🌸ولدتني_عاهرة 16🌸
شدلي ايديا الزوز حطهم ع فخذته .. قمت راسي شبحت لي عيونه عرفته شن بيديرلي ..
يمرر في صبعه على صوابعي بالترتيب .. بصوت واحد أنا و أياه (( بنت العسكر راحت تسكر يا كتكوت جيب البيضه من الصندوق اوعك تاكلها اوعك تموت ))
هي صكري صبعك هذا .. (( بنت العسكر راحت تسكر يا كتكوت جيب البيضه من الصندوق اوعك تاكلها اوعك تموت ))
غنيناها بدموع قلوبنا .. بجرح قاعد ينخر في هالقلب سنين .. سكين حاد مغروس في صدري كل يوم يتوغل داخلي ..
قعدت في حضنه .. قتله أنت ح تقعد طول عمرك بطلي .. فخورة بيك .. فخورة إني بنت الصادق .. فخورة إني نحمل دمك .. إسمك ..
كان موعد الزيارة خلاص تم .. نضنا بنطلعوا .. قداش ما صعبه طلعته .. معاش نبي نسلم .. معاش نبي نفارقه .. معاش نبي نروح بروحي ..
حضنته و طلعت .. و انا طالعه تلاقيت مع الي ماسك شؤون النزلاء .. قالي انتي الي جيتي مع الافندي سيف الاسلام الفتره الي فاتت ؟؟ قتله ايه ..
طلعت من المكتب .. قلبي يوجع فيا .. طريق السجن طويله .. الشمس قويه .. عندي نخصه في قلبي .. نفسي تضعف .. تضعف .. تضعف .. طحت مغمى عليا ..
فقت و انا في العياده الي تتبع السجن .. فتحت عيوني لقيت سيف واقف عليا ..
صُعبت عليا نفسي .. داريت دموعي الي ما قدرتش نسيطر عليهم ..
قاله الدكتور لازم ترفعها عيادة تانيه لان احنا ما عندناش معدات هنا ..
نضت .. قالي شن تحسي ؟ قتله الحمدلله .. قالي هيا نرفعك لعياده تانيه .. قتله لا ما نبيش نركب معاك ..
شدني من ايدي .. قالي ما فيش داعي تخليني نعصب .. قتله ليش أنت ولي أمري !! شن ليك علاقه بيا !! ..
قالي ايه ولي أمرك .. طلعنا ركبنا سيارته .. قتله حطني في نص الطريق و تو نكمل بروحي ..
سيف ساكت ما باش يرد عليا .. رفعني لعياده و الدكتور قاله اجهاد نفسي و دارولي التغذيه ..
صورة بابا بين عيوني ما فارقتنيش .. حبيبي استاحشته ..
قالي للدرجة هادي متعلقه بي بوك ؟؟
نضت قتله هات ايديك ..
اعطاني ايديه 🤲🏻 قتله لا اقلبهم بالعكس ..
نمرر في صبعي على كل صوابعه .. (( بنت العسكر راحت تسكر يا كتكوت جيب البيضه من الصندوق ))
وصلت في صبعه (( البنصر )) لقيت دبله !! قمت راسي فيه .. حس من نظرة عيوني إني انصدمت .. قتله إنت خاطب ؟
تردد في الرد عليا و بعدها قالي ايه من اسبوع بس ...
رجعت نشوف للدبله .. تحسستها بأيدي .. ضحكت و قتله الف مبروك افندينا ... جبدت التغذيه من ايدي قطعتها .. سيف يشد فيا يقولي انتي شن اديري !! 😨
ندف فيه و نقوله باعد ما تمسنيش نبي نروح ..
قالي تطلع نتيجة التحاليل و بعدين نروح بيك .. إيدي دم من أثر التغذيه .. جت الممرضه ضربتلي ابرة مسكن و ركبتلي التغذيه تاني .. تليفوني يرن .. اعطهولي سيف .. إيمان تتصل بيا .. رديت و قتلها أنا في العيادة .. خدت مني أسم و عنوان العيادة و صكرت الخط ..
اتكيت ع السرير .. خاطري نبكي .. بس ما نبيش نضعف قدامه .. خداني النوم من غير ما نحس .. فقت في الليل من تأثير المسكنات .. جسمي كله يوجع فيا .. نحس بتعب .. عيوني يوجعوا .. ايديا .. كلي وجع ..
لقيت عمتي و محمد و إيمان و نزار جنبي .. اطمنوا عليا و قعدوا يسألوا فيا خيرك و شن في ؟؟
قتلهم نبي نخش للحمام .. نضت خشيت للحمام و خشت معاي إيمان ..
قتلي نبي نقولك حاجة .. قتلها شنو ؟ قتلي بكري سألني سيف قالي وين خطيبها ؟ قتله مش مخطوبه هي .. حسيته انصدم ..
منو خطيبك هذا !!
ما رديتش عليها بي و لا حرف .. وجعي أكبر من الدوة هادي ..
قتلها خليني بروحي .. طلعت إيمان و قعدت في الحمام .. ليش زعلانه ماريا ؟؟ ليش ؟؟
لانه خطب ؟؟
اليوم مفروض ما تزعليش .. لان شفتي بوك .. شفتي الحب الحقيقي .. الحب الي لا يمكن يخذلك .. الحب الي لا يمكن يخونك .. الحب الي من غير مقابل .. بلا حدود ..
