شيخ _العشيرة

41

شيخ العشيرة ❤
حلقة 41
سكت في لحظة هاكي و استغفر
- عمر اغزر لي في عينيا و قولي شنوا طوا عليك تصرفك مش خاطر انا دخلت الحبس جمعة و نص فما حاجة ما اكبر
غزر في عينيها و بعد فيسع وجهو
-عرفتك قولي شنوا لحكاية احسن
- تحب تعرف
-ايه
-متأكدة
-خاطر انتي مرتي تفهم شمعناها مرتي مرتي و صار بينا الي صار و يمكن تجيب لي صغير و هذا لكل مزلت مش واعيا بهذا و متماديا في أخطاء و آخر حاجة تقوم تخون فيا هذا كفويا معاك الي حطيتك كيف تاج فوق راسي ااه
-انا مخنتكش فاش تحكي
-باهي
جيد تاليفون مدلها فيديو
قعدت تتفرج لين ماتت بالحشمة
-مش صحيح
- شنوا مش صحيح مش انت هاكي ولا انا نستخايل
-ايه انا اما فيديو مفبرك
-كيفاه ترا
-هو بعد مشربت الكأس معدتي تقلبت طول وليت مشيت نرد في طوالات و كي خرجت تعرضلي حاولت اني نمنع روحي اما منجمتش صحت عيطت و شي ياخي استغل لحظة قصات ضوء و كركرني للبيت اما مصار شي
-متأكدة
-لحظى
مشات هبطت في دروج هزت المكحلة الي معلقة عمرتها و رجعتلو مدتهالو
-اذا مش مصدق و شاكك الي انا خنتك تنجم تقتلني في عشيرة جزاء الخيانة الموت و انا بحكم خنتك كيف ما قلت اقتلني و تخرج شريف عفيف و حد ما تعدى لا عليك ولا على شرفك
خذاها من يدها حطها على لفرش و جبدها عندو عنقها
-توحشتك برشا حتى انني منجمتش نبعد حبيت نخليك معلقة منغير طلاق حتى لين نبرد و نرجعو سافا اما منجمتش لحظة الي ريتك انتي و اك الي ما يتسماش
-حتى انا توحشتك برشااا حتى ولدك زادة
بعد عليها و غزرلها
-ولد شكون
-ولدك انتي
تشوف في ملامح وجهو تبدلت و تبسيمة عريضة جات في شفايفو
-انتي حبلة
- ايه عندي نهارين ملي عرفت
عنقها و بدأ يدور ليها وهي تضحك
-معناها باش نولي papa يجيني صغرون ولا صغرونة تشبهلك
-و يشبهلك ليك انتي زادة
-ههه
عنقها و كبس عليها
-غدوة نجيك نروح بيك
-علاه مش توا
- لا عاد بات ليلة في داركم و غدوة نروح بيك
-باهي
-مع انو مش عارف كيفاه باش نزيد نعدي ليلة أخرى من غيرك
-ههه تبسمت و عاودت عنقاتو...يتبع