#ولدتني_عاهرة / 34
.🌸🌸
🌺قرااءه ممتعه
قعدت ساكته .. قتلها تعرفي منار .. نحي كل شي ع جنب من يوم جينا على هالدنيا هادي ..
بس لو كان نزار حي الله يرحمه و سمع بيها في المستشفى شن كان ح يدير !!
قتلي مش عارفه .. قتلها كان ح يمشيلها يجري .. و يعاينها .. مش لأنها تستحق .. لا لا بالعكس نزار و محمد مشاعر الحقد اتجاه امي اضعاف مشاعري و مشاعرك .. لانها أهانت رجولتهم .. و هذا أصعب شي يحسه الرجل ..
بس نزار تصرفه إنساني بحت .. يعني يا منار .. حياتنا كلها ماشيه بي قاعدة زي ما درت فيا ندير فيك ..
عاملتيني كويس نعاملك كويس .. جرحتيني نجرحك و أضعف الإيمان نهجرك طول العمر ..
منار أنا دايخه و مش عارفه كيف نتصرف .. ماتت مشاعرنا لدرجة انك تقوليلي أمي نعمت و عادي عندي ..
بس الي نعرفه و متأكدة منه أن نزار مش راضي .. و أنا مستحيل نخليه مش راضي ..
قتلي شنو بتجيبيها هنا !! 😳😳
قتلها لا .. لكن بنفكر شن بندير ..
قتلي مرت بوك تحساب روحها في المدرسه 🤭🤭 كل شويه ادير في دوره على الفصول 😄
قتلها بكري قتلي حناك نسمع فيها تقول لي بوك اياد جى مبارح و ماريا صكرت الصالون على روحها .. قتلي شن تقصد ؟؟
قتلها مزال ما نعرفش .. قتلي وافقي عليه إياد و خلاص ع الاقل تبدي بحوشك بروحك مرتاحه و تجيبي صغار تنسي كل شي و تعيشي حياتك..
قتلها تعرفي ان سيف خدا حوشنا ع خاطري ؟؟ و تعرفي ان مرات نحس اني في حلم .. نقعد نقول كيف حبني ؟؟ كيف قدرت نخليه يتعلق بيا هكي ؟؟ ... و احنا نحكوا خشت إيمان .. قعمزت جنبنا و هي متعفلقه .. قنالها خيرك ؟؟
قالت مصدومه في ناديه قداش تغيرت ..
قنالها خيرها ؟؟ قالت ندير في قهوة و شاهي لجماعة محمد برا جايين يهدرزوا عليه قتلي لا السفر هادوا مش متع شارع .. و الطواسي هادوا مش متع شارع .. حطيلهم في طواسي الكاغط ..
توا معقوله انا نحط لي محمد القهوة في طواسي الكاغط .. 😠😠
قتلها شن رديتي عليها ؟ قتلي دفيتها و قتلها كان انتي متعودة ع طواسي الكاغط و البلاستيك انا راجلي متعود ع الكريستال و مستحيل نديرله هكي قدام صحابه .. و خديت السفره طلعتها لي محمد .. و بتزيد معاي كلمة تانيه بنضربها ..
قتلها منار صحه ليك احسن ما درتي .. قتلها عاد هادي صاحبتكم ..
قتلها مبارح جى اياد خوك جاب دواء القلب لي حناي و خش هدرز عليها .. مشيت انا خشيت الصالون رقدت و صكرت بالمفتاح ..
ناديه الصبح تقول لي بابا ولد اختك مبارح جى و بنت صكرت الدار بالمفتاح ..
قتلي إيمان حي عليها هادي 😨😨 خيرها هكي انقلبت طيح سعدها ..
قتلها إيمان نقولك حاجة .. منار لو خديتها لي محمد بدير جو الكنه و السيطره و الايباري .. يعني اختك بنت امك و بوك تنقلب عليك فمابالك بكنه برانيه ..
قتلي و الله لما نقول لي امي و حي عليها حي .. وصلتني رساله من سيف .. قعدوا يشوفوا لي تليفوني قتلهم هذا سيف ..
قتلي إيمان ضايفتيه ع الفيس ؟؟ قتلها لا لا .. قتلي ع الانستجرام ؟؟ قتلها لا لا ..
قتلي و كيف تحكوا ؟ قتلها واتس مرات و بس .. قتلي مفروض عندك فيس متعه و تشوفي بالك عنده بنات ..
( طاقه سلبيه 🤦🏻♀️ )
قتلها ما فكرتش في الموضوع بس سيف ديما خدمة و مشغول فما اعتقدش انه عنده فيس و انستا .. قتلي توا كلهم عندهم ..
قتلها ما قابلنيش اسمه بكل ..
قتلي أكيد عنده صفحه وهميه و مش بأسمه ..
( طاقه سلبيه 🤦🏻♀️ )
قتلها إيمان من شكون بيخاف باش يدير صفحه وهميه !! هذا رجل امن .. رجل دوله معقوله بيدير صفحة وهميه !!
قتلي هادوا هما الي يديروا في صفحات وهميه باش ما يعرفهم حد ..
