شيخ _العشيرة

26

شيخ العشيرة ❤
حلقة 26
باش تفسرلو معدتها كبست عليها طاحت في قاعة مشالها يجري
-هذا لكل جرت تخليط
حملها و هزها نظفولها معدتها و بعد روح بيها
-فيبالي وصيتك قتلك ما تعمل شي
-حبيت نجربهم
-تجربهم بالعقل مش لكل فرد ضربة من وراني قداش تتكلف
-يا ناري على شبابي الي باش يضيع يا ناري باش نقعد في تركينة يا ناري باش نتلوح على صغر سني يا حليلي كرشي باش طيير
شد روحو و معاش يقدر و تفلق بالضحك لين هبطت دموعو
-ماكش نرمال والله كعبة و آخر كعبة في فترينا يزيتش توا تقول عزوزة
-اااه يا ربي مزلت ترنكوشة وهو على شويا وجيعة ردني عزوزة اااه يا ميمتي
-تي يزي من بكري و انتي تعدد على روحك
-ياسر موجوع نحس في روحي باش نموت ايجا اكتبلي وصية تاعي ايجا
-ههه يزي امان باش نموت ضحك
قرب منها وعنقها
-نهون عليك تموت و تخليني شكون باش يعملي مشاكل كل يوم كل وحدة اتعس ملي قبلها آه
-اضحك اضحك منجم نعملك شي توا
ضمها ليه و قعد يضحك عليها
- تي يزي مخيبك لباس عليك
- لا باش نموت جيبلي نكتب وصية
كبس عليها و باسها من راسها
- تي اص معاش تعاودها لطف عليك مستحيل تموت و تخليني
-اممم يمكن
-يمكن يا كلبة هههه ساعة فيبالي باش نهزك تحوس نوريك لبلاصة و نمشو للبحر نبدلو جو ياخي هاك تخمم تكتب وصية جملا
قامت من عندو و دارتلو طول
-شنمشو ناكلو
-باللهي؟؟!
-شقلت ياخي انا..!!
- تي توا كنت تتلوى كيف لحنش و تخمم في لموت و باش تكتب وصية اصل و توا تخمم في ماكلة شعندك في راسك
-عندي وزة ميسالش ماو لطف واحد معاك يموت بالشر
ضحك عليها لين معاش فيه
-معدتي وجعتني مو ضحك هههه برة برة بدل دبشك هاني نستنا فيك
- باهي تاو فيسع نحضر
باساتو و مشات تجري لبست سالوبات و مريول طايح في اكتاف و عملت كيف تقريطة في راسها و شعرها كعكة مرخوفة عملت مكياج حلو و هزت ساك في لون سالوبات دجين و بسكات ابيض كلن عليه بالشويا
-ايه اخرج ياخي باش نحوس بشطر و شطر نخلوه في لبيت اخرج كلك
بانت بكلها و تلعب بصوابعها
- لا لا هذا عريان برشا
- امان وين ترا فيه
-من فوق و مفصل بدنك
- تي خليني شبيك ديما تمسطها
-اوووه ريم اوووف...يتبع