شيخ _العشيرة

07

شيخ العشيرة ❤
حلقة 7
-ستنا ساعة انتي شتعمل هنا حسام مالا عمر وينو ولدي وينو
-بحذا نور متخافش
-اوووه فجعتني سامحني ديما مقلقتكم و متعبتكم
-تعبك راحة ههه اما متشوق علخر باش نعرف شنوا حكاية اللبسة الي لابستها
رجع للفاك يشوف في اوراق لقا نومرو تاليفونها اما وين تسكن ملقاش روح للدار فرحان و متغشش و كل لحالات فيه هي وصلت للدار و نور تقلقت بالضحك
-ههههه ريم وليت تخدم مع حسام و انا مافيباليش
- ههه خاطيني علمي علمك
دخلت للبيت و نور خلطت عليها تنحي في دبشها مفورة
- ههه شبيك شاعلة فهمني شصار
-طلع شكون لقيت في لفاك لا و زيد لبروف تاعي
-شكون زادة انشاء الله خير
- عمر
-عم..عمر حتى اني تلكون باش نطقت اسمو عمر راجلك
-اييه متقولش راجلك
- اما مزلت على ذمتو و بو ولدك
-رد بالك تعاودها عمر ولدي بوه مات عندو عامين حكاية ووفات و نسيتها
- ايه اما شنوا باش تعمل باش تنقل من انك مثلا ااه باش تحط مستقبلك و مستقبل ولدك
-زححح حرت و خايفة فيبالك اول حاجة باش يطالبني بيها هو ولدو فيبالك ولا لا
-تي اكيييد اول حاجة باش يعملها يفكو منك زححح مالا عملة
-لازمني حل
-كلنا لازمنا حل تنساش عمر صغرون هاكة روحي كيفاه نخليه يهزو مستحيل
-ايه زعمة فاش يخمم توا
-ساعة احكيلي قبل شنوا حالتك هاذي
-تي دخت دوب ريتو و بعد هربت منو كيف هزوني للسبيطار ياخي تنكرت ياخي لقيت روحي كف و غرزة في اصونصور و صارت مشكل كل جيت بين يديه كان ملحقنيش تتكسر كرايمي
-ههههه وااااو تقول مسلسل تركي على حالو
-تضحك بالله و انا حالتي حليلة لا و زيد لاتعس بنات لفاك لكل مضروبين فيه مالا حالة فيهم
قطبت نور حواجبها ههه بدأت تغير ولا شنوا حكايتها
-كيفاه عرفت
-يا بنتي دخلت للصالة قبل ما يجي كلها ترزشك في مكياجها و الي يستوي في دبشو و الي تغمق في روج و الي تكثر من برفا جلطوني عدهم ياكلوه وهو مش ناقص حازق لحية لمحالة زادت تكثفت و شعرو كيف ما هو اما احلى ببرشا من قبل و سبحان الله قدام الملاهط هاذوكم لكل ما شافني كان انا كيف تخبيت تحت طاولة
نور شاخت ضحك غيرة كلاتها حيرت فيها مشاعر كانت مخبيتها مدة هاذي لكل
-مزيان برشا هو ؟؟
غزرت للسقف و تنهدت تنهيدة هزت عروش قلبها
-مزيان برشا عندو غمزة تذوب وقت يتبسم بدون مخدوم يشعل فيك نار خايبة برشا تغزرلو تقول عمرو 25 موش 32 سنة ههه ياسر حنين قلبو كبير برشا كان يخاف عليا من نسمة الهواء مثماش كيفو و منجمتش نعرف غيرو ولا نعوضو وين نغزر لعمر يجي خيالو بين عينيا خاطر يشبهلو و باش يكبر يولي نسخة عنو اما دنيا كان عندها رأي آخر في علاقتنا
دموعها هبطو على خدها فيسع مسحتهم بربثة...يتبع