شيخ _العشيرة

10

شيخ العشيرة ❤
حلقة 10
-انا كل شي عملتو بإارادتي بعدت على ولدك و هملت في تونس منعرف منها شي و رضيت بالقليل و ناكل يوم و عشرة لا شفت الأمرين إهانات و عمليات تحرش و دافعت على روحي كنت نجم نسلم في اول طيحة اما انا مسلمتش و قعدت نقاوم و توا كيف وقفت على ساقيا رجعتي انتي كيف لفعة تحب تخنقني و تشي فيا بفلوسك باش نبعد على عمر هههه متأكدة انتي امو مش مرا أخرى خاطر انتي وين و امومة وين و شنوا ربحك كيف نبعد عليه ااه خايفة على لفضيحة و تحكي عالشرف و كأنو انتي أشرف مخلوقات الله و انت اسقط و انذل ما ريت مزلت مواصلة الي تعمل فيه انا بعدت على عمر على خاطر كل شي يملكو ما حبيتوش يتهان و يتحط راسو في لارض منحبوش يتبخص و مقامو عالي بين لكبارات كلمو ما تتردش مش انا باش نهبطلو من قيمتو و هيبتو على خاطر كذب و خبث بعض الناس انا خممت مليح انو كلامك ليلتها نفس كلام كل اهل العشيرة و عمر مش باش يتحمل خاطر حد ما يحملها في روحو عرضو يتهتك و يسكت ذقت لمر راجل الي حبيتو و حليت فيه عيني سلمت فيه بإرادتك لمصلحتو خاطر انتي مس باش تخليني في راحة ولا باش تخليه هو اما توا تجيني لباب داري بعد لفترة هاذي لكل و بكل صحة رقعة تقولي نعطيك فلوس و ابعد متخليهوش يراك اش تسوا لفلوس قدام ولدك الله لهاذي درجة قلبك اكحل تبيع و تشري في مشاعر ولدك تتباع بالفلوس
سكتت اما عجزت قدام كلامها
- عمر ما يعرفش الي انتي طردتني من دار صح ولا
-يعرف بالعكس قال مالا راحة اما منعرفش نخاف توا لا يتراجع
-هههه اما لبارح مبانليش الي هو يعرف
- ريم نعرف خباثتك
-صدقني كان نتخوبث معاك ما نكره في حليب ام امك اما انا منحب شي لا منك لا من ولدك نحب نعيش لباس في سلام ابعدني علاه هكة ما صدقت ربي بديت نعيش كيف ناس
-250 مليون تعيشك سلطانة
- ههه والله لاك عبد
-قول الي تحب انا نحب مصلحة ولدي باهي
-مصلحة ولدك تبيع و تشري فيه ب250 مليون هذا سومو ههههه
هكاكة و هو فما من ورا لباب دخل باطل حواجبو مصدوم الي كان يسمع فيه و ريم تصدمت تبلع و تغص تحس في دوخة لعبت عليها
-ع..عمر
دارت انو جات هي وياه كف و غرزة
-ول..دي
-مزلت عندك عين و تقول ولدي بعد الي عملتو لكل علاه كذبت عليا علاااااه
هو تيك و طفل صغرون ولا يبكي
-شوف حاسب امك لبرة متصيحش تفجعلي طفل سمالله على ولدي
في لحظة هاكي غزرلها غزرة متبشرش بخير امو بركت في قاعة اصل ساقيها معاش هازينها و بعد ركز مع طفل ثبت عيونو فيه وهي اي من ليه تحاول تسكتو قرب منها و خذاه بالشويا صغرون قد ترف شم ريحتو الي تحرم منها باسو بوسات خفيفة و قعد مركز في ملامحو و طفل ولا يضحك و يكاغي و شد لحية عمر و يلعب دموعو تملات في عينه وهو يغزرلو اساس عمل حسابو الي هو طاح...يتبع