شيخ _العشيرة

40

شيخ العشيرة ❤
حلقة 40
تصدمت هي و هو يغزرلها جبدت يدها فيسع و مشاتلو
-مرحبا عمر
كانت تغزرلو كيف طفلة صغيرة توحشاتو علخر عندها جمعة و نص مراتوش لكن سعقها كيف جاوبها كلمة بركة
- عيشك
جاوبها كلمة و قص و تعدا طول لولد خالتها مدلو يدو
-عسلامة عمر
-يسلمك مرحبا بيك
-و بيك أكثر عيشك ههه عرست مالا
تلفت لريم و بعد غزرلو
-كان كتب علاه ناوي على حويجة
-مفهمتكش
نزل عمر على يد لاخر قريب كسرهالو
- لا باش كان ناوي على حاجة هاو فيبالك مرتي هاكي
-صلي على نبي
-الف ولا يزي
سيبو و تعدا حكا مع بوها هو في اول كان جاي باش يقولو بنتك باش تبقا عندك و يحكيلو كل شي اما في آخر لحظة بدل قرارو كيف لقا سي سيد روح و هكاكة ميساعدوش و من مرسى بدينا نقطفو من رجوع شدلها يدها و مقربها ليه في اول فرصة ميساعدوش كاكة قرر تبقا نهارين ثلاثة و بعد يرجعها تعيش معاه
قاعدين في حوش عربي كبير بنات تشطح و حس دربوكة مالي دنيا و ريحة بخور و زغاريت شي كبير هي سارحة تتذكر في موقف كيفاه غار عليها دايخة اصل
لين خرج تعدت بحذاها و مشا قعد مع رجال في بلاصة غير هاكي اما مقابلتهم نساء شدو الصحيح فيها باش تهبط تشطح هههه تحزمت و هبطت تميل و تضحك شايخة وهو يتفرج عليها ههه في اول ضحكاتو كيفاه جايبة ما عندها اما كيف لاحظ الي لولاد لكل يكحلو عليها معجبوش لحال قطب حواجبو هي قعدت على لكرسي وهو مشالها
-تجي معايا شويا
تبسمت و بنات بجنبها لكلهم يغزرو لعمر تلفتتلهم على جنب تلقاهم لكل شاردين فيه قامت و شدتلو يدو و هزت حاجب تغزر فيهم وهو فهمها دخلو للدار مشاو لبيتها دخل و سكر لباب و هي قاعدة تغزرلو
-وي تفضل
-باش تبقا بريود في دار بوك و بعد ترجع لدارك
-ههه وعلاه
-هكة نهارين ثلاثة و تجي للدار
- لا نقصد علاه راجعة نبقا هنا خير
شدها من مرفقها كبس عليها
- تحب تبقا هنا خاتر طحان تاعك رجع اصل ملي دخلت و ريتكم كاكة و توا قلت معينكش ترجع عرفتك فرحانة بييه مش هكة نسيت كل الي عملو معاه
عينيها تملاو بالدموع جبدت يدها منو و ضرباتو على صدرو بقوة
-انتي الي لوحتني مش انا انتي مجيتنيش كيف تربط و بعثتني لدار بابا طوول مسمعتنيش مع انك تعرف الي انا مضلومة وتوا جاي تحزر ووليت باش ترجعني ليك جوست خاطر ولد خالتي جاء
-ياخي لدرجة عندك الي صار لكل ساهل
- لا مش ساهل تمنيت لموت ولا نعدي ليلة غادي لقيت لخير في حاكم التحقيق
تكبست ملامحو و هز حاجب
-شبيه حاكم التحقيق
-كان يجي يطل عليا في كل وقت زيارة يعرف الي راجلي ولا مستعار مني خاطر وليت صاحبة سوابق
-هييه هاو باهي صاحبي و السرفور و طفل منعرفوش وولد خالتك و توا حاكم تحقيق مزال حد آخر
-شتحب تقول
- لا لا شي توا خلي لكل على جنب ولد خالتك مثلا علاه فرحانة بيه لهاذي درجة و مذابيك تبقا بحذاه حتى معينكش ترجع للدار فيسع نسيت
بدأت تصيح و تبكي
-عمري ما نسيييت عمري ما نجمت ننسا اما بديت نعوض خاطر هو حكاية ووفات من وقت ما خلاني معاش نحبو حتى انني مستحيل نغزرلو نحي لافكار انا ريييييم مش غفران...يتبع