Must Have Been The Wind (3G Series #1)

Chapter 17

Hakuna Miran's Point of View.

Habang nakaupo sa terrace ay nagtataka kong sinulyapan si Laze ngunit nakalahad na ang palad niya sa harapan ko at nandoon ang cellphone niya. "Call your mom." Nag-aalangan kong tinanggap 'yon at sinunod siya.

Pero hindi 'yon sinagot kaya tinawagan ko si Yamato, this time ay sinagot niya na. "Hello, Kuya Laze."

"Ako 'to." Mahinang sagot ko.

"Ate, napano ka? Nakita ko tumawag ka sa akin kanina." Huminga ako ng malalim at kinwento sa kaniya ang nangyari at dahil doon ay galit na galit na naman siya sa kabilang linya.

"Tinetext kasi kita ate kanina na huwag ka na umuwi, hindi mo po yata nabasa. Nakakainis talaga si Tito Jubal kailan ba siya kukunin ni Papa Jesus." Nanlaki ng bahagya ang mga mata ko sa sinabi niya.

"I-Ikaw naman kung ano-ano sinasabi mo—"

"He'll go in hell, not up there." Nanlaki rin ang mata ko sa pagsingit ni Laze at alanganin na tumawa.

"HAHAHAHAHAHHAHAA totoo kuya—"

"Yamato." Nambabanta kong tawag sa pangalan niya.

Ni-loudspeaker ko 'yon para makapag-usap rin ang dalawa hanggang sa biglang nagsalita si Yamato. "Ate wala ka ba talagang gusto kay Kuya Laze? Gwapo naman siya—"

"Yamato ano ba.." bahagyang namula ang mukha ko at hindi masulyapan si Laze na blangkong nakatingin sa akin.

"Hindi ka kinikilig sa kaniya? Talaga—"

"Yamato!" Singhal ko at mabilis na pinatay ang tawag, ginagawa niyang awkward ang lahat, inabot ko na 'yon kay Laze at hindi siya sinulyapan man lang.

"Get rest." Mahinang sabi niya kaya tumayo ako at sinundan siya, maya-maya ay huminto kami sa isang kwarto na hindi naman malayo sa kwarto nila.

"Rest ka na ate, knock ka na lang sa doors namin pag may need ka po." Tumango ako at ngumiti.

"Thank you Jami." Ngumiti siya at napangiti ako lalo ng kumaway pa siya bago paatras na naglakad at dumeretso sa kwarto niya.

"G-Goodnight." Mahinang sabi ko kay Laze na nakatayo sa harap ko, tumitig siya sa akin at tumango lang bago ako tinalikuran. Pagkapasok ko sa kwarto ay nayakap ko ang sarili sa lamig ngunit namangha ako ng makita ang malambot na kama.

Kinaumagahan ay sinamahan ako ni Laze umuwi sa amin. "What are you planning?" He asked, naglalakad pa lang naman kami papalapit sa bahay.

"Syempre uuwi na baka mapahamak pa sila mama." Nakangusong sagot ko.

Hindi na siya sumagot at sinamahan akong maglakad pero nang makauwi ay halos mapaatras ako kaagad ng humagis ang bag sa harapan ko, nagulat kong tinignan si mama na mukhang galit. "B-Bakit po?" Si Laze ay nanatiling tahimik sa likuran ko.

"Lumayas ka, lumayas ka ng pamamahay ko!" Bahagyang umawang ang labi ko sa biglaang pagsigaw ni mama, sinulyapan ko si Tito Jubal na tahimik na umiinom ng kape.

"M-Mama bakit po? A-Ano pong nagawa ko mama?" Nagtataka kong tanong at lalapitan na sana siya ngunit dumapo ang palad niya sa pisngi ko.

"Lumayas ka na at huwag na huwag ka ng magpapakita pa sa akin! Huwag ka ng umuwi!" Nagwawalang sigaw niya kaya naluha ako habang hawak ang pisngi.

"M-Mama." Sinubukan ko siyang lapitan ngunit tinulak niya ako dahilan para maiyak ako sa harapan niya.

"M-Mama bakit po? A-Ano pong nagawa k—"