شيخ _العشيرة

49

شيخ العشيرة ❤
حلقة 49
و طبس عليها طلع بوسة في رقبتها وهي حمارت بكلها
تلفتتلو و تبسمت معاه و تكلمت بالشويا تحبش تحلب
-شبيك هبلت رانا مع لعباد
-معاشش الي يخلي مرتي تغير
تبسمت معا كلامو ولا يفهمها من مشيتها مش من غزرة العين بركة مع ذلك كانت محموصة من شوفت ريحان كهو رتاحت من غفران جاتها ريحان على اغلب مش باش تتهنى قعدو ناس لكل و ريحان تضحك و تجبد في هدرة بالسيف مع عمر وامو الي كانت فرحانة بناسها و اهلها بصيفة غريبة وهو كان سارح معاها واضح الي هي مش صحنها جملا كانت محموصة شدلها يدها ياخي كبستلو عليها و باقي مركزة قدام متلفتتلوش قرب لوذنها وتكلم
- ريم شبيك لباس
-شويا قلق و تنحا
-متأكدة تحب ندخلو منغير هيا ندخلو
- لا لا باش ندخل انا بركة منحبش نزيد نبقا هنا اما انتي ابقا عندك برشا مريتهمش امي يصير فيها
-منحبش نخليك موجوعة
هوما يحكو و ريحان ترمات بيناتهم
-اووو محلاهم عرايسنا يقتلو
-اييه عيشك ريحان
عضت على شفتها و عملت رياكت روحها كلو تسوميم
-ههههه عزيزتي ريم كيفاه نجمت التأقلم فيسع
-مفهمتكش عزيزتي ريحان
-قصدي كيفاه حملت ترقد في حضن راجل لا تحبو لا يحبك و معرسين زواج تقليدي مدبر ههههه
نشوان بالكلام الي قالاتو حتى انو ملقات متقول
تلفتت غزرت لعمر
-شبيكم تغزرولي هكة لطف هههه نقول في لحقيقة هذا الشي بالنسبة ليا حد ما يحملو مش هكة حتى انو تحس كبريائك ولاو في قاعة الا اذا كنت قوية انا في بلاصتك منحملهاش في روحي
ريم شادة دموعها بالسيف حست قلبها وجعها من كلام ريحان ياخي عمر غزرلها حس بالنار الي شعلت فيها عدا يدو على يدها و شدهالها و كبس عليها غزرت ليدها كيفاه شادها و كابس عليها
-صحيح كلامك زواج تقليدي اما لباقي لكل من بعدو جاء عن حب حتى البمبينو الي جاي هاكة علاه ما يجيش تقول كلام مش متحققة من صحتو
شواها بكلامو سكتت ريحان وهو غزر لريم الي واضح عليها انها مش لباس جملا
-سامحونا يا جماعة
بعدها عليهم شويا حس بيها معاش متحكمة في اعصابها و تنجم تعمل عملة كيف ما كانت تعمل لغفران
- ريم ريض نحسك باش تمشي تضربها
- لا لا تهنى منفضحكش نحب نطلع لبيتي
-من بحذايا ما تتحركش
-سيبني متفهمش نحب نطلع لبيتي
- لا
زاد لزها ليييه و كبس عليها
-من بحذايا ماكش ماشيا
كان حاسس الي باش يصير فيها أكثر اذا تمشي اما حالة جاتها معاش تنجم تاقف على ساقيها و عرق بدأ يبان في وجهها و رقبتها غزرلها شفايفها يرعشو و عرق بدأ هابط تقول في بيت سخون
-صدقني كان مندخلش باش نموت توا
-باهي
بدأ يمشي بيها داخلين مزالو مافاتوش عتبة تع لباب وهي داخت
-ريييم ريم ريم حل عينيك ريييم
قعد يضرب فيها بكفوف خفيفة و من بعد هزها و حملها لبيت نوم حطها و مشا يجري جبد برفا يشمم فيها
- ريم عيش مرتي حل عينييك و جاوبني امان رييم
بدأت تحل في عينيها شدلها يدها يبوس فيها
- ريم يا روحي لباس شتحس في روحك تحب نهزك لطبيب
- لا لباس منستحقش سافا هكة
-سامحني الي قالاتو لكل
-عادي منلومش عليها كلامها صحيح
- اما نحن نحبو بعضنا في نهاية كيف ما قلت انا
- ايه يا روحي
عنقها و قعد بحذاها لين هزها النوم و بعد هبط شاعل
-شوف ريحان بنت خالتي على عين و راس اما فما حاجات مدخلش فيهم روحك يكون احسن
-شبيك شاعل فيا سعودي عملت
- ايه وادي شعندها عملت
-من حب خد يدخل فيبا ولا في مرتي و كهو انشاء الله كلامي واضح و يوصل
خلاهم و طلع
-شبيها تاتا كنتك فيسع رمات لقاتلة
-وين نعرف على كلمتين صار فيها هههه شهمك فيهم
طلع بحذاها في سرير بدللها روب و بدل دبشو و رقدها عندو و رقدت موش هنا فاقت صباح معدتها متقلقة على عادة مشات ترد طول رجعت بحذاه وهو راقد قعدت تعدي في يديها على خدو و لحيتو بحنية...يتبع