🌸ولدتني_عاهرة 13🌸
شديت في رقبته بطريقه غريبه .. و كأني غارقه في بحر يضرب فيا الموج من كل جهة و هو المنقذ الوحيد من الموت المحتم ..
انفاسه تلامس وذني .. حسيت بيها .. رخيت ايديا من رقبته .. باعدت شويه و انا نمسح في دموعي .. بس قاعد لاف ايديه عليا .. نحيتله ايديه .. قتله أنا آسفه ووووووووووو .. قالي على شنو ..
بكيت و قتله هكي شاغلاتك معاي ديما .. قالي معاش تقولي هكي .. رن تليفوني و كان سيف اقرب منه عليا ..
شافه و مدهولي .. قالي خطيبك يتصل .. شفت تليفوني لقيته إياد ..
استغربت هذا شن يبي !!!!
قتله مش ح نرد .. توتر سيف و حسيته فجأه تضايق .. عاود إياد اتصل .. سيف عيونه ع التليفون .. شاورلي قالي ردي ..
رديت .. قتله نعم !!
قالي وين إنتي ؟؟
قتله برا عندي خدمة .. قالي نبي نتكلم معاك .. قتله بخصوص !!
قالي لما تروحي كلميني تو نقولك .. قتله تمام و صكرت الخط ..
ابتسم سيف ابتسامه مصطنعه و كأنه فاق ع الواقع الي كان هارب منه ..
قالي تبي تفكري في الموضوع ؟؟ قتله ايه افضل .. قالي خطيبك يعرف بالموضوع ؟؟
قتله لا مزال ما يعرف حد غيرك ..
قالي به تمام ..
قربت منه و قتله أنا أس... حط ايده ع فمي و قالي اششششش 🤫🤫🤫🤫 ما صار شي ..
و لو تحسي في روحك مزال تبي تقعدي فأنا هنا على خاطرك .. قتله لا إياد يستنى فيا .. قالي أهااا به تمام ..
طلعت روحت للحوش .. قعدت مقعمزه انا و منار و حكيتلها كل شي .. كل حرف .. كل كلمة .. كل وجع .. كل موقف .. حكيته بدموعي .. دموعي الي نزلوا من قلبي ما نزلوش من عيني ..
اتصل إياد .. اييييح هذا شن يبي ناقصه انا ماهو ... رديت نعم !!!!
قالي مش قتلك كلميني لما تروحي !! قتله نسيت .. قالي انا جاي نبي نحكي معاك ..
صكرت الخط و كملت نحكي مع منار .. نحكوا و نبكوا انا و اياها ..
فجأه منار خشت في حاله نفسيه غريبه .. تبكي و تخبط على بطنها و تقول ما نبيش نجيب صغار .. ياريتني ما تزوجت .. تخبط على وجهها .. حناي سمعتها .. تنادي من الدار التانيه يا ماريا يا ماريا شن هذا الصوت ؟؟؟
نحاول نوقف بكاء و نعدل صوتي .. التلفزيون هذا يا حناي التلفزيون ..
حناي : به نقصوا فيه التلفزيون خلعني ..
نبكي و نقوللها تو انقص فيه 😢 ... جى إياد و خشيت غسلت وجهي و طلعتله ..
قالي خيرك شن في ؟ ليش وجهك هكي ؟
قتله نخاف نحكيلك يرتفع ضغطك .. لهذا ما تدورش خيرني ..
قرب مني و قالي شن قصدك ؟
وخرت انا و قتله ليش كلمتني ؟ شن في ؟
قالي انا قدرت نقنع بوي ع الخطبه .. و وافق .. بس شرط ان امك ما تخشش حوشك بكل .. و لا تسلمي عليها .. و لا تتلاقي معاها .. و لا صغاري يعرفوها .. حتى لو ماتت ما تحضريش وفاتها ..
كان إحساسي وقتها مختلط .. بين القرف و الشفقه على عقول الناس .. بين الظلم الي تجرعناه و بين الحق و ظلم ذوي القربى ..
قعدت ساكته .. ممكن وقتها الكلمات المناسبه الي كانت ح تطلع مني كلها +18
بس للأسف لساني مش متعود عليها ..
قالي شن رايك ؟
قتله تعرف لو الحوش هذا حوشي شن كنت ح ندير ؟ قالي شنو !
قتله ح نطردك شر طرده ..
بس للاسف حوش حناك هذا زي ما هو حوش حناي .. و طلعت من الدار و خليته .. خشيت لداري لقيت منار مقعمزه و عيونها دموع و سرحانه .. قتلي خيره هذا ؟؟ قتلها جاي يقولي في شروطه .. قتلي شروط شنو مش بوه مش موافق !!
قتلها وافق توا .. بشرط ننقطع على امي حتى في جنازتها ..
قتلي ليش انتي تمشيلها بالدرقه و انا ما نعرفش ؟؟ تي انتي من الثانوي ما تعرفيهاش .. قتلها به شن بتردي ع الناس التافهة هي !!
قتلي كان صكر فمه خير .. قتلها بالعكس خليهم يحكوا بالك نعرفوا شن في في نفوسهم .. تليفوني يرن .. قمته لقيته إياد .. درته مقفل ..
قلت لي منار شن بديري توا ؟؟ بتقعدي هنا و لا بترجعي حوشك ؟؟ و لا بتمشي تقعدي في شقة محمد ؟؟
قتلي كيف بنرجع ؟ و كان علاء عرف ان امي كانت علاقه مع خوه ؟؟
قتلها ما اعتقدش سلفك ح يتكلم .. ح يضر نفسه أكثر ما يضرك ..
قتلها انتي شن قلتي لي علاء لما جيتي هنا ؟؟ قتلي قتله حناي تاعبه بنمشي نقعد يومين ثلاثه .. قتلها التليفون وين ؟؟
مدتلي الجهاز متعها .. قتلها لا لا التليفون الي لقيتيه في شنطة امك .. قتلي لحضه نجيبهولك .. مشت جابتهولي ..
قتلها ح يقعد عندي .. و أنسي حاجة اسمها امك .. لا تفكري تمشيلها و لا تفكري تخليها تجيك .. قتلي امالي راجلي يستغربوا بيقولوا خيرها مقطوعه من اماليها !!
قتلها مرة مرة قولي لي علاء ارفعني حوش حناي لان امي غادي و كلهم ملتمين العيله ..
قتلي به تمام .. لكن انا ما عنديش وجه نقابل سلفي او راجلي 😔😔
قتلها سلفك ما تفكريش تقابليه لانه واطي و احتمال يحط العين عليك و يتقرب منك .. ردي بالك على روحك ..
لكن راجلك ما يعرف شي .. استري على روحك و حافظي على حوشك .. اثبتي لنفسك انك قويه و ما تخليش حوشك يتهدم زي ما عشنا احنا في حوش متهدم ..
حضنتني و حطت راسها ع صدري .. قتلي تتفكري زمان و انتي صغيره كيف ترقدي في حضني و تقوليلي نبي بابا ؟؟
نزلت دمعتي و قلبي يوجع فيا و انا نقوللها نتفكر نتفكر 😢💔
قتلها كنتي انتي امي و سندي ..
قتلي و بديتي توا انتي امي و سندي ..
زدت حضنتها .. و قتلها احنا لي بعض .. كلنا لي بعض ..
جى نزار .. تفاجأنا .. شن جابك و كيف خشيت ؟؟. قالي مفتاح الحوش يومها لما رفعتكم المستشفى قعد عندي ..
بعدين قالي اسكتي اسكتي بتاخديني بالدوة و بتحرميني من القعده هادي 😍
جى نزار و اتكى جنب منار على رجلي و انا نحضن في راسه .. و قتله هي قول انت شن تتفكر ؟؟ قالي نتفكر في سندوش الجبنه 😀
قعدنا نضحكوا 😄😄
قتله منار المشكله انك اكثر واحد ناقص كلسيوم مش عارفه وين مشت الجبنه ..
قاللها نزار ماهو كنت ناكل فيها بطريحه هذا علاش ما نستفيذش منها الجبنه 😆😆
قتله منار اسكت عاد انت حب قلبك خوله 😁 قاللها من خوله ؟
قتلها انا ما تقوليليش اخت علي ؟؟ 😁😁
قتلي منار ايه ايه اخت علي 😀
ضربته على راسه و قتله تحب بالدرقه عليا 😤 قام راسه و قالي انوض راه 😠
حضنته و قتله لا لا تعالى هي .. قال نزار لما كبرت خوله عرفت ان ذوقي فاشل 😆
قتله علاش كيف بدا شكلها ؟
قالي قداش ليك ما شفتيهاش ؟ قتله هلبا .. قالي تتفكري في شناباتها ؟؟
قتله ايه 😄 لكن اكيد نحتهم عاد ..
قالي للاسف زادوا كبروا 😁😁
قتلهم القعدة هادي ناقصها محمد بس .. قالي نزار لا لا هداكا من يومه غياب و حياته آلة حاسبه بس 😄😄
قتله منار تتفكر زمان شن ادير للزميطه ؟؟ قعد يضحك نزار يقوللها ايه ايه 😆😆👏🏻👏🏻👏🏻
قتلهم احكولي احكولي انا كنت اصغر منكم ما نعرفش ..
قتلي زمان عندنا محابس غرس فيهم ورد في مدخل الحوش .. و امي تحطلنا كل واحد في صونيه زميطه و معاها طاسة حليب .. لازم كل واحد يكمل صونيته و نزار ما يحبش الزميطه ..
يمشي يحط فيها في محبس الغرس يخلط فيها مع التراب .. و لليوم امي ما زبطت شي 😄😄
قالي نزار اصلا كان الورد الي يخش يقول ماشاءالله من وين جايبينه اكيد التراب و السماد كويس .. و انا نقول فعلا الزميطه سماد كويس 😆😆
قال نزار لكن اسمعوا ماريا كانت عندها موعبة الغناء و تأليف الاغاني 😆
خوي نزار هو بطل 🎼🎼
انا و نزار بصوت واحد ..
خوي نزار هو يغلب الاعداء 🎼🎼
خوي نزار يجيبلي كل شي انا نحبه 🎼🎼
😆😆😆😆😆
ضحكنا ... ضحكنا .... ضحكنا ...........
_________________
كنت متاكدة إن في أشياء تانيه نتفكروا فيها مؤلمة بس كل واحد فينا كمدها في قلبه و خبأها ع التاني ..
حكينا .. حكايات تافهة .. ما ليهاش اي معنى .. بالك وقتها نطلعوا من وجعنا شوي ..
حكينا .. حضنا بعض ... لعبت بشعر نزار ...
نضنا للمطبخ و نزار مقعمز معانا .. قتله نديرلك قهوة ؟
قالي هيا ياريت .. درتله قهوة و قعدنا نقولوا هيا شن نديروا غداء ؟؟.
شديت طاسه ميه بنشرب .. و انا نشرب نزار قال ديروا سندوتشات جبنه و خلاص و لا زميطه .. بخيت الميه كلها في وجهه من الضحك 😂😂.. قعد يقولي له له له له ليش هكي بس .. 😆😆😆...
أكتشفت يومها إن عندي خوت نحبهم هلبا .. هذا الحب الي ما خلاناش الوقت نعبروا عليه او حتى نحسوه .. عشنا او كبرنا و احنا نشوفوا لبقعة ضلام وحدة بس و انسينا ان في نور و فرح و ضحك و سعادة و هلبا حاجات تانيه ..
درنا غدانا و قعمزنا مع بعض نتغذوا و انا جنب حناي نوكل فيها بي إيدي بحكم ان فمها قاعد فيه اعوجاج من الجلطه ..
كملنا الغداء و قال نزار بيخش يتكى شويه .. ضمينا المطبخ و درت وشق و قعدت نبخر في الحوش .. جت إيمان و اول ما خشت قعدت نبخر فيها و نقوللها شوفي نصيبك تخشي ع الوشق اكيد واخدينك بعين 😄 ..
شربنا قهوة و قالت شن رايكم بكرة نطلعوا نتغدوا مع بعض ؟؟ قتلها انا مفلسه 🤚🏻😁
قتلي حق ليش تليفونك مقفل ؟ افتحيه .. قتلها ايه نسيت ما قتلكش ان خوك جى بكري .. قتلي خيره ؟ قتلها جى قالي ع شروطه للزواج .. قتلي شروط شنو 😳 ؟
قتلها يا ستي قالي انسي حاجة اسمها امك .. ما تسلميش عليها .. صغارك ما يقابلوهاش حتى لو ماتت ..
قتلي خيره هذا 😤
قتلها هذا الي صار .. قتلي شن رديتي عليه .. قتلها قلتله لو في حوشي كنت طردتك منه بس للاسف حوش حناك هذا ..
خدت إيمان تليفونها و اتصلت بي عمتي .. قتلها معقوله ولدك هكي يدير و حكتلها شن صار ..
