Must Have Been The Wind (3G Series #1)

Chapter 9

Hakuna Miran's Point of View.

Matapos kumain ay nakalabas na lahat ng libro ko at nag-aaral ako sa isang gilid ganoon rin si Yamato at Laze may kaniya-kaniyang pwesto sila, si Laze ay may suot na earphones habang si Yamato ay may nginunguyang bubble gum.

Habang ako may kape sa gilid ng mesa at iniinom inom ko 'yon. "Sakit sa ulo," bulong ko habang kimakabisa ang isang buong page.

"Study, don't memorize. You're making me ill Miran." Kusang napa-angat ang tingin ko kay Laze.

"If you're going to memorize the whole book you'll fail, but if you'll study the whole book it's possible." Tila nanenermon niyang sabi kaya ngumuso ako at sinunod siya, ginawa ko mag-aral, inaral ko ito at hindi kinabisado.

Tama nga siya, posibleng maaral ko ang buong libro ngunit hindi makabisado.

Matapos ko sa isang lesson ay para akong gulay na nahiga sa sofa sa sobrang katamaran, lahat kami ay nasa sala. Habang ang sofa namin ay hindi pa ganoon kalambot ngunit parang simpleng apartment lang naman ang bahay namin.

Bukas pa ang simula ng three days pero nababaliw na ako sa binabasa ko. "It's so harddsdd," mahabang wika ko at ipinikit ang mata.

Ngunit kusa akong napamulat ng may humila sa akin papatayo ngunit ang nakakahiya ay nawala ako sa balanse dahil sa gulat at dahil doon na sandal ako sa dibdib ni Laze dahilan para mabilis akong umayos ng sobrang nahihiya. "H-Hila ng hila."

"Don't get straight to bed and closing your eyes without doing recall. You'll forget a lot, stand, jump, walk, exercise just don't get to lay your back straight after finishing a book." Lumunok ako at tumayo ng deretso.

"Yes master. Masusunod po salamat po sa tips." Sarkastika kong sabi at ngumuso, ginawa ko ang sinabi niya naglakad ako pakusima hanggang sa sala babalik ulit.

"Ate penge tubig," sinunod ko si Yamato at inabutan siya ng malamig na tubig.

Kinuhanan ko na rin ng maiinom si Laze at inilapag ko 'yon sa study table na pang bed table lang 'yon lang ang gamit nila ngayon habang ako gamit ko center table.

"Ate hindi mo pa ba gagamitin 'yung tablet na provide ng school?" Napalunok ako mg tanungin 'yon ni Yamato.

"Hindi ko alam i-set," pagsasabi ko ng totoo.

"Pinaayos ko nga lang kay Kuya Laze yung akin, teka kunin ko na ba sa kwarto mo papaayos ko ate," nakangiting wika niya kaya tumango ako.

Matapos no'n ay pakiramdam ko naririnig ko ang tunog ng orasan sa sobrang tahimik, hanggang sa makabalik si Yamato ay lumapit siya kaagad kay Laze at hinila ako tapos ay ini-upo sa tabi ni Laze.

"Aralin mo mabuti ate," wika ni Yamato.

"Matutulog na po ako, bukas na ako mag-aaral." Paalam niya kaya napalunok ako ng umalis na siya at umakyat sa itaas.

Habang nakaupo sa tabi ni Laze ay tumikhim ako at tinignan siya. "Hindi ko alam mag-set niyan," wika ko at itinuro ang tablet.

Huminga siya ng malalim at tumango tango, naka suot lang siya ng shirt dahil hindi naman kalamigan ang bahay namin dahil walang aircon. Itinuro nga sa akin ni Laze ang mga 'yon at siya na rin ang nag-set kaya naman gumagana na 'yon.

Inaral ko rin kung papaano gumagana ang tablet at hindi pala mahirap. Alas onse na ng gabi ngunit nag-aaral pa rin kami, medyo inaantok na ako ngunit tinatatagan ko lang ang sarili dahil kailangan kong mag-aral.

"Laze nag-paalam ka ba sa bahay niyo na dito ka magpapagabi?" Mahinahon na tanong ko at tinabihan si Bullet na nakaupo habang nilalaro ang laruan niya sa sahig.