شيخ _العشيرة

14

شيخ العشيرة ❤
حلقة 14
حملها و هزها لأقرب ارجونص بعد شويا وقت
-مثماش كسر في حتى بلاصة انا ضربة جاتها قوية شويا على راسها نخلوها ليلة بحذانا و نحطو عليها مراقبة لازمة و غدوة تنجم تروح بيها
-مرسي دكتور
دخل بحذاها راقدة حط يدو على خدها يتحسس فيه
-كيفاه عملتها كيفاه نجمت ترمي روحك هذا لكل خوف لا تعرف غفران الي انتي في بيتي و مخممتش لا في صحتك يا في روحك مشكلتي لتوا لا نجم نفهمك مرة نحسك تقرب و مرة تبعد ريم علاه تتصرف هكة معايا
باسلها يدها و كبس عليها
-منجم نقولك شي ولا نلومك انتي حرة فيلي تحب تعملو لكل اما خمم شويا مرة جاية قبل ما تعمل اي حاجة
هزت نوم وهو بحذاها حلت عينيها تحس في راسها رزين شويا تلفتت على جنب ترا فيه راقد بحذاها و شادتها يدها على أغلب خاف عليها تبسمت لين غمزتها تغمست و حط يدها على لحيتو تعدي فيها وهو كان حاس بيها اما قعد مغمض عيونو هزت يدها الي شادهالها و باستهالو و بعد كبست عليها كاكة و حب عينيه
-صحة نوم
-تيك صحة حمد الله على سلامتك
-عيشك
-نجم نعرف شصار و شوصلك للحالة هاكي
-صاحبتك دخلت للبيت و بعد وصلت للبلكون وليت عملت قلب و بسملت و نقزت من غادي
-مالا مهبولة مخفتش تصيرلك حاجة و خفت تراك و كان راتك محسوب
-بالاهي تلقاني في شاتو مش حتى في بلكون باش تتأكد الي انا مريضة و عقلي ناقص
ضحك منغير ما يشعر لحظتها خاتر بالحق تفكيرها مش عادي
-بالحق شابو ليك وعلى تفكيرك
-اما فما لوجيك
-بنسبة 10%
-ياااا مسقطك
-باهي مش مهم ارتاح توا غدوة نروح بيك
-علاه مش توا هاني كيف لحصان مشاء الله
-هو من ناحية كيف لحصان صحيح هاني ترا اما اجراءات و كل لازم يتأكدو الي انتي معندكش حتى شي يخافو منو على صحتك و بعد تروح ساهلة
-هههه باهي تفاهمنا
هو قاعد و تاليفون صونا
-وي غفران
-...
-فكرة هايلة
-...
-ايه نجمو نهزو معانا بنت خالتي يعني تبدل جو
-...
- لا تهنى متسببلناش حرج
هي تسمع فيهم تغزل وحدها تحكي بينها و بين شواطنها
'متسببلناش مشاكل تاو تشوف نما نجلطكم يا كلاب '
كمل تاليفون و دارلها
-مع شكون تحكي
-مع جنون
-ااا معناها تخطط لمصايب اكبر ملي عملتهم
-هو انت شفت حاجة
-شووف منهزكش راوو
-وين
-عاملين رحلة اصحابي ويكاند تخييم
-اممم جو عمري ممشيت لرحلات تخييم
-مالا تسمع لكلام و تبقا عاقلة باهي
-تهنى
-ايه ماو نعرفها تهنى تاعك
-ارقد ارقد مخيب راسك
ضحك عليها و قعد يتكتك وهي قعدت تخمم شنوا باش تعمللهم و لقات برشا افكار جنونية و ابتسمت ابتسامة شريرة و بدأت تتبسم أكثر لين ولات تضحك كيف لمهبولة وهو يغزرلها
-ربي يعفو بيك
-عيشك
عطاتو بالظهر و بدأت تخمم في كل لعمايل الي جات لبالها ياسر مزيانين...يتبع