايب درك ولا كيفاه.. مخلية الصيام فدارك وحابة طيحي بيك بيا هنا.. نصوم عند نسااابي مهبوول انا!!خلعها تهزت وتحطت وبزربة كتمتو ترغب
سارة: اشش وطي صوتك جسور راقد
جاسر: بعدها: استغفر الله رح نجهل معاك.. نفخ بفدة: هاتي ملخر.. عطيني سبة مقنعة نبقاو على جالها؟
سكتت تخمم حلت فمها تعاودلو موشح امها توقع كلامها سبقها
جاسر: بيك يماك نديونا معانا تحظيها بمعريفتك ولا حبيت نجيبلها فرملية تقابلها
سارة: ماني ماتخليناش نديوها
جاسر: نهدر معاها ونقنعها خلاص هاي تفرزت
سارة: وش تفرز.. قلتلك ماتخليهاش ماني ونعرفها.. زيد يما ماتقبلش
جاسر: علاه رايها! وهي عاقلة على حاجة أصلا به تشاوريها وتمشي برايها!!
سارة: وجعتها هدرتو: ماتعيبلييش يماا..اعررف ماتهدر.. حرام عليك هك
تنطرت واقفة بزعاف عرف راسو ثقبها بزربة جرها لبلاصتها مداير عقل بحر
جاسر: حقك عليا والله ماقصدش.. شغل فحالتها نقدرو نديوها بلاما تعترض فهمتيني
سارة: فهمتك.. بصح هي مابقاش متلفة كيف اول شافتني.. ملبارح لقبيل حسيتها بدات ترجع نورمال
جاسر: بشك: تسمى ماعندهاش فقدان ذاكرة!
سارة: مانعرف.. بالاك بدات ترتاح وحدها كيما قال دكتور ايهاب
جاسر: شرد يحك فليحتو يتمتم: مليح يعني مابقاش تخلعك بحالاتها.. بصوت اعلى: خبر يفرح حمد الله على سلامتها.. وهاي فرزت مشكلتنا مش محتم تبقاي هنا لعشية نروحو
سارة: بحسرة: تسمى مزلت مصمم عالترواح؟!
جاسر: ومش حرام نبقاو هنا ونخليو ال3ذوك جدودي وبابا فالدار وحدهم تقول غوال!! هز حاجبو: ولا حتى هم نجيبوهمم معانا هنا!!
سكتت ماعندهاش جواب ملائم.. تنهد بقلة حيلة وداعب خدها بحب
جاسر: خص تتعودي عالعيشة هيه.. بشوي ونعمرو الدار بولادنا ماتحسيش بالغربة
سارة: تفرقو لبنات خاوتك خلاوني وحدي
جاسر: قسم ربي.. كل وحدة تبع راجلها.. ونتي تبعيني ولا عندك راي خلاف!
جاوبتو بصمتها لي يلعب عالأعصاب نفخ ووقف ناهي الحديث
جاسر: نسهرو ڨد ماتحبي هنا مي لمبات لهيه.. نقطة انتهى..
خرج مخليها متحسرة وما بيدها حيلة هو صاحب الكلمة والشوار ولي يقولها باتت!
DU LIEST GERADE
أسيرة هوس السادي "18+" (باللهجة الجزائرية)
Romantikبين للتمرد والقسوة وقعت أسيرته... اذاقها العذاب ألوان فتمردت عليه عاندتنه ولم تستسلم... إلا ان حولت قسوته لعشق وعزفت ألحان عشقها على أوتار قلبه... فإنقلب السحر عالساحر وتحول من آسرها لأسيرها هي أسير قلبه العاشق لها... في لحظة... تتقلب بهم لموازين...
الفصل الثالث: قلوب محترقة (ح165)
Beginne am Anfang