شيخ _العشيرة

15

شيخ العشيرة ❤
حلقة 15
روح بيها من غدوة حضرت ساكها للرحلة وهو زادة و من بعد تعداتلهم غفران طلعت قدام بحذا عمر وهي طلعت من تالي كانت متمنيا تنتفلها شعرها و قعد تمتم وحدها
'ستناني يا لفعة بو سبعة ريوص كان نخليك تتهنى معاه بخطار راجلي يا شومي '
يغزرلها من ترفيزور تمتم وحدها ضحك
-مع شكون تحكي
-مع روحي ميسالش ماو
-هههه خوذ راحتك
'يا واطي تحب تأكدلها بالسيف الي انا نعدي في لكراهب والله ما ترا لويل مني'
دوب وصلو لقاو قروب كامل بنات وولاد زادت شاخت فرحة
'يستنا فيك برشا جو سي عمر'
دوب هبطت جاء صاحبو يسلم عليهم جاء باش يمد يده يسلم عليها ياخي عمر لقفها و مد يدو هو ضحكت هي و هو تبسم السيدة صفرا
-سافا عمر
-حمد الله و انتي
-نحمدوه عشير شكون المزة
-هههه احترم شويا بنت خالتي
-ااا نتشرفو و شنوا اسمك
هي جات تتكلم وهو قص عليهم
-اسمها ريم اا لازمنا نركحو جونا هاو جاي لوقت تقعدو و نحكو
-باهي
حلتهم و مشا جبتها ساكها و غزرتلو وهي تتمقصص
-اووه اذا اصحابك لكل هكة باش ترصيلنا في برشا بانوات ثلج
-نعم للة شقلت
-حتى شي
خلاتو و سبقت بداو يركبو في خيم دخلت في لخيوط تحلت فيهم مشالها صاحبو يجري يعاون فيها زعمة زعمة و حاوطها بيديه و يسلك فيها وهو يلز فيها ليه هزت غفران راسها ترا فيهم كاكى ضحكت و دارت لعمر
-شاكة الي سليم عجباتو ريم برشا
-مفهمتكش
-دور وراك شوف لعرض
-ااه انا عرض
تلفت يرا فيه موش يسلك فيها في لحبل بالعكس يعدي في يديه عليها تحرش عيني عينك صايا دنيا دارت بيه طيش كل شي من يدو و مشالو دزو قريب طيحو
-شبيك عمر نرماال
-و انتي نرمال تتلمس في مر..
شد فران في آخر لحظى
-شنوا عمر فاش تحكي متلمس شي فاش تقول يهديك
-نرا بعينيك انا انتي تسكر فمك حسابك من بعد
-عمر شبيك داخل فيا كاكة كان مجيتش نعرفك مليح نقول غرت و زيد كان غرت هي بنت خالتك مش صاحبتك و لول بالأول ما عندي ما عملت رااو
-شووف صاحبي على عين ورأس اما كونك تتصرف بطريقة هاكي مع ب..بنت خالتي في مقام اختي راااو
جاتت رزينة يقول عليها بنت خالتي حس روحو كان يلقا يصيح بأعلى صوتو انها مرتو و حلالو
-الله يهديك
مشا طفل وهو دارلها
-شكون يسلكني انا
-ملقيت كان سليم يسلكك ااه
-على اساس نعرفو ماو صاحبك
- شوووف تشد ببوشتك توا خير ما نكور بيييك
قعد يسلك فيها لين نحاهولها جات قريبة منو علخر قعد يغزرلها وهي مركزة معاه متوقعة منو حاجة بعد طرح الغيرة الي عملو اما هو مستحيل يبردلها دور يديه عليها و بعدها من قدامو و بدأ يركبلها في لخيمة تاعها
دخلو بدلو دبشهم لبست شورط و خلعة و كسكات و بسكات شدت شعرها لفوق و عملت روج زاد فيها اغراء و انوثة دوب خرجت وهو كان قاعد يبرد في دمو اول ما هز عينو وراها كاكة فمو تحل طاق
'لا تحب تهبلني هاذي ليوم عرفتها ملي تحكي وحدها بينها و بين الجنون تاعها فما عملة مزمرة'
قام نفس روحو و مشالها طول شدها من يدها و دخلها لاثنين بيناتهم مسافة النفس و عينين تتشاعل...يتبع