#ولدتني_عاهرة 36
قتلها في رأيك ليش المرأه ادير هكي ؟؟ لأنها تزوجت صغيره ؟؟ ...
أنا أمي تزوجت و عمرها 16 سنه ..
أو لأنها ما تحبش زوجها ؟؟ أو لأنها إستسهلت الحرام ؟؟ أو لأنا اظلمت في حياتها ؟؟
قتلي الي قلتيهم كلهم مش أسباب .. بس في الي معاش تفرق عندها .. تشوف فيه راجل و خلاص ......
أنا من يوم ما عرفت ان إمك مدايره على علاقه مع سلفي كرهتها .. كرهتها كره غريب ..
كره إستحقار .. كره تقزز ..
و مستحيل نفكر ندخلها حوشي او حياتي نهائي ..
الأمهات يضحوا باش يحافظوا على سمعة بناتهم و حياة بناتهم .. مش يخربوها و بالطريقه المقرفه هادي ...
تعرفي منار .. بأذن الله لو ربي رزقني أطفال .. ح نحبهم .. و نحن عليهم .. و نضحي ع خاطرهم .. ح نعلمهم الصح من الغلط .. و نلاعبهم .. ح نعطيهم روحي .. و ح نكون ولدت معاهم من جديد ..
قتلي إن شاء الله يارب ♥️♥️ و ح نجيك نحطب بنتك لي نزار 😍 و لا مش موافقه يا خالتي 😀
شديته من إيده و قتله موافقه يا روح خالتك 😍😍😍
فاتت الإيام و ما تغير شي في حياتي فاتت كلها بنفس الروتين ..
روح بابا و ناديه من العمرة .. و بدت ناديه تجهز بدير لمة للأبلات معاها ..
كل مرة تحجز في حاجة .. و كل مرة تاخد حاجة .. و بابا قاعد من غير مرتب ..
جى محمد لي بابا و قاله خديت زوز محلات و بنوسع خدمتي و نبيك تمسك الحسابات و فلوس المحلات يكونوا تحتك ..
وافق بابا و بشويه بشويه بدا ينخرط في المجتمع و يطلع من عزلته بس حسيته تغير هلبا .. دمعته في عينه ديما .. نزار قاعد في قلبي و قلبه 💔
و في يوم جت عمتي و إيمان و ناديه عازمة صديقاتها و مجهزه كل شي ..
قلت لي عمتي كيف احنا قاعدين حازنين و هادي بدير لمات ؟؟ قتلي عمتي انا ما نقدر نقوللها لا .. لكن بوك عنده علم بكل شي ..
قتلها عمتي انا ما قتلكش كلميها .. بس مفروض هادي صاحبتك و رفيقتك .. معقوله ما تعرفيش طبعها ؟؟
قتلي طلعت ما نعرفش طبعها للأسف ..
و مرات تحسي روحك في حوشك و غريبه .. المكان مش مكانك .. ما عندكش سلطه فيه ..
ماهو أنا ما نقدرش نعيش الناس معاي في نفس الحزن .. ما نقدرش نقوللهم لا ما تديروش اعراس 🤚🏻 نزار ميت .. لا ما تضحكوش نزار ميت ..
لا ما ترجعوش لحياتكم الطبيعيه و تنسوا نزار ...
فوق حزنك ع الفراق .. يزيد حزنك لأن الناس نسوا ..
و كل مرة يجي حد من صديقاتها .. و أنا في دار حناي مقعمزة ..
جتني إيمان قتلي تعرفي .. في وحدة في الصالون من معازيم ناديه أنا واثقه إني نعرفها و شفتها 🤔🤔
قتلها طبيعي لان كلهم أبلات و يعرفوا أمك .. قتلي لا هادي مش أبله ..
ما أهتميتش لكلامها .. قتلي بتطلعي تسلمي ؟ قتلها لا ما خاطريش ..
طلعت إيمان .. و قعدت أنا نقرا في قرآني ..
و بعد شوي رجعتلي .. قتلي ماريا ماريا .. تفكرت وين شفتها المرأه ..
قتلها وين ؟؟ قتلي تتفكري يوم الي مشينا لعرس اخت سيف ؟؟؟
قتلها ايه 🙄!!!
قتلي هادي المرأه كانت غادي انا متأكدة .. قتلها مش معقوله بتتفكريها ..
قتلي شفتي انتي لما مشيتي للصالون و خليتيني بروحي ؟
قتلها ايه .. قتلي هي وقتها جت قعمزت مع امرأه تانيه جنبي .. هذا علاش انا متفكرتها ..
قتلي نوضي اطلعي سلمي و شوفيها ..
نضت غيرت ملابسي و فتحت شعري و طلعت سلمت .. و عرفتها حتى أنا .. بس هي ما عرفتناش ..
خشيت للمطبخ انا و إيمان .. قتلها زعمه شن تقرب لي سيف و شن علاقتها بي ناديه ؟؟
قتلي هذا موضوع أمي تعرفه أكيد ..
نادينا على عمتي و قتلها إيمان المرأه الي لابسه كذا و كذا شن علاقتها بي ناديه ؟؟
قالتلها عمتي هادي مرت خو ناديه ..
انصدمت انا و إيمان 😳😳 ...
قتلها إيمان شن أسمها ؟؟
قتلها عمتي ( .......،.........)
مشت عمتي جنب الناس .. و أنا و إيمان نفكروا شن جاب هادي لي هادي ..
قتلي إيمان أسئلي سيف ..
اتصلت بيه .. قتله تعرف عيلة (.....)
قالي راجل اختي من عيلة (......) قالي ليش في حاجة ؟؟ قتله لا غير كنا نهدرزوا و طلعوا يعرفوا اختك بس .. قالي به انا توا عالق شويه تو بعدين نكلمك .. قتله تمام به ..
قعدت مصدومه 😳😳
جت منار و قعدت تقول خيركم شن صاير ؟؟
قتلي إيمان شن في ؟؟ قتلها راجل اخته نفس اللقب .. يعني مرت خو ناديه بتكون حماة اخت سيف .. 😰😰😰
قتلي منار يا و الله دنيا صغيره 😨😨
تلفتت لي منار و إيمان قتلهم سيف يبي يخطبني .. بس التوقيت مش مناسب بحكم احنا قاعدين حازنين .. توا لو بتعرف ناديه ان في صلة قرابه بتمشي تحكي لمرت خوها كل شي .. و مرت خوها بتعاود لي أمالي سيف .. 😰😰
قتلي منار ناديه مش ح تستنى لين تعرف بالخطبه باش تحكي ..
نبصم عليها بالعشره إنها مهدرزه لي إماليها كل شي .. قتلها هي شن تعرف باش تهدرز لي اماليها !!!!
قتلي إيمان فترة العزاء صارت هلبا حاجات انتي ما تعرفيهاش .. و ناديه تقصقص من وحدة لي وحدة على امك ..
خشت عمتي قالت خيركم كلكم هنا .. اطلعوا سايروا الناس .. قالولها به تو نطلعوا ..
قعدت في دوامه .. قتلهم لو سيف كلم إماليه عليا أنا ما نرضاش نحطه في موقف زي هذا و يقعدوا في مشاكل و تركبه الدوه ..
طلعت إيمان و قعدت انا و منار في الدار ..
قتلها تعرفي منار .. كنت حاسه إن الإنسان هذا مش ليا 💔
كل ما نقرب منه نزيد نتأكد إنه مش ليا .. تحسيه حلم .. تحسيه مستحيل ..
قتلي ليش هذا كله !! أهو أنا خديت علاء و احنا علاقه و ماشيه أمورنا عادي ..
قتلها علاء يختلف على سيف .. علاء عيلته بسيطه .. أمه إنسانه بسيطه بدويه .. و النصيب غلب ..
بس سيف من الأول نحس فيه صعب يكون ليا .. من أول ما شفته حسيت بالأحراج على قضية بابا .. ما كنتش نبيه يعرف شي .. و كأني كنت نبي نحافظ على صورتي قدامه .. ما نعرفش ليش ..
منار أنا مش حمل صدمات خلاص .. لو جو أهل سيف و خطبوني و بعد فتره يعرفوا ان بابا محبوس و أمي كانت محبوسه ح يسيبوا طول و تصير ...................
😳😳سكتت ما قدرتش نكمل كلامي .. لإني نسمع في حناي تكلم في ناديه و باب الدار كان مفتوح .. نضت طلعت م الدار لقيت حناي بس .. قتلها خيرك ؟؟
قتلي هالقرده كانت تتصنت عليكم شن تقولوا تحساب روحها صغيره ..
تلفتت لي منار 😨😨
ناضت منار و مشتلها للمطبخ .. قالتلها تبي تعرفي حاجة تعالي أسألينا ليش واقفه تتصنتي زي الصغار ... هذا غير أبله و مربيه أجيال .. و أنتي بروحك تبي تربايه ..
عمتي قالت خيركم شن في الناس في الصالون مرات تسمعكم ؟؟
قتلها منار نهدرز انا و اختي و صاحبتك واقفه تتصنت .. انتي تحمدي ربك الي بابا خداك مفروض قعدتي تعفنتي في حوش اماليك ..
ناديه ما قالتش و لا كلمة .. خشينا لدار حناي و صكرناها و خلينا عمتي تعارك فيها ..
جت إيمان فتحت الباب و خشت .. قالت خيركم شن في ؟ 😳
حكتلها منار و قعدنا مقعمزين نحكوا في نفس الموضوع ..
روحوا كلهم و قعدت انا و منار .. قتلها زعمه سمعتنا لما قلت امي كانت محبوسه ؟؟
قتلي مش عارفه بس ان شاءالله ما سمعت شي ..
قتلها تعرفي .. افضل شي إني ننسحب من حياة سيف بالشويه بالشويه لين يكرهني و ينساني ..
لانها كل يوم تصعب أكثر من اليوم الي قبله .. و هادي كلها مرات دلالات ان ما فيش نصيب بيننا ... قتلي بغض النضر عن كل شي .. لقطة انه يشري حوشنا خلتني نحبه الراجل هذا ..
قتلها تعرفي شن دار في حوشنا ؟ قتلي شنو ؟ قتلها خدا صورة نزار و كبرها و علقها في الصاله ..
اول ما تخشي من الباب تجي مقابلاتك صورة نزار و هو يضحك ..
سيف طبعه قاسي و خشن .. يعني لما يدير لقطه زي هادي معناها الحب دار فيه كل شي ..
هو يدير في أشياء تخليني نتعلق بيه تعلق روحي .. إنساني ..
و الزمان يصنع في مواقف تخليني نبعد عليه 💔💔
