#ولدتني_عاهرة النهاية ♥️🌺
قعدت في حضنه للفجر .. يمسحلي في دموعي .. يبوسني .. يقولي كلمة تضحك .. يلعب بشعري .. يشربني عصير ..
أذن الفجر .. نضنا دوشنا و صلينا ... و كلينا و خشينا فراشنا رقدنا ..
كنت متعبه و متحشمة و المكان و الوضع جديد عليا .. و مع كل هذا دخلت في نوم عميق ..
نضت بعد العصر .. لقيت سيف يصلي .. خشيت الحمام دوشت و لبست و صليت و جيت جنبه ♥️♥️
قالي صحه النوم .. قتله الله يسلمك ♥️♥️
قالي قاعد في ألم ؟؟ قتله شويه 🙈 .. باسني و خلاني في حضنه ..
قتله نبي حوشي .. قالي امته تبي تمشي ؟ خشيت في حضنه و قتله توا ..
قالي نوضي هيا .. لبست عبايتي .. و ضميت حاجتي و طلعنا .. ركبت السياره و قعدت نستنى فيه ..
خدينا عشاء من برا و روحنا حوشنا ..
دار نوم حلوه و بديكور جديد .. و باقي الحوش كله زي ما هو .. البساطات جدد .. في شتلات غرس جدد في الجنان .. في بوكس فيه قطوسه .. فرحت هلبا لما شفتها 😍😍
قتله ح تعيش معانا ؟؟ قالي ايه ..
قتله ما احلاها تهبل 😍😍
حطينا عشانا و القطوسه معانا و كنت فرحانه بيها هلبا .. و كان عشاي كله بي إيده يوكل فيا و كأني طفلته ♥️🙈
خشينا دارنا و غيرنا ملابسنا و جابلي عصير و شكلاطه و مكسرات ..
نحالي الروب .. و قالي تعالي في حضني .. حطيت راسي ع صدره و ضمني ..
قالي بكره ح نسافروا السعوديه .. قتله بجد 😍😍 قالي مش خاطرك في العمره ؟
قتله فوق ما تتصور 😍♥️ قالي بكره طيارتنا ♥️♥️
قتله و جوازي ؟؟ قالي خديته من محمد خوك .. قتله ليش هو كان عند محمد ؟؟
قالي لا لكن محمد خداه من بوك .. ممكن بوك لقاه في داره او حاجة هكي ..
قتله يلا عادي المهم إني بنمشي عمره 😍😍 .. قالي ادعي نخليك تصلي او تعتمري 😁
قتله ليش ؟؟
خدا إيدي و قالي شوفي ليش .. نحيتها و قتله سيف 🙈🙈
تاني يوم جهزنا نفسنا و مشينا للمقبره .. كالعاده قريت قرآن و دعيت و بخبخت ميه و نظفت شويه حوالين القبر و معاي سيف .. و بعدها مشينا للمطار و ركبنا طيارتنا و سافرنا السعوديه .. و أول ما وصلت الحرم حسيت بمعية الله عز و جل .. صلينا و دعينا و نفسيتي انشرحت هلبا .. ♥️♥️♥️
_________ و مرت سنه .. سنتين .. ثلاثه سنين .. أربعة ................
_____
_ نزااااااااااااار ...
_ نعم يا ماما .......
_ تعالى سمّع عليا { ألْهٰكُمُ التَّكَاثُرُ }
_ ما أحفضتهاااش يا مامااااااا ..
_ من بكري نقولك امشي احفظها 🤨 إنت معاقب اليوم ..
_ لا أنا مش معاااااقب 😌 ..
_ لاااا انت معاقب 🤨 ..
_ لاا أنا مش معاااقب 😇
_ و ليش ان شاءالله ؟ 🤨
_ قال رسول الله صلى الله عليه و سلم : (من صلى الفجر في جماعة فهو في ذمة الله) .. و في حديث آخر ( فهو في حفظ الله ) يعني أنا في ذمة الله ما تقدريش تعاقبيني 😌 ..
____
تلفتت لي سيف 😳😳 قتله سمعت ولدك شن قال ؟؟ 😳😳
قالي سمعته 😍
كان نزار طفلي يشبه نزار خوي في طبعه .. نفس تصرفاته .. نفس ضحكته ..
هي بذرة الخير الي فينا .. كان سقيتها ح تكبر بصلاح ذاتك و أخلاقك ..
