شيخ _العشيرة

06

شيخ العشيرة❤
حلقة 6
بعد جمعة...
المحفل حافل و هي في وسطهم مزينينها و ملبسينها لبسة تدي لعقل ليلة يهزها لعنده زغاريت و جحفة و ذبايح في كل مكان ناس لكل فرحانة وهو جاء على حصانه لابيض و لباس لبسة امي لعقل زادت في زينه و هيبته و برنوص لابيض دخل للدار يغزرلها متوسطة النسا بلبستها الي قهرتلا بيه قلبه وهو يغزرلها تبسم و تعدا جيهة العدل قعدو لكبارات لكل في طاولة تكتب الصداق وولات مرته بالفم و الملا و من عاداتهم يهز مرته بين يديه و يحطها في جحفة غزرلها غزرة مش عادية تبسم و هبط عليها حجاب جحفة و طلع هو على حصانه و طبال يضرب و ناس لكل فرحانة مش هنا و كساكس و شي و لكل ورا الجحفة يوصلو لي لعروس لدار راجلها وصلو لقصر شيخ العشيرة هزها بين ذراعه و مشا بيها للدار دخل لداخل و حطها على سرير وهي مرعوبة منو متعرفش عليه شنوا ينجم يعمل ساكتة نحا برنوصه و سوريته وهي تغزرلو مرعوبة طبس عليها و نحالها لحجاب من على وجهها ياسر مزيانة تبسلمها بخبث و بعد دار للسورية رماها عالقاعة و جبد سكينة و ضرب صبعو هبطو قطرات الدم عالسورية حط سكين على جنب هز سورية و حل لباب و عطاها تسمع كان زغاريت و طبال رجع يضرب كلهم من عادات لقديمة فرحانين كونها مكانتش مكسرة ولا حاجة في حين دم هاكة دم كذب دم صبعو قعدت باهتة في تصرفو خلاها و دخل لبيت لبانو يعمل في دوش هي قعدت بحالها هاكة و دموعها هابطين في ساكتة خرج لافف منشفة في نصو شعرو مبلول هابط على وجهو غزرلها بشطر عين
-تنجم تبدل دبشك
-ماكش باش ...
-لا ارتاح معنديش رغبة ناحيتك ولا رغبة باش تكون مرتي و ام صغاري خلينا هكة خير
حست نار شعلت فيها
-كيف ماكش باش تمسني لواه ماخذني ااه عروسة قصب تحطني هنا و تبقا تتفرج و تصلي عالنبي
قرب منها و يحاول يهدي روحو
-شبيك متغششة و ماكلة روحك باش نمسك منحبش ماكش ذوقي مع اسف
حس بروحها رخيصة كانت معملة هي ترفضو ياخي صبح هو رافضها
-كلي انا ميتة فانيا عليك مالا حالة اما كان خليتني في دار بابا
-راهم قتلوك تعرف اذا انا زادة رفضتك راهم ذبحوك و حتى واحد معاد يرضى بيك مدام سيد العشيرة رفضك
سكتت كلامو صحيح موش غالط حس برخص
عطاها بالضهر و لبس دبشو وهي قعدت على حالتها ليلة كاملة هي كاكة طلع نهار لقاها كيف ما هي
-ياخي مرقدتش
-ميهمكش
جبدها من يدها بقوة
-منيش خديم عندك تحكي معايا بإحترام مكانش خلقيتك نفسدهالك
-امري يهمك برشا رقدت ولا لا
-لا اكيد اما كيف نسإل سؤال تجاوب بإحترام
-باهي فهمتك
-تهنى ماك تحب حرية و راحة و تعيس في تونس
-امم علاه
-عندي ليك برنامج منعرفش عاد اذا يعجبك ولا لا
-الي هو
-بعد لفطور نقولك حضر روحك و اهبط
خلاها و قام...يتبع