شيخ _العشيرة

28

شيخ العشيرة ❤
حلقة 28
-كان تعرف قداش نحبك
- حتى انا برشا محبة متتصورهاش قداش
-يخليك ليا يا ممو عينيا
-انتي زادة يا روحي
-نحضرلك فطور قمقوم و نمشو باهي يا روحي
-باهي اما نرمالمون انا نحضر لماكلة
-ميسالش خوذ راحة نعملك إش نعرف نطيب
-يا عمر يا عمر باهي ههه
-هوكة خوذ راحتك اعمل دوش وركح جوك ❤💋
-باهي
هبط و خلاها غسلت وجهها و ركحت جوها هبطت تترشق فرحانة ليلة مزيانة تعدات عليها برشا حب و برشا رومنسية فرحانة علخر انشاء الله بركة فرحتها ما تتكدرش هبطت طاولة الي نصبها أشهر عنقها كبس عليها
-هيا اقعد يا روحي
فطرها بروحو من كثر لفرحة كملو هزها لي ليسي شافتهم طفلة كيف هبطت اول شارع و كمل هو هي محبتش يراهم حد خاطر هو بروف و كل خافت من موضوع يفهموش بالغالط لحكاية كملت وحدها للفاك وصلت هي دخلت و ناس لكل تحكي عليها جاتها وحدة تتلعوك
-رييم
-نعم
- ههه كان تحب طبيب خويا طبيب ينجم يعاونك في اي وقت
-مفهمتكش
-يعني بحكم شافوك مع سي عمر هابطة من كرهبتو على صباحك يا ربي
-ايه و المعنى شدخل هذا في هذا ااه
-يعني قلت في مستقبل اذا ستحقيت طبيب يعاونك باش طيح الصغير ميسالش ما يقلقنيش نكلمة يعملك سوم
-فاش تحكي يتخي انتي من عقلك
-بربي لبنات شكون الي مش في عقلو الي هابطة ثمنية تع صباح من كرهبة استاذ الي يقري فيها ولا الي حبت تنصحها باش تعرف وين تحط ساقيها مالا حالة عاملة فيها شريفة بنت فاضل و تمشي لحيط لحيط و جاية توا تحكي معايا هكة
هزت ريم يدها طول ضربتها بكف و شدتها من شعرها جبدتها قريب قلعاتو ناس لكل بهتت مع دخول عمر
- انا أشرف من امك الي باش تحكي عليها امها مزالت مولدتهاش يا كلبة لكلاب
مشا يجري يسلك فيها
- ريم سيب طفلة جبدها بقوة
قعد يمشي فيها يبعد فيها عليهم
-ريتوه كيف جا يدافع علها
- لا و زيد بكل صحة رقعة تحكي عالشرف وحدة جبرية وبشة مجات شي
قعد بيها وين كراهب
- ريم شبيك اهدأ
تقلقت بالبكاء دخلت بعضها
-فاش علاه تبكي
جبدها ليه
-مفما علاه تبكي ما تستاهلش يا روحي احكيلي شصار
مسحلها دموعها
-اغزرلي و قولي شصار
- هي لخرى عملت كيف غفران سإلتني هبطت من كرهبتك قالت لحكاية لناس لكل و وليت انا عاهرة و مسخة و قتلي كلام خايب
نزل على سنيه و بعد تبسم بخبث
- لا ارتاح دواها عندي يا روحي معاش تخلي حكايات فارغة تأثر فيك
قعدت تمسح في دموعها...يتبع