#ولدتني_عاهرة 2
و في يوم قعدنا نلعبوا في الشارع مع خلود و علي .. مشى نزار هو و علي و قعدت انا نلعب مع خلود .. لين جت منار .. خشيت للحوش و كنت جيعانه من كثرة اللعب .. دارتلي منار بطاطا مقليه قتلها عادي نمشي ناكلها انا و خلود ؟ و راس امك و راس امك منار خليني نمشي 😢
قتلي لا مرات امك تروح من الخدمة تلقاك مهناش .. قتلها تي ماهو هي ديما تطلعلي في حاجات من حوشهم و اليوم امها مهناش مشت لي بلادهم .. خليني نرفعلها ناكل انا و اياها .. قتلي به هاك ارفعي معاك فردة خبزة و جبنه .. و ما تعطليش ..
قتلها به به مش معطله 😃😃😃😃
مشيت لي خلود .. طقيت الباب فتحلي بوها .. قتله مساءالخير عمي مصطفى ☺️
قالي تبي خلود ؟ قتله ايه بناكل انا و اياها .. فتحلي الباب خشيت ..
اول ما خشيت لقيت وشاح ع الكنبه ... لفت نظري .. هذا وشاح امي !!
مشيت نجري لي دار خلود .. كليت انا و اياها بطاطا و جبنه ..
قتلها اسمعي خلود بعيده هلبا بلادكم ؟ قتلي ايه بعيده هلباااااااا تقعدي تمشي 100 ساعه باش توصلي ..
قتلها قولي و حق ربي 😱
قتلي ايه بعيده ..
لعبت معاها شويه و قتلها انا بنروح منار اختي قتلي ما تعطليش باهي .. قتلي اطلعي بروحك ع خاطر بويا قالي ما تطلعيش من دارك .. قتلها تي 🤭🤭 يا ناري تسخف 🎼 يا ناري تسخف 🤭🤭🤭🤭
و انا طالعه لقيت نفس الوشاح قاعد .. خديته و طلعت .. طقيت ع باب حوشنا و فتحتلي منار .. قتلي شن هذا الي جايه بيه ؟؟
قتلها شي اعطتهولي خلود 😌😌
خشيت للدار بنلعب و جتني منار قتلي امشي دوري على خوك نزار قوليله يروح .. طلعت للشارع و صكرت الباب و انا قاعده في الشارع نشبح في امرأه لابسه فرَّاشيه تفتح في باب حوشنا بالمفتاح .. جيت نجري يا عمتي ...... يااااااا عمتي حوش شكون تبي 🥵🥵
قتلي سكري فمك و خشي درقي وجهك .. خشيت 😥 هادي أمي !!!
خيرها لابسه هكي !!!
خشت لي دارها طول .. مشيت للمطبخ شربت ميه و طلعت طقيت على غرفة امي و قتلها انا بنمشي ندور على نزار باهي !
و طلعت .. لقيت نزار جاي و يبكي .. قتله خيرك ؟ شكون ضربك ؟
قالي هدوكا الي في الشارع الي ورانا علقوا عليا ع خاطر البتش .. خنبوه مني ..
قتله خيرك ما ضربتهمش 🤨 قالي كبار هما عليا .. قتله تعالى نخشوا .. خشينا غسلنا وجوهنا و قعدنا في جنان حوشنا .. جى خالي و حناي أم أمي .. و مش بالعاده يجونا لان علاقتهم بي امي سيئة
كملنا لعب و خشينا دارنا .. و اول ما خشيت لقيت الوشاح ع سريري .. خذيته و مشيت نجري .. يا ماما .... يا مامااااااااا .. مشيت قدام خالي و حناي .. قتلها وشاحك لقيته بكري في حوش جيرانه راه 😌😌😌🤭🤭🤭
فلتت عيونها فيا 😠 قتلي بري العبي بعيد بلا كذب .. قتلها و قسماً بالله و حق ربي و حق الكعبه لقيته غادي هي باهي ..
طلعتني من الدار و وشوشت في وذني نهارك اسود بعدين ..
😳😳 قلت توا شن درت انا !!!
صكرنا باب دارنا و منار تسمع من وراء الباب 🤭🤭 .. قالي نزار تعرفي ولد صاحبي بوه شراله بلايستيشن لعبت بيه بكري انا و علي تي مش عادي بكل 😀😀
قتله ترفعني نلعب معاك غدوة ؟ قالي تو نقوله يعطيهولي شويه .. انجيبه نلعبوا بيه باهي 😃
قتله به 😁
حسينا يومها ان الحديث الي دار بين امي و خالي و حناي مش لطيف و ان سبب جيتهم وراها مشكله .. تاني يوم جاب نزار البلايستيشن و قعدنا نلعبوا .. و فجأه نادت علينا أمي ..
مشينا انا و نزار و منار قعدنا واقفين .. محمد خوي يعارك و طلع من الحوش ..
و انا واقفه نستنى في الطريحه الي بناكلها 😰😰 و ما عمري فكرت في سبب الطريحه 🙄🙄 ..قالت امي انا تطلقت من بوكم و المحامي اليوم اتصل بيا قالي ..
انا : به بتضربيني توا ؟ 🙄🙄
ما فيش من رد عليا ..
نزار قعد يعيط و يقوللها علاش تطلقتي من بوي علاش 😡😡😢😢
قعد يخبط في التلفزيون و شداته امي قاللها نحي ايدك انا مش ولدك .. منهار .. يصرخ .. نزلت دمعته بالرغم انها عزيزه عليه ..
طلع نزار من الحوش ..
خشيت انا بحدا منار ..
انا : منار .. منار ..
منار : خيرك شن تبي ؟
انا : خيره نزار ؟
منار : شي امشي ارقدي ...
انا : به خيرك تبكي ؟
منار : قتلك شي و امشي ارقدي ..
انا : 😔😔
خشت امي دارنا .. تحاول تتودد لي منار .. قالتلها انا تطلقت لان بوكم في الحبس .. لي امته انا بنقعد على ذمته !!!
انا : منار تعالي ديريلي الايد متع البلايستيشن و راااااس امك ..
تي نبي نلعب يا منار 🤨 ... ما انتبهلي حد ..
...قعدت نلعب لين تعلت و رقدت و نضت الصبح لقيت نزار راقد ..
قعدت نغني ...
خوي نزار انا نحبه 🎼🎼 هو بطل يغلب كل الاعداء 🎼 خوي نزار جابلي بلايستيشن 🎼🎼 خوي نزار هو جميل و رائع 🎼🎼
كلماتي و تلحيني 🤭🤭
نوضته من النوم .. كان علي وجهه أثار خبش .. شكله متعارك مع حد .. نضت الصبح مشيت للمدرسه و مش فاهمة شن الي صاير في الحوش ....
و انا مروحه من المدرسه .. نسمع في نزار يقولي بس .. بس .. جاني و اعطاني دينار .. و فرحت بيه هلبا 😃😃 .. روحنا و كان نزار مبهدل هلبا .. قالتله منار خيرك شكون ضاربك ؟
قاللها تعاركت انا و الولد متع البلايستيشن ع خاطر ما رديتاش امس في الليل و يحسابني معاش بنرده و قالي انت خنبته .... و قعد نزار ع الحال هذا .. كل بوم عركة في الشارع .. أمي ما تندريش عليه اغلب الوقت .. عدواني مع اولاد الشارع ..
يتبع ......
