شيخ _العشيرة

13

شيخ العشيرة ❤
حلقة 13
-ريييض تهد يا مصيييبة
-لا لا لا
- توا علاه ماكلة روحك ماكلة هذا غيرة ولا شنوا
في لحظة هاكي حست روحها تشلت من كلامو ايه بالحق علاه غزلت من كلامو
-مش على اساس كل واحد و حياتو لخاصة و حد ما يدخل في حد و حد ما يعرف الي نحن معرسين شباش نقولها عاد نقولها بنت خالتي خير من بوون
-محسوب سمالله عليا لواه باش نغير عليك انتي شو هاك هدرة قوم عليا
قام من عليها وهي قعدت تستوي في روحها
-حقة تفركت نرمال الي عملتو بكري
-مش بلعاني
-مش بلعاني قتلي ههه صدقتك برشا
-امورك
-لسانك الطويل باش نقصولهك باش تتعلم كيفاه تجاوب كان لقباحة فيك
هربت تجرب للبلكون ياخي سكر عليها لباب
-مستحيل تخليني هنا
-باش يكونلك درس
-ايجا هنا
-و زيد معندكش باش تكسرو لباب اقعد غادي ههههه
-عمر..عمر
طفاها و دخل لدريسينg بدل دبشو ركح جو و هبط لوطة بحذا غفران وهي تمشي و تجي هبطت شويا على شاتو و طل عليهم يضحكو
-مقتليش بنت خالتك ويني
-لفوق راقدة شربت دواها و رقدت
-مفهمتش مليح مرضها
-هي ناقصة شويا في مخها و تجي تقول صحة تقول سداد و بيناتنا عدات ايامات في سبيطار منوبة داوي على مخها خاطر حالتها وصلت تبوس لعرص و لحيوط و تاكل طيف لحيوانات حالها يبكي مسكينة
-ياااااي مسكينة غاضتني والله
-ربي يشفيها
قعدت معاش تطل عليهم و بدأت تحكي هي و شواطن تاعها
' عامل جو سي عمر هه تاو نوريك شكون لمريض و عديت ايامات في منوبة اذا مدخلتكش انا لمنوبة مإسميش ريم 'لقات حجرات صغار تهز لولى و تضرب بيها على راسو و تخبات تشوا هز راسو مرا شي نسا الي هي محصورة لفوق عاودت ضرباتو للمرة ثانية كانت اقوى تشوا مشكل الي غفران كيف راتو كل شوي يتوحوح و ماهيش ترا في شي بدات تشك الي هو زادة خيوطو بدات تمس كيف بنت خالتو حاصل قريب تعملو كعبورة في راسو تكسر وهي تضحك و بعد لقات خنفوسة كيف تراها تزوغب هزتها بالشوي و رماتها على شعر عمر و غفران راتها قلبتها صياح وهو ينفض في شعرو وهي تقولو لفوق هبطت في مريول وهي تصيح و تعيط و ريم في شاتو تضحك عليهم قريب تعملها على روحها بالعمل
نحا لمريول نفضو أنكرت في قاعة وهو يعفس عليها و دخلت فيهم غولة قعد يهدي فيها
-باهي calme toi مفما شي
-تزووغب خيييت
- باهي سافا تعرف برة اغسل وجهك خاتر تفجعت و كل و ارجع
و ريم لفوق كلتها لغيرة لين عيونها دمعت تحكي وحدها و شادتها غصة بكا
"اما انتي راجلي انا لازم تتصرف معايا انا كاكة مش معاها هي "
هي قاعدة و باب تحل كان على اساس عمر عملت وضعية استعداد باش تشعل فيه مكفاهاش الي عملاتو مزالت مبردتش طلعت غفران
'تي شتعمل اللكزة هاذي هنا اوووه '
مشات تخبات على جنب و هبطت بالشوي طلت على عمر
-عمر عمر
- اا وي شكون
-هاني لفوق
هز راسو
-شتعمل غادي
-مش انتي سكرت عليا منجمتش نهبط
-اووف نسيتك
-شوف حل صاحبتك طلعت للبيت تاعك
-شنوا
-اييه فيسع القا حل امااان
طلع يجري و لخرا حلت لباب باش تطل من بلكون ياخي رصات لريم في مشكل سمت بسم الله و رمات روحها في جنينة في وصت شرات صغيرة تع ورد
وصل لقاها في بلكون
-غفران
-اا عمر معرفتش وين صلدو وليت دخلت للي في بيتك
-ههه عادي هيا نهبطو
-باهي على فكرة بيتك حلوة برشا
-انتي احلى عسلة اسبق مدام سكرت باب هاني جيتك
-باهي
يجري طل من بلكون مثماش هبط شويا في شاتو شي مثماش ريحتها
-ريييم ريم وينك ريم ريييم ويينك
شي مثماش ريحتها
حاول برشا باش خلا غفران تروح فيسع و بدأ يلوج على ريم لين لقاها دايخة في جنينة
-ريم ريم شبيك ريم حل عينيك رييييم...يتبع