شيخ _العشيرة

27

شيخ العشيرة ❤
حلقة 27
خرج هو وياها فما وحدين غزرولها ياخي شدلها يدها كبس عليها بمعنى آخر تابعتني خرجو وهي شايخة عليه تمشاو عملو برشا جو ضحك و و لعبو شرالها حلوة و شكلاطة و برشا منهم و هي فرحانة و تاكل قعدو في بانك و هي حلت تاكل منهم وهو تعب تكا و حط راسو على ساقها و بعد يغزرلها و هي والله مش هنا تاكل في شكلاطة كيف لبنية الصغيرة وسخت روحها خذا بابي و يمسحلها و يضحك
- توا فرصة باش تحكي حاجات منعرفهمش
-وعلاه تحب تعرفهم
-رييم
- باهي اص نفدلك شتحب تعرف تاو نقولك
-مثلا حبيت قبل
-كيف لبنات لكل اكيد يكون عندي كراش
-شكون
-واحد من عشيرة ولد خالي اما معاش يعيش هنا ملي سافر معاش عرفت عليه شي
-انقطعت اخبارو نهائيا
- لا يحكي مع امو و عايلتو اما ليا لا
-مكنتوش أصحاب
-كنا راسين في شاشية اما وقت وصلو الي انا نحبو تبدل معايا و ولا يتهرب معاش يحب يحكي معايا و في آخر سافر و خلاني كان كل ما يبعد كل ما نتعذب
-قداش عمرو
-28 كان لاهي بيا حد ما يقربلي يقريني يهزني و يجيبني عندو ثلاثة سنين ملي سافرعامت الباك تاعي ستنا ناخذ لباك باش ما يأثرش عليا مشيانو و سافر و قالي مع اختو انو عرف كل شي و انو كنت اختو لا أكثر اما انا ملي حليت عينيا قلبي دق من لحظة لولى ليه اما مش كاتب
-تغيض لحكاية
- اما انا تعودت عام لول جاني صعيب برشا نرمالمون نفرح بالباك تاعي لوقت لكل نبكي وحدي في بيت متفرهدتش أكثر حلمة نحب نحققها نسافر نخلط عليه
-حتى لتوا
- لا وقتها اما بالوقت فهمت انو مش بالازم الحب لول هو الي تكمل في آخر خاتر ايست كيف قالولي عرس
-عرس...!!!!
-ايه عرس غادي بوحدة بنت عايلة لباس بيهم وهو يخدم مشاء الله عليه جو باهي ربي يعنيهم
دموعها تملاو في عينيها قعدت تتلفت يمين و يسار حست بضعف كيف رجعت للماضي و هبطو دموعها في لخر مسحتهم بربثة
-منين جات دموع هاذم توا ههه
قالتها و تمحس فيهم قام و قعد على ركبة و نص مقابلها
-متبكيش نعرفك قوية يا ممو عيني هههه يزي عااد معرفتكش حساسة هكة عرفتك قوية و اقوى طفلة في العشيرة و اقوى وحدى في دنيا كلها خاطر الوحيدة الي تتجرأ تحط عينيها من عينيه و تغزرلي بلا خوف و تتحداني يزي
ضحكت من غير ما تشعر
-صحيت كاكة نحبك
-و انتي حبيت
-لا
-بالحق محبيتش
-معرفتي بالبنات سطحية علخر
-قداش عشت في تونس
-عشت 5 سنين في تونس
-و 25 في عشيرة علاه
- لا 10 سنين بركة عديت 15 سنة ملي تولدت في المانيا و جدتي حبتنا نهبطو لتونس هبطنا عايلة لكل ياخي معجبهاش نبقا في تونس شرطت نعيشو معها وليت انتقلت العشيرة و بطبيعتي مهندس فلاحي دونك لاقي راحتي و جوي
-فهمتك مالا غفران..!؟
- غفران صديقة الطفولة خاتر امها و امي كأنو انترنات عاشت في دارنا خمسة سنين كيف في ألمانيا...يتبع