Sun ,Sep 12, 2021
{ UNICODE }
ရုံခန်းတံခါးဆီခေါ်သွားပြီး ရန်ရိ ထိုင်ခုံကို ညွှန်ပြလိုက်သည်။
" ထိုင် "
နှစ်ယောက်သား စားပွဲမှာ မျက်နှာချင်းဆိုင်ထိုင်ပြီး ရန်ရိ လီဆာကို ကြည့်လိုက်သည်။
လီဆာရဲ့အကျင့်စရိုက်က ပွင့်ပွင့်လင်းလင်းနဲ့နှိမ့်ချတတ်ပြီး နည်းနည်း ယောက်ျားဆန်သည်။ စခန်းကိုဝင်တဲ့ တစ်ဦးတည်းသောမိန်းကလေးအနေနဲ့ သိသာတဲ့ငြင်းဆန်မှုမျိုး ဘာမှမတွေ့ကြုံရပေ။ ဒါက စစချင်းစိတ်ပူပြီး သံသယဝင်မိတဲ့ ရန်ရိကို စိတ်အေးစေသည်။
သို့သော် ဒီတစ်ခေါက်ဖြစ်ခဲ့တဲ့ကိစ္စက သူမအပေါ်အကျိုးသက်ရောက်မှု မသေးမှာ စိုးရွံ့မိသည်။
ရန်ရိ စကားမပြောခင်၊ လီဆာကအရင်စပြောလာ၏။
" ခေါင်းဆောင်ရန်၊ ကြီးကြပ်ရေးမှူး ကျွန်မကို စကားပြောတယ်၊ ပြီးတော့ စိတ်ပိုင်းဆိုင်ရာ ခြေဖျက်မှုလည်း လုပ်ပြီးပြီ၊ တကယ်တော့ ကျွန်မကို အရမ်းကြီးပုံကြီးချဲ့လုပ်ပေးဖို့ မလိုပါဘူး၊ အဆင်ပြေပါတယ် "
[ T/n : နောက်ပိုင်း ချွီယန်ပေါ်ကို ကြီးကြပ်ရေးမှူးအနေနဲ့ သုံးသွားပါ့မယ် ]
" မင်းခန္ဓာကိုယ်နဲ့ စိတ်ပိုင်းဆိုင်ရာကျန်းမာရေးအတွက် အာရုံစိုက်ပေးရမှာက ငါတို့တာဝန်ပါ၊ ဘာမှ 'ပုံကြီးချဲ့တာမျိုး' ရှိတယ်လို့မထင်ဘူး၊ မင်း အဲ့ဒီအချိန်က အခြေအနေမျိုးနဲ့ မစွန့်စားသင့်ဘူး၊ အဲ့ဒီ့နောက်ပိုင်းဖြစ်သွားတာက ငါနဲ့ကြီးကြပ်ရေးမှူးကို မင်းအတွက်အရမ်းစိတ်ပူစေတယ် "
ရန်ရိ လီဆာကို စိုက်ကြည့်လိုက်ပြီး
" မင်း အခြေအနေမကောင်းတာ လူတိုင်းမြင်ရတယ်၊ မင်း ငါ့ကို 'အဆင်ပြေပါတယ်' ဆိုတဲ့ စကားမျိုးနဲ့တော့ စိတ်မဖြေပေးစေချင်ဘူး "
လီဆာက ခေါင်းငုံ့ပြီး၊ စကားမပြောဘဲ လက်ချောင်းများကိုသာ ဟိုလုပ်ဒီလုပ် လုပ်နေသည်။
ရန်ရိ ပြောလိုက်သည်။
" သူသေလို့ မင်းကြောက်သွားတာလား? "
![](https://img.wattpad.com/cover/243100984-288-k396114.jpg)
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...