و كان ما سقيتهاش ح تموت و تمنو بذرة الشر فيك .. و تكبر بفساد ذاتك و اخلاقك 🤷🏻♀️
....... و إجتمعنا كلنا في زرده دارها بابا و ناديه .. منار عندها نزار و ندى و نهاد .. محمد عنده نزار و نادر و إيمان حامل .. أمل عندها بنيه و مطلقه .. و أنا عندي نزار و يقين و حامل 🙈 ..
أمل شاده بنتها و مقعمزة و كسرة الخاطر واضحه في عيونها .. إياد تزوج و عنده زوز صغار .. عمتي كل يوم يزيد راجل عمتي يدللها ♥️
محمد مقعمز يشوي و كل ما ياكل حاجة يجي يوكل إيمان .. و أمل تراقب بعيون كلها حسره ..
ناديه كل ما تطلع لازم تشري لي صغارنا حاجة .. و ينادوا فيها حنينه ناديه .. اتدافع عليهم كان داروا غلط او كسروا .. يلبدوا وراها ..
بنتي يقين حبيبة بوها و نغاروا عليه احنا الزوز 🙈♥️ و نتخاصموا على حضنه و في الاخير انا الي نفوز ♥️🙈
من يوم تزوجت لا أهاني .. لا أستحقرني .. لا زعلني .. لا كشخ عليا .. يعامل فيا زيني زي يقين و نزار ..
و من يوم خديته .. لا نطلع من غير إذنه .. لا نخالف كلمته .. خلطتي بالناس محدودة .. ما نحبش المظاهر و الإسراف الزايد .. حوشي أثاثه من عرس بابا .. مهتمة بنفسي و بي أطفالي ..
خدينا قطعة أرض و كل جمعه نمشوا نغرسوا فيها حاجة ♥️♥️
كل جمعة بعد الصلاة لازم يمشي بابا و صغاري للمقبره ..
خالتي تضايقت من أمي و معاش حملتها و حطتها في دار العجزه ... و ما نعرف عليها شي الا ان بابا يبعتلها في فلوس كل شهر ..
والد سيف توفى و جت ابله مريم سكنت عندي .. و في العصر تمشي للجامع هي و نزار .. و يومياً الفجر نطيب خبزة سخونه و نفطروا .. وقتي كله لي حوشي و صغاري ..
في النهايه ..
أنا ولدتني عاهرة .. بس أنا من أطهر خلق الله .. محمد ما رباتاش أم صالحه .. بس هو أرجل من مية راجل ..
في النهايه يا مجتمعنا {{ وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ }}
أنا نادرة كاتبة الروايه هادي ..
نقدم أعتذاري لكل أم فاضله ♥️ .. حملت ♥️.. جابت ♥️ .. ربت ♥️.. تعبت ♥️.. صبرت ♥️.. تحملت ♥️.. عانت ♥️.. تألمت ♥️.. قاست ♥️.. آلمها لفظ ( عاهرة ) نقوللها انتي اطهر من هكي .. و لهذا انا اخترت العنوان يكون ولدتني عاهرة و ليس أمي عاهرة .. لأن كلمة أمي أقدس من العُهر .....
هلبا أمهات ما عرفوش للسعاده طعم .. داقوا الضرب .. الحرمان .. الأهانه .. بس صبروا و شافوا نتيجة صبرهم في قرة أعينهم ..
و عوضهم ربي خير في صغارهم و عاشوا في عزهم و دلالهم و أفتخروا بي أبنائهم ..
بس الي غرها شيطانها .. خانت رجل كل ذنبه أنه تزوجها .. سلمت نفسها لكل من ضحك عليها بكلمة حلوة .. باعت كرامتها و أصلها و سمعتها و أخلاقها .. و جرت وراء شهواتها ..
اليوم أحصدي الي زرعتيه أمس .. ما تطلبيش مني نحن و نعطف عليك لأنك ما علمتينيش الحنان .. ما كنتيش فاضيه بيا ..
ما تقوليليش أنا أمك حرام عليك .. لأني ياما قلت أنا بنتك حرام عليك و ما سمعتينيش ..
راهو الجنه تحت أق#ولدتني_عاهرة النهاية ♥️🌺
قعدت في حضنه للفجر .. يمسحلي في دموعي .. يبوسني .. يقولي كلمة تضحك .. يلعب بشعري .. يشربني عصير ..
أذن الفجر .. نضنا دوشنا و صلينا ... و كلينا و خشينا فراشنا رقدنا ..
كنت متعبه و متحشمة و المكان و الوضع جديد عليا .. و مع كل هذا دخلت في نوم عميق ..
نضت بعد العصر .. لقيت سيف يصلي .. خشيت الحمام دوشت و لبست و صليت و جيت جنبه ♥️♥️
قالي صحه النوم .. قتله الله يسلمك ♥️♥️
قالي قاعد في ألم ؟؟ قتله شويه 🙈 .. باسني و خلاني في حضنه ..
قتله نبي حوشي .. قالي امته تبي تمشي ؟ خشيت في حضنه و قتله توا ..
قالي نوضي هيا .. لبست عبايتي .. و ضميت حاجتي و طلعنا .. ركبت السياره و قعدت نستنى فيه ..
خدينا عشاء من برا و روحنا حوشنا ..
دار نوم حلوه و بديكور جديد .. و باقي الحوش كله زي ما هو .. البساطات جدد .. في شتلات غرس جدد في الجنان .. في بوكس فيه قطوسه .. فرحت هلبا لما شفتها 😍😍
قتله ح تعيش معانا ؟؟ قالي ايه ..
قتله ما احلاها تهبل 😍😍
حطينا عشانا و القطوسه معانا و كنت فرحانه بيها هلبا .. و كان عشاي كله بي إيده يوكل فيا و كأني طفلته ♥️🙈
خشينا دارنا و غيرنا ملابسنا و جابلي عصير و شكلاطه و مكسرات ..
نحالي الروب .. و قالي تعالي في حضني .. حطيت راسي ع صدره و ضمني ..
قالي بكره ح نسافروا السعوديه .. قتله بجد 😍😍 قالي مش خاطرك في العمره ؟
قتله فوق ما تتصور 😍♥️ قالي بكره طيارتنا ♥️♥️
قتله و جوازي ؟؟ قالي خديته من محمد خوك .. قتله ليش هو كان عند محمد ؟؟
قالي لا لكن محمد خداه من بوك .. ممكن بوك لقاه في داره او حاجة هكي ..
قتله يلا عادي المهم إني بنمشي عمره 😍😍 .. قالي ادعي نخليك تصلي او تعتمري 😁
قتله ليش ؟؟
خدا إيدي و قالي شوفي ليش .. نحيتها و قتله سيف 🙈🙈
تاني يوم جهزنا نفسنا و مشينا للمقبره .. كالعاده قريت قرآن و دعيت و بخبخت ميه و نظفت شويه حوالين القبر و معاي سيف .. و بعدها مشينا للمطار و ركبنا طيارتنا و سافرنا السعوديه .. و أول ما وصلت الحرم حسيت بمعية الله عز و جل .. صلينا و دعينا و نفسيتي انشرحت هلبا .. ♥️♥️♥️
_________ و مرت سنه .. سنتين .. ثلاثه سنين .. أربعة ................
_____
_ نزااااااااااااار ...
_ نعم يا ماما .......
_ تعالى سمّع عليا { ألْهٰكُمُ التَّكَاثُرُ }
_ ما أحفضتهاااش يا مامااااااا ..
_ من بكري نقولك امشي احفظها 🤨 إنت معاقب اليوم ..
_ لا أنا مش معاااااقب 😌 ..
_ لاااا انت معاقب 🤨 ..
_ لاا أنا مش معاااقب 😇
_ و ليش ان شاءالله ؟ 🤨
_ قال رسول الله صلى الله عليه و سلم : (من صلى الفجر في جماعة فهو في ذمة الله) .. و في حديث آخر ( فهو في حفظ الله ) يعني أنا في ذمة الله ما تقدريش تعاقبيني 😌 ..
____
تلفتت لي سيف 😳😳 قتله سمعت ولدك شن قال ؟؟ 😳😳
قالي سمعته 😍
كان نزار طفلي يشبه نزار خوي في طبعه .. نفس تصرفاته .. نفس ضحكته ..
هي بذرة الخير الي فينا .. كان سقيتها ح تكبر بصلاح ذاتك و أخلاقك ..
