[ Unicode ]
တစ်မနက်လုံး ဆိုက်ထဲမှာပဲ စစ်ဆေးကြပြီးနောက် လူတိုင်း မောပန်းဆာလောင်လာရာ သူတို့ပစ္စည်းသူတို့ သိမ်းဆည်း၍ တစ်ယောက်ပြီးတစ်ယောက် အောက်ဆင်းသွားကြတော့သည်။
ချီရှောင်းနိုးတော့လည်း ရန်ရိ ဖုန်းကိုင်ဖို့ အချိန်မပေးနိုင်လိုက်။ ထိုအချိန်ရောက်မှ သူအောက်ဆင်းရင်း ချီရှောင်းကို အလုပ်ပေါ်လာလို့ မနက်ကအစောသွားလိုက်ရကြောင်း၊ သူ့အဝတ်တွေ ငှားဝတ်ခဲ့ရကြောင်း အစရှိသဖြင့် စာအချို့ပြန်လိုက်သည်။
အောက်ရောက်တော့ ရန်ရိ သူ့ဖုန်းကိုဘေးပို့ပြီး ကုံးရင့်ရှန်ကို ကြည့်လိုက်သည်။
" မင်းဌာနခွဲ ပြန်မှာလား? သတင်းထူးရင် ငါ့ကိုပြောဦးနော် "
ကုံးရင့်ရှန် ရန်ရိကို ခြေဆုံးခေါင်းဆုံးကြည့်လာပြီး သူ့အကြည့်များက ခက်ထန်နေသည်။
" ဘာဖြစ်လို့လဲ? "
ရန်ရိလည်း ကုံးရင့်ရှန်အကြည့်အတိုင်း သူ့အင်္ကျီသူကြည့်ရင်း နားမလည်နိုင်ဖြစ်သွားရသည်။
" အဲ့တာ ဘယ်သူ့အင်္ကျီလဲ? "
ရန်ရိ အံ့သြသွားကာ ပြောလိုက်သည်။
" အာ မင်းဘယ်လိုသိတာလဲ? "
" ခင်များ လစာလောက်နဲ့ ဒီ brand ကိုမဝယ်နိုင်ဘူး "
ကုံးရင့်ရှန် မယဉ်မကျေး ပြောလာသည်။
" ဒါ ဈေးကြီးလို့လား? "
ရန်ရိ သူ့ T-shirt သူပြန်ကြည့်လိုက်သည်။ အပြောက်အကျား နည်းနည်းပါတဲ့ T-shirt အဖြူပဲမဟုတ်ဘူးလား။
" ငါ့အဝတ်တွေက အရက်နံ့၊ စီးကရက်နံ့တွေမွှန်ထူနေလို့ သူငယ်ချင်းအင်္ကျီ ယူဝတ်လာတာ၊ မင်းနဲ့တွေ့ရင် နားပူမခံရအောင်လို့လေ "
သူ တစ်နှစ်လုံးလိုလို လေ့ကျင့်ရေးဝတ်စုံများသာဝတ်ပြီး အပြင်ဝတ်စုံဆိုသာမန်အားဖြင့် Uniqlo သာဝယ်ဝတ်ဖြစ်သည်။
[ T/n : Uniqlo က High quality ရှိပြီး ဈေးသက်သာတဲ့ brand တစ်ခုပါ၊ Japan အခြေစိုက် brand တစ်ခုဖြစ်ပြီး တစ်ကမ္ဘာလုံးကို ဖြန့်ချိပါတယ် ]
![](https://img.wattpad.com/cover/243100984-288-k396114.jpg)
YOU ARE READING
Flame Armor [ 火焰戎装 ]
ActionTitle -[ Flame Armor ] Original Author - Chapters - 196 chapters + 4 extras " 3 , 10 , 2020 " -- ရက်စက်သောမီးလျှံအား သံချပ်ကာဖြင့်တန်ဆာဆင်အပ်သော အဆင်တန်ဆာအဖြစ် ပြောင်းလဲ၍ အကျွန်ုပ်အား ခွန်အားသတ္တိနှင့် အကြောက်အရွံ့ကင်းမဲ့သော စွမ်းအားကို ပေးပါလော့...