شيخ _العشيرة

01

عسلامة بنوتات هو جبتلكم كرونيك مزيانة كيما العادة
انشاء الله تعجبكم
شيخ العشيرة❤
حلقة 1
ليلة عرسها ليلة تتدفن بالحياة ليلة يأخذها ولد عمها الي طول عمرها تبخر بريحتو بنت 21 كان حلمها تقرا و تتخرج و تخرج من قرية الي عايشة فيها تمشي لتونس للمدينة و تعيش حياتها اما هوما دفنو شبابها و قالوها بالحياة و باش يعطونا لولد عمها الي يولدها ولادة لو جاء معرس عمرو 45 سنة قهرة كبيرة قال شنوا ولد عمها يلمها خير من براني عقيدة و فكر بدائي معروفة في بلادها وينها زين عربي شعر لاكحل لحرير يفوت لحزام و عينها كبيرة كيف غزالة بيضا حتى لحليب يغار من بيوضيتها مليانة و مزيانة كل بنية من بنات قرية يغارو من بدنها اما زينها ذبل بسبب عرس المحنون هي تقول بيعة باعتها بالرخيص لواحد شايب سمين و زيد ديما يسكر و يتلاوح و كلمات ضرب قعد تراس في وجهها و لحمها
-ياما راني منحباش ولد مهنية راهو سكارجي مسخ و زيد اكبر مني ب24 سنة كان جاء معرس رأي بنتو في عمري ولا اكبر مني
-بوك أعطت كلمة و الي عطا كلمة عطا رقبة و فوق هضا لعمر مش حاجز اما خير هو ولا براني
-تي منهو الي قال الي نا نحب براني اصلا نا نحب نقرا و ننجح و نعيش حياتي كيف خلق
-سكري سكري اك جلغة نعيش حياتي وهف يلمك لاش انتي خير من بناويت ام ريش ااه كلها تعرس أقل منك في ثمنطاش و أقل ااه تحبي تبوري و تولي منعوت بالصبع و توطيلنا راسنا
-امان يامي راني منحبووووش مزلت صغيرة
-شبيكي سمالله عليك صغيرة راكي فوتي لعشرين تنجمي تحلي ساقيك يضهرلي
-اما
-اما شنوا عندك حلين يا دار راجلك يا جبانة
خلاتها تبكي و خرجت للنساء الي جاو باش يحضرو لعرس محفل حافل وهي يزينو فيها كبسو لحزام على خصرها و ركحولها لحرام احمر مزينها زاد فيها زين و خلخال في ساقها عامل رنة خاصة لبست الذهب لين ضاعت فيه و كحلولها و حمرولها و طلعت احلى من عسل محفل كامل بناويت تتشاطح و زغاريت و بخور و هي دموع هابطة حطين عليها لحجاب ترا فيهم فرحانين لكل كان هي شويا و دخلت كرهبة مضخمة معروفة في هنشير الوديان لكل صاحب اكبر أراضي منطقة هاذيكا و مالك نصف اراضي الوسط شيخ العشيرة كلمتو متصيرش ثنين و ياخذو برايو هبط كلو وهرة و هيبأة بنات هنشير الوديان لكل يتمنوه مش هما برك حتى من بناويت تونس علجال هو زين مخلقش كيفا عمر عمرو 30 سنة رغم صغر سنو الا انو عندو هيبأة و كل يخافو منا من كبيرهم حتى صغيرهم دخل لابس لبسة عربي مزيانة زادة فيه شطر كانت ترا فيه من تحت الحجاب كيفاه يمشي يتهنكر و بوها يجري يسلم عليه و كل تحي فيه خممت في حكاية في مخها و قررت تقمر و تنفذها طلبت منهم يدخلوها للبيت نريقل روحها و ليلة هاكي كانت حنتها دخلت للبيت خذات ورقة و ستيلو
"شيخ العشيرة حكولي على عدلك و الي يطلب منك حاجة متبداش نحبك تعاونني لزمو عليا عرس و فرضوه عليا علجال هو ولد عمي لمكنتي نا مش راضيا و مش باغيا نوخضه يا ريت تعاونني و متخليش العرس هضا يتم انتا أملي الوحيد و انتي وحدك لقادر تنقضني من شايب الي باش يرموني ليه "
دست الورقة في صدرها و رجعت بخذاهم وهوما يشطحو نساء لكل عيطت لطفلة صغيرة و عطاتها الورقة باش تهزهالو و طفلة هزتهالو كيف مشاتلو طفل طبست باسها من خدها و خذا منها الورقة حلها يقرا فيها و فجأة قطب حواجبو و بعد هز راسو للعروسة الي كان حاسس بغزرتها رغم الحجاب صحيح شفاف اما مش واضح...يتبع
تفاعلو نكملها 💜❤