شيخ _العشيرة

14

شيخ العشيرة ❤
حلقة 14
داخت هزها حسام و زرقولها تتخدر و ترتاح و من بعد روحو بيها هو و نور قاعدة في ليت معاهم كيف حمامة بلا روح تغزر لدبش ولدها تزيد في لبكا و نور غاضتها برشا
-زححح حسام منجمو نعