🌸ولدتني-عاهرة 26🌸
تفاعل لايك-وخمسة تعليقات ❤🌸❤
في من مواقف مرات تفيقك ع الواقع .. مهما كان حلمك حلو ..
انشغلت بالمعازيم .. الزمزامات .. إيمان دخلوها تلبس الصدرة .. أمل جت لابسه قفطان محضر كبير بحكم هيا ما دارتش محضر ..
طلعت إيمان ببدلة الحصيره و خش محمد لابس زبون صور هو و إيمان ..
و بعدها لبست الجلوة و جلوها و صورت تاني هي و محمد ..
بدوا الناس يروحوا .. و جت أم سيف و هيمانه سلموا عليا و روحوا .. و بعد ما كملت الحوسه و حطينا حاجاتنا في السيارات روحنا حوشنا و روحت ايمان و محمد ..
خشيت الحوش غيرت ملابسي .. و قمت الحلويات و العبمبر و الرزاطه و العشاء باش ما يفسدش .. قعدت انا و إيمان نهدرزوا شن صار في المحضر .. و خشينا دارنا .. و حكيت لي منار على أمي و قعدت تبكي .. قتلي به شن الحل بنخلوها هكي ؟؟ قتلها ردي بالك خوتك يسمعوا حاجة خاصة نزار .. قتلي سيف الي يحقق معاها ؟ قتلها ما نعرفش .. بس ما أعتقدش انه هو الي يحقق معاها .. اتصلت بي سيف .. لقيته في فراشه .. قتله بترقد ؟ قالي لا .. قعدت ساكته مش عارفه شن بنقول .. و ممكن هو وقتها حس بأني عندي كلام نبي نقوله بس مستصعباته ..
قالي خليني نشوفك بكره .. قتله الحوش حايس و الدنيا مقلوبه و مزال ما رتبنا شي .. قالي شويه بس مش ح نخليك تعطلي .. قتله به تمام ..
صكرت الخط و قلت خلي نمشي لي بابا .. قربت من الدار لقيته يتكلم في التليفون .. و تنازل و نيابه ..
رجعت للدار و انا دايخه 😳😳 .. شن يقصد بابا و تنازل لمن ؟ و في من يكلم !!!
خشيت فراشي قعدت نفكر لين خداني النوم رقدت .. تاني يوم نضنا الصبح و كل وحدة شدت حاجة ترتب فيها .. كلمتني إيمان قتلي جايكم محمد توا .. قتلها ليش ؟ ليش طالع و هو عريس 🙈
قتلي خالي كلمه يبيه .. قتلها بابا 😳 ؟؟ قتلي ايه .. استغربت !! يعني بابا يرتب لي شي .. و الي سمعته مبارح متعلق بجية محمد ..
قتلي إيمان المهم انا متصله بيك باش نقولك على موضوع .. قتلها شنو ؟
قتلي اليوم بابا جايكم يبي يكلم خالي عليك .. قتلها كيف يكلمه عليا !!!
قتلي بيخطبك لي إياد .. قتلها إيمان انا ما نبيشي إياد .. قتلي و علاش ان شاءالله شن ناقصه 🤨🤨 ...
قتلها مش ناقصه شي .. بس ما ننفعوش نكونوا أزواج بعد الي داره معاي .. قتلي انا الي قالتهولي امي توا عاودتهولك .. قتلها تمام و صكرت منها الخط ..
يا خوفي بابا يعطيني .. وقتها مش ح نقدر نقوله لا .. الموضوع بدا مش زي قبل نقدر نتصرف بروحي .. توا بابا برا ..
شويه و جى محمد و طلع هو و بابا .. كلمت سيف قتله قربلي شويه .. و لبست عبايه طلعتله ..
كان واضح على ملامح وجهي إني متوتره .. و سيف كان جوه عادي و مستاحشني ..
قالي خيرك شن في ؟ قتله مبارح سمعت بابا يحكي ع تنازل و نيابه .. و توا جاه محمد و طلع هو و اياه .. شن الشي الي يخلي بابا يطلع محمد من حوشه و هو عريس ؟؟؟
قعد سيف ساكت ...
_________________________
الشي التاني اليوم جاي راجل عمتي بيخطبني من بابا ..
قالي لمن ؟ قتله لي ولده .. قالي نفسه الي جى معاك للبحث ؟ قتله ايه ..
تلفت و قعد ساكت ..
قتله مبارح امك سألتني على أمي .. تلفت لي قالي ليش ؟ قتله طبيعي تسأل عليها تبي تباركلها ..
قالي به !!!
قتله ارتبكت و ما عرفتش شن نرد عليها .. و بعدين قلتلها ان امي و بابا منفصلين و ربتنا حناي ..
حسيت بيها تفاجأت ..
سيف ساكت ما قالش و لا كلمة .. قعدنا مقعمزين ساكتين في السياره ..
ممكن كل واحد فينا يستنى التاني يحكي .. و بعد لحضات صمت .. قالي شن بديري توا ؟ قتله في شنو ؟ قالي في اللوح الي جايكم بعدين ..
قتله اللوح هذا مرات يكون نصيبي .. و نتزوج تقليدي زيني زي أي بنت ذفنت مشاعرها و أعطت جسدها .. ع خاطر خوها سمعته مش كويسه .. او ع خاطر بوها مش كويس .. أو أمها 🤷🏻♀️ أو غلطت مع الحبيب و حس إنها ما تستاهلش تكون زوجته ......
قالي انا الكلام هذا كله ما فهمت منه شي .. يعني ولد عمتك هذا نشد نحبسه و لا كيف !!
قتله سيف خيرك ؟ 😳
قالي بجد نحكي معاك شن ندير معاه !!
قتله و هو شن دارلك ؟ أنا قلتلك لاني خايفه من موقف بابا مرات يوافق و مش ح نقدر نقوله لا ما نبيشي ...
قالي معناها نحبسه و خلاص ..
قتله سيف ما تخوفنيش منك 🤨
قالي ماريا انا ما لياش هلبا نعرفك .. يعني مزال ما تعمقناش هلبا في علاقتنا .. و اكثر المواقف الي جمعتنا كانت ع القضيه نفسها ..
صدمني كلامه .. قتله فهمت قصدك .. بس الي نبي نفهمهولك سيف اني ما فتحتش الموضوع هذا باش تقولي انا ما لياش هلبا نعرفك .. و كأنك تقولي مزال ما نقدرش نخطبك ..
قالي أبداً مش هذا قصدي .. قتله أنا متوتره و متضايقه و نروح للحوش افضل ..
قالي مش ح نخليك تروحي و انتي متضايقه .. بعدين علاش تفسري في كلامي بالعكس ؟؟
قتله فهمني شن معناها ما تعمقناش هلبا في العلاقه ؟؟؟؟؟
عندك عادي تبوس بنت هكي و خلاص ؟؟؟؟ عندك عادي تقوللها نحبك ؟؟؟ عندك عادي كل ما تشوفها تحضنها و انت ترجف ؟؟؟
كان عندك عادي و كل بنت ادير معاها هكي وقتها نعذرك انا بس ..
تضايق سيف و قالي مش ح نرد عليك .. بس كلامك عيب في حقي ..
قتله انا حكيتلك لاني متضايقه ما نبيكش تدير رد فعل و لا نستنى فيك تخطبني ..
روح بيا او نزلني هنا تو نروح بروحي ..
طلعنا بالسيارة و حطني قريب ع الحوش و روحت .. خشيت و انا مش طايقه روحي .. هو البنت شن الي تبيه في المواقف هادي ؟؟ تبي كلمة حلوه .. تبي تحس انها غاليه عندك و مش مستعد تفرط فيها .. تبي تحس انها مع راجل ما يبدلهاش بكنوز الدنيا .. ما يسمحش ان راجل تاني ياخدها منه بكل ..
جتني منار قتلي شن في ؟ قتلها حتى انا ما نعرفش شن في 🤦🏻♀️
بس الي نعرفه و متأكدة منه ان راجل شاريك اشريه بعيوبه كلها و تقبليه و عيشي معاه 💔
افضل من راجل يتردد في الارتباط بيك ..
قتلي تقصدي سيف ؟ قتلها ايه .. قتلي ماريا الراجل يعرف هلبا حاجات تخليه ما يفكرش نهائي يتزوجك حتى لو كنتي أطهر بنات الدنيا ..
الرجاله مش زينا يفكروا .. هو يفكر لو ارتبط بيك و مع الوقت في حد من عيلته يطلع يعرف قصة امك .. هو يفكر ان لو جى خطبك و حد من عيلته سألوا علينا و عرف ان بوك كان مسجون و امك توا مسجونه .. رانا ليبيين يا ماريا .. الناس تحكم بالقيل و القال .. مجتمع ظالم .. بينما في داخله سيف يعرف انه مستحيل يلقى زيك .. و مستحيل يرتاح مع غيرك .. بس هو ضابط .. ضابط يا ماريا عنده سمعته .. عنده مكانته .. عنده عيلته .. ح يفكر في رد فعل المجتمع .. علاء يومها تلاقى معاه هنا في الغذاء يوم الي طلع بابا زيارة ..
قالي بوه كان ماسك الداخليه .. يعني الموضوع مش ساهل .. مش انه يجي يخطبك و خلاص .. قتلها ع الكلام هذا معناها عنده حق لما قال علاقتنا مزال ما تعمقتش ..
قتلي ايه ماريا عنده حق .. شوفي إيمان بنت عمتك كيف دارت على محمد لين جاباته للطريق .. ايمان كويسه و يشهد عليا ربي حاسبتها زيك بالضبط .. لكن شوفي البنات و حذاقتهم .. صبرت لين جاباته للطريق ..
انتي شن مزعلك توا ؟؟ اصبري حتى انتي كان تبيه ..
قتلها حسيتك تتكلمي ع وحدة ما نعرفهاش .. امها مسجونه و بوها كان مسجون و سمعتهم مش كويسه .. و كأنها مش انا .. و كأني ما نعرفنيش .. قتلها المشكله اني مش ايمان باش نصبر عليه .. كرامتي مفسده كل شي ...
اتصل بيا سيف ما بيتش نرد عليه .. كملنا حوستنا انا و منار .. و احنا نضموا قتلي ملاحضه ان بابا ما سألناش على امي بكل ؟؟ .. قتلها المشكله ان حتى احنا مش قادرين نجيبوا سيرتها قدامه بكل .. و كأن جينا للدنيا هادي من رحم مستأجر مش من رحم زوجته ..
قتلي تعرفي ماريا 🤔🤔 مرات تقولي في كلام ما نفهمش فيه 🤭🤭
قتلها راجل عمتك اليوم جاي بيتكلم عليا .. قتلي بجد 😳
قتلي توا فهمت شن قصدك بكلامك بكري .. قتلي نقولك حاجة .. اغلب الليبيات في النهاية يتزوجوا تقليدي .. حياتهم عاديه بين حوشها و مطبخها و صغارها .. انتي مش اول وحدة و لا آخر وحدة .. و صدقيني إياد مش سيئ للدرجة هادي .. رجل بيتوتي و خلوق و محترم و متع خدمة و مش نسواني .. و عمتك تعرفيها كويس .. يعني العيله كويسه و بابا أكيد يبي يتهنى عليك ..
__________
سبحان الله الواقع شي و الحلم شي آخر .. الحلم احنا نتحكموا في نهايته نحلموا بالشخص الي نحبوه .. نبنوله شخصيه من صخر .. ما تهتزش بكل .. لازم يكون بطل .. مضحي .. عاشق .. غيور .. متفاني ... و و و و و ♥️
بينما واقعنا غير و مش احنا الي نتحكموا في النهايات و لا نتحكموا في قرب و بُعد أشخاص علينا ..
حاسه بدوامه .. و بابا عطل .. و نزار مش عارفه وين يدور .. جى نزار و طول خش لمنار قاللها امك مش عند خالك !
قتله منار لا اكيد في حوش خالك .. قاللها انا توا كنت عند خالك و قال انه ما شافهاش بكل 😠
قتله منار به انا شن عرفني وين ..
قالها شوفي خالاتك .. شوفي الجيران .. تي كيف تقوليلي عند خالك و انتو ما تندروش على امكم وين و مدايرين عرس و جوكم مليح ..
قتله نزار انت ليش معصب ؟
قالي تي كيف ليش معصب كيف !! خيركم انتو شن صارلكم ..
تي نبدا مش راجل كان ما نعرفش امي وين ترقد وين تبات .. انتي يا منار قلتيلي في حوش خالك هذا علاش فوتها انا .. طلع نزار معصب و قعد في الصالون ..
و انا و منار نشبحوا لي بعض 😳😳 .... تبقى أم 🤷🏻♀️
