شيخ _العشيرة

48

شيخ العشيرة ❤
حلقة 48
-باهي هيا قووم يا عسلة
- لا
-قوم يهديك
- لا
-ماكش قايمة
-اهااا
حملها بين يديه و يمشي بيها وهي تفركح و تضحك
-باهي باهي هاني فقت
-اعطيني بوستي تع صباح ساعة
قربت منو غدراتو و باساتو من خدو و هربت تجري
-ههه تاو تشوف الغدر هذا منحبوش
حضرت روحها و بدلت دبشها و خرجت معاه شراو برشا قضيات بدلت جو و بعد روحو ناس لكل في صالة يستنو في نتيجة هبطت ريهام مطبسة راسها لكل حست بخيبة أمل و سرعان ما علات زغاريت كيف عيطت و قالت راني نجحت و ناس لكل فرحولها تلهات ريم بكل تنظيمات من ماكلة لمالحة و لحلوة للشرب للغناي كل شي عطات فيه راي ذوقها طيارة ياسر و عمر خدم اوراقو في بيرو و هبط لتونس كمل شرا حاجات و بعد روح دخل للبيت عيط عيط شي مجاوباتوش دق باب دوش و بعد حل و طل عليها مسكرة باب بلار تغني مش هنا وهو يضحك حلت باش تاخذ منشفة ترا فيه
-ياااا مسقطك يا ناتن اخرج
-ريحة جال قهرني قلت نعمل عوينة
-اخرج مخيبك
ضرباتو بدبوزة الشمبوا خرج يضحك
بدل دبشو و حضر روحو وهي خرجت على طراطش صوابعها فيبالها مش في لبيت قعدت في فرش تضحك تحس كان بحد شدها من تالي كبس عليها
-شبيك خارجة كيف سارق
- لا فاش قام
-قلت شكون يعرف بالك متخبية عليا ولا هاربة
-هههه لا وه انتي رويجلي و مولا بيتي اما نحب ناخذ راحتي شويا
-ترا فيا ننتهك في حرمة تاعك
-هاك قلتها ابعد غادي ابعد عليا
باسها و خرج يضحك
نشفت بدنها لبست روبة زرقة طويييلة و ترواكار في يدين عملت شعرها بوكلا و شداتو كوشوفال و هبطت خصلتين و عملت مكياج سامبل و طالون ازرق زادة يعشق زاد فيها شطر هي تركح في روحها وهو دخل
-شبيك لتوا
مزال مكملش جملتو و تصدم فيها كل يوم تزيد تحلا حك لحيتو و قرب منها عدا يديه على كرشها
- شنوا هالحلاوة
-فما شي من قيمتك يا رويجيلي لعزيز
-ههه زعمة
-عندك شك
-انتي تاج فوق رأس تتحط انتي لكل في لكل جبتلك حاجة مزيانة و انشاء الله تعجبك
جبد باكو حلو و خرج السلسلة حلوة برشا هزلها شعرها بالشويا و عداها على رقبتها نفسو السخون في رقبتها سكرهالها و ضحك
-صحة يا روحي
-تيك صحة
طبعت بوسة على حدة و عنقاتو ياسر فرحانة هبطو لاثنين و ناس لكل يغزرولهم سهرية في جنينة
-برافو علي عملتو في دار لكل
-ههه محبيت كل شي يكون كلو من مقامك
-نحبك والله
-حتى انا
-عمر ولدي
-وي مامي
-اما شكون يسألو عليك عيب تمشيلهمش مرتك مش هاربة امشي ادي واجبك و افرح بالناس
-هههه باهي باهي تاو نرجعلك
-باهي
غمزها و هي رماتلو بوسة في لهوا و جدات قعدت شايخة عليهم هكاكة و جات حماتها و معاها وحدة عريانة متشبه لشي
- ريم نعرفك هاذي ريحان بنت اختي هاذي مانت هي و عمر راسين في شاشية غيرش المكتوب و كهو هه
كلام سعقها سعقان اما مش ناوية تخليها لباس عينيها شاعلين الغيرة واضح و عليها جبدت نفس ملات بيه صدرها و جاوبتها
-مرحبا بيها عمر باش يفرح مالا اكيد كيف يراها
-اكيد بنتي
- عيشك و بيك أكثر
-بون عندي قضية اكيد و تاو نرجع رجعت طلعت لبيتها تحاول تهدي روحها ركحت روحها ت جوها باهي خرجت و هبطت مشاتلهم جبدت نفس اخر و قدمت تمشي ناحيتهم صوت طالون و رنتو الخاصة تلفتلو لكل و اول ما راها عمر حس كل شي فيه تحرك معاها و من خطوتها تلقاها لول جبدها من خصرها لسقها فيه كبس عليها...يتبع