و كان ما سقيتهاش ح تموت و تمنو بذرة الشر فيك .. و تكبر بفساد ذاتك و اخلاقك 🤷🏻♀️
....... و إجتمعنا كلنا في زرده دارها بابا و ناديه .. منار عندها نزار و ندى و نهاد .. محمد عنده نزار و نادر و إيمان حامل .. أمل عندها بنيه و مطلقه .. و أنا عندي نزار و يقين و حامل 🙈 ..
أمل شاده بنتها و مقعمزة و كسرة الخاطر واضحه في عيونها .. إياد تزوج و عنده زوز صغار .. عمتي كل يوم يزيد راجل عمتي يدللها ♥️
محمد مقعمز يشوي و كل ما ياكل حاجة يجي يوكل إيمان .. و أمل تراقب بعيون كلها حسره ..
ناديه كل ما تطلع لازم تشري لي صغارنا حاجة .. و ينادوا فيها حنينه ناديه .. اتدافع عليهم كان داروا غلط او كسروا .. يلبدوا وراها ..
بنتي يقين حبيبة بوها و نغاروا عليه احنا الزوز 🙈♥️ و نتخاصموا على حضنه و في الاخير انا الي نفوز ♥️🙈
من يوم تزوجت لا أهاني .. لا أستحقرني .. لا زعلني .. لا كشخ عليا .. يعامل فيا زيني زي يقين و نزار ..
و من يوم خديته .. لا نطلع من غير إذنه .. لا نخالف كلمته .. خلطتي بالناس محدودة .. ما نحبش المظاهر و الإسراف الزايد .. حوشي أثاثه من عرس بابا .. مهتمة بنفسي و بي أطفالي ..
خدينا قطعة أرض و كل جمعه نمشوا نغرسوا فيها حاجة ♥️♥️
كل جمعة بعد الصلاة لازم يمشي بابا و صغاري للمقبره ..
خالتي تضايقت من أمي و معاش حملتها و حطتها في دار العجزه ... و ما نعرف عليها شي الا ان بابا يبعتلها في فلوس كل شهر ..
والد سيف توفى و جت ابله مريم سكنت عندي .. و في العصر تمشي للجامع هي و نزار .. و يومياً الفجر نطيب خبزة سخونه و نفطروا .. وقتي كله لي حوشي و صغاري ..
في النهايه ..
أنا ولدتني عاهرة .. بس أنا من أطهر خلق الله .. محمد ما رباتاش أم صالحه .. بس هو أرجل من مية راجل ..
في النهايه يا مجتمعنا {{ وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ }}
أنا نادرة كاتبة الروايه هادي ..
نقدم أعتذاري لكل أم فاضله ♥️ .. حملت ♥️.. جابت ♥️ .. ربت ♥️.. تعبت ♥️.. صبرت ♥️.. تحملت ♥️.. عانت ♥️.. تألمت ♥️.. قاست ♥️.. آلمها لفظ ( عاهرة ) نقوللها انتي اطهر من هكي .. و لهذا انا اخترت العنوان يكون ولدتني عاهرة و ليس أمي عاهرة .. لأن كلمة أمي أقدس من العُهر .....
هلبا أمهات ما عرفوش للسعاده طعم .. داقوا الضرب .. الحرمان .. الأهانه .. بس صبروا و شافوا نتيجة صبرهم في قرة أعينهم ..
و عوضهم ربي خير في صغارهم و عاشوا في عزهم و دلالهم و أفتخروا بي أبنائهم ..
بس الي غرها شيطانها .. خانت رجل كل ذنبه أنه تزوجها .. سلمت نفسها لكل من ضحك عليها بكلمة حلوة .. باعت كرامتها و أصلها و سمعتها و أخلاقها .. و جرت وراء شهواتها ..
اليوم أحصدي الي زرعتيه أمس .. ما تطلبيش مني نحن و نعطف عليك لأنك ما علمتينيش الحنان .. ما كنتيش فاضيه بيا ..
ما تقوليليش أنا أمك حرام عليك .. لأني ياما قلت أنا بنتك حرام عليك و ما سمعتينيش ..
راهو الجنه تحت أقراهو الجنه تحت أقدامك .. أزرعي الحب في بيتك .. انثري الحنان في كل زواياه .. إحتوي أبنائك ..
ما عندي ما نقول غير الله الله في أزواجكم و أطفالكم ♥️🌺
{{ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ
رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ }}
