Must Have Been The Wind (3G Series #1)

Chapter 75

Chapter 75:

Hakuna Miran's Point of View.

Naalimpungatan ako nang marinig na ang mga boses nila sa labas, halo halo. Inayos ko ang sarili, ngunit habang naliligo ay halos mapalunok ako nang maalala ang ginawa kagabi!

Oh my goodness!

"Sige lang! Sandal kana at huwag mong pipigilan, iiyak mo na ang lahat sa langit, iiyak mo na ang lahat sa akin!" Pagkalabas ko ng kwarto ay may hawak na gitara si Jem at kumakanta habang katabi si Terry na napapailing na lang.

"Parang gago Jeremy." Natatawang sita ni Crizel.

"Sige lang, sandal ka na at 'wag mong pipigilan, iiyak mo na ang lahat sa langit, iiyak mo na ang lahat sa akin!" Nakagat ko ang ibabang labi pinipigilang matawa.

Nang makita ako ni Terry ay natawa ako, "Ginagago ba ako nito?" Pabulong niyang tanong kaya mas natawa ako.

"Hayaan mo lang," sagot ko.

Hinanap naman ng mata ko kaagad si Laze, "Hinahanap mo si Laze?" Nagulat ako sa pagsulpot ni Crizel sa gilid ko kaya tumango ako.

"Ewan, maaga siya umalis." Sagot niya pa at inayos ang suot niyang t-shirt.

"Gago mare, blackout ako kagabi. Buti nakalakad ka pa hanggang kwarto mo?" Tanong ni Crizel kaya nag-init ang pisngi ko.

"Hinatid ako ni Laze," mahina kong sagot.

"Ay wow." Bulong niya.

"Kayo ha, ano ginawa niyo?" Naningkit ang mata niya kaya umiling ako.

"Anong gagawin namin? Sasayaw?" Ngiwing sabi ko.

"Sa kama?" Nanlaki ang mata ko at malakas siyang hinampas dahilan para matawa siya at lumayo sa akin.

"Jem tama na 'yan, baka sapakin ka na ni Terry." Natatawang suhestyon ni Crizel at naupo.

Dahil doon ay umuwi muna kami ni Crizel at Jem sa bahay, naiwan na si Terry sa rest house dahil baka bumalik rin sila Ruri at Carl ngayon dahil may pasok bukas.

Pagkauwi ko ay tumakbo pababa si Yamato, "Hindi ako pinalalabas ate, okay ka lang?" Pangangamusta niya at tinignan ang mga pasa at sugat ko.

"Mga lason talaga 'yon." Inis niyang sabi.

"Bakit hindi ka nakakalabas?" Nagtatakang tanong ko.

"Dad forbid me since he's treating me as a kid, just like you but letting Ate Janella go out." Mahina akong natawa.

"Hindi rin ako nakakalabas ng walang kasama." Sambit ko.

"Mga Bautista na 'yan, akala ba nila maganda ginagawa nila." He rants which made me smile, nang makita sila mama at dad ay nagmano ako.

"Kumusta ang kalagayan mo anak?" Lumapit si mama kaya ngumiti ako at sinabi na maayos lang ako, hinarap ko naman si lolo na tahimik lang na nakatayo.

Sandali kaming nag-usap hanggang sa pagpahingain na ako sa itaas sa kwarto ko.

Habang tumitingin sa social medias ko ay natigilan ako nang makita ang story ni Laze on his IG.

Pinindot ko 'yon, tsaka ko nakita ang isang yate at nandoon nga siya kasama ang magulang at kapatid niya na si Jami.

Kailan kaya siya babalik?

Kinagabihan ay bumalik na kami sa rest house ngunit hindi pa rin umuuwi at nakakabalik si Laze kung kaya't medyo down ako.

Hindi ko ba siya makikita ngayong araw?

I viewed his stories again but I think they're having fun right now and he's not going home tonight.