—————-
طبعا موضوع الطاقه السلبيه هذا قصه بروحه .. يزرعوا في دماغك الشكوك و الأوهام و تقعدي تتحري وراه و يخشلك الشك و تبدي تعاملي في الطرف التاني مش كويس لين تخرب العلاقه .. وقتها نحسوا بي جيناتنا الليبيه ..
جو الجيران و نضنا طلعنا للناس .. و نزار في حضني ♥️ .. ضمته لي حضني نملك بيها الدنيا كلها .. وقتها بس حسيت إن الأمومه مش بس لما تولدي طفل .. بالعكس ممكن تحسي بيها و أنتي رحمك بكر ..
في الليل روحوا الجيران و نادى عليا بابا .. قالي الموضوع الي بنكلمك فيه مش وقته لكن أنا نبي نعرف رأيك بخصوص إياد ولد عمتك .. قتله للأمانه إياد زي خوي و ما نشوفش فيه زوج ..
قالي بعد الزواج كل شي يتغير .. أهم حاجة السمعه الطيبه و الأخلاق و الخدمه ..
سكتت لأني حسيت في طرف تاني متدخل في الموضوع .. قتله صح كلامك مهم لكن ان شاءالله ربي يهنيه مع غيري أنا لا ..
قالي زيدي فكري و لما نروح من السعوديه ناخذ رأيك .. قتله بتمشوا عمره ؟ قالي ايه ان شاءالله ... كان بابا مكسور و مأثره فيه وفاة نزار هلبا .. ما يخشش داره بكل .. حبيس ذكريات و الماضي .. ما اتوقعتش ان فراق نزار ايدير فيه هكي ابداً ..
تاني يوم جت عمتي الصبح .. و أول ما خشت نادت ناديه .. قالتلها خيرها ماريا ؟؟
قتلها ناديه خيرها !! 😳
قتلها عمتي خيرها هي و إياد ؟؟
قتلها ناديه لا غير ليلتها جى و انا خشيت داري معاش نندري عليهم .. تاني يوم نضت بنفتح الصالون لقيته مصكر بالمفتاح .. ما عرفتش منو فيه ماريا و لا إياد و علاش تصكر بالمفتاح اصلاً 😏😏😏
قتلها عمتي لولا أحترامي لي خوي كنت اعطيتك كف فيقتك بيه .. لكن عيب نمد إيدي عليك و انتي مرت راجل ..
قتلها من آمته الوجه هذا ما نعرفاش ..
ناديه مصدومة في عمتي 😳😳
قتلها بنتي ماريا أشرف من الشرف نفسه و ولدي راجل ما يديرش العيبه .. و زي ما جبتك انا هنا قادره نروح بيك حوش أماليك تقطني فيه غادي .... ناديه ما نطقتش حتى حرف 😰😰
قتلها عمتي الحاله حالة وفاة .. ما في حد عنده خلوق ليك .. امشي مشيتك خير 👌🏻
و الحوش هذا حوش امي و حوش ماريا .. و لما اديري انتي حوش احكمي و افصلي فيه زي ما تبي ....
خشت ناديه دارها ..
منار : ايوه عمتي منوره 👋🏻😃
إيمان قالت أنا كنت متفقه مع محمد عمي بيمشي معانا عمره .. لكن كان ناديه بتمشي انا و محمد مش ماشيين .. نمشوا حتى بعد شهر عادي ...
اتصل سيف و خليتهم يحكوا و خشيت الدار نحكي معاه ..
فكرة وفاة نزار مازال مش متقبلتها .. يجيني هاجس انه كلمني .. ناداني .. نسمع في صوت ضحكته .. نشوف في طيفه ..
في الليل قالي بابا وين جوازك بنمشوا للعمره .. فرحت لدرجة كبيره و حسيت ان جت في وقتها و المكان الوحيد الي يغسل كل أحزاني ..
مشيت نجري جبت جوازي و أعطيته لي بابا .. باش يعطيه لي محمد .. و خشينا رقدنا .. و رقد في حضني نزار ♥️ بيني و بين أمه ..
تاني يوم بابا قالي محمد قريب يوصل و جوازك ما لقيتاش .. قتله اعطيتهولك مبارح .. قالي أنا متأكد إني حطيته مع اوراقي .. قتله به وينهم اوراقك ؟؟ قالي لقيتهم لكن جوازك مهناش .. هذا علاش سألتك نحسابك خديتيه .. قتله أبداً ما خديتاش 😳 ...
قعدت ندور عليه انا و منار .. حتى حناي ادور عليه .. جت ايمان و محمد قعدوا يدوروا معانا .. الجواز فص ملح و ذاب ..
بديت نبكي .. و نقول لي محمد انا و الله اعطيته لي بابا مبارح ..
و كل مكان ندور فيه نعاود نشوفه مره تانيه .. ما فيش حد لقاه ..
محمد قال معاش وقت الراجل يستنى فيا .. قاله بابا مش لازم اليوم خليها مره تانيه
قالي محمد عندك صوره من جوازك نبعتهالع فايبر يحجزلك و انتي دوري ع الجواز براحتك .. قتله عندي ايه 😍
مشيت فتحت شنطة حناي و خديت صورة من جوازي و اعطيتها محمد و مشى لي مكتب السفر و السياحة .. و فرحانه بمشية العمرة ♥️ ..