حسيت بطاقه و قلت الحمدلله على كل حال ..
طلعت جنب نزار و محمد و عمتي .. نزار قعمز جنبي .. حطني تحت ايده .. همس في وذني .. ما تبيش تقوليلي خيرك ؟
همست في وذنه .. مشيت شفت بابا اليوم .. تفاجأ نزار 😳😳
قالي خلاك تزوريه !!
قتله اسسسس 🤫🤫
جى الدكتور قاس الضغط و شاف نتيجة التحاليل .. قالي تقدري تروحي و حاولي تستريحي و ابعدي على التفكير و الضغوطات النفسيه ..
طلع محمد مع الدكتور و لحقه نزار .. و بمجرد ما طلعوا جتني إيمان .. قتلي تليفونك من بكري يرن .. قتلها ردي أنتي ..
نسمع فيها ردت ع التليفون .. عمتي قتلي نوضي نساعدك تقعمزي ع الكرسي ..
طلعنا و كان باين على وجه إيمان إن في حاجة تبي تقولهالي .. بس مش لاقيه فرصه ..
و أحنا طالعين من العيادة كانت إيمان تشاورلي بي عيونها نتلفت يمين .. تلفتت لقيت سيف مدرس في سيارته ..
ركبت مع محمد و روحنا .. طول الطريق نفكر ليش واقف قدام العيادة !! ليش الأهتمام هذا !!
روحنا و جى عمي و مرت عمي و منار و علاء .. كلهم برا يهدرزوا ..
استاذنت منهم و خشيت الدار بنرقد .. لحضات و خش نزار .. قالي كيف مشيتي ؟ و كيف وافق على زيارتك ؟
قتله ما خذيتش أذن .. مشيت سجلت أسمي في الزيارات و قعمزت نستنى ..
قالي لو قلتيلي راهو مشيت معاك .. قتله تقدر تمشي بروحك ..
نزل راسه و قالي مش عارف .. حاس إن في حاجز بيني و بينه .. ممكن تعودت ع غيابه .. ممكن نلوم عليه لان وصل للمرحله هادي ..
مش عارف ...
قالي نخليك ترتاحي .. و تو مرة تانيه نهدرز عليك ..
طلع نزار .. خشتلي إيمان .. قتلي بنقعد معاك الليله ..
قتلي سيف بكري الي يتصل .. يبي يطمن عليك .. و قال انه ح يقعد برا لين تروحي من العيادة ..
قتلها به 😔
قتلي شكله معجب بيك .. اهتمامه و نظرة عينه فيهم شي ..
قتلها خطب ..
قتلي كيف 😳
قتلها عادي ليش تفاجأتي !! الراجل لا عبر عن اعجابه و لا كلمني و لا خش معاي علاقه و لا وعدني بشي .. طبيعي يخطب و يتزوج .
قتلي هذا علاش زعلتي ؟ قتلها لا أبداً ..
مشيت زيارة لي بابا ..
قتلي بجد 😳
قتلها إيمان انا تعبانه و بنرقد .. حطيت راسي ع المخدة و رقدت طول .. فقت الصبح .. فتحت تليفوني .. لقيت رساله من سيف .. (( حبيت نهديك هديه و لقيت إن أحسن هديه تفرحك أني نطلع بوك زيارة خميس و جمعه و السبت في الليل يرجع و أنا ح نكون الضامن ))
عاودت قريت الرساله ..
و عاودت قريتها ...
ياربي أكرمتني بفرجك 😍😍 مش مصدقه الي نقرا فيه ..
بابا ح يكون بيننا 😍 ح تشوفه حناي بعد هالعمر .. منار وين خلي نقوللها .. حتى هي بتشوفه .. بيرقد معانا 😍 .. اتصلت بي سيف ينادي ما يرد حد .. نضت خشيت الدوش .. و طلعت لبست ملابسي .. و جهزت نفسي و طلعت .. نتصل بي سيف .. ما يردش .. مشيت للشركة و خشيت مكتبه .. قالولي مهناش بس استنيه ..
قعدت نستنى فيه لين اتصل بيا .. قتله وينك من بكري نتصل بيك .. قالي كان عندي شغل مهم .. قتله انا في المكتب نستنى فيك .. قالي مسافة الطريق و نجي ..
اتصلت بيا إيمان و هي كيف نايضه من النوم .. قتلي ما تقوليلي وينك ؟
قتلها عندي مشوار .. و انا نحكي معاها خش سيف .. صكرت عليها الخط ..
سلم عليا و سأل على حالي .. قتله تمام .. بس قولي الي قريته الصبح صح و لا انا نحلم ؟؟
ضحك و قالي لا صح مش حلم .. حضنته بقوة و قعدت نبكي .. صكر عليا بي إيديه الزوز .. قالي يعني زعلانه تبكي و فرحانه تبكي ؟ 😁
آمته بنشوف الضحكة الحلوة هادي ..
قتله من اليوم وعد تشوفها .. حط ايده ع خدي و قالي استاحشته الحضن هذا ..
نزلت راسي تحشمت منه و باعدت عليه .. شدني مرة تانيه .. قالي ليش ما قلتيش انك مش مخطوبه ؟؟ قتله أنا ما قتلكش اصلا اني مخطوبه .. و لا شفت دبله في صبعي .. قالي عادي مرات مزال ما لبستوش دبل ..
قتله لا أنا ما نخطبتش بكل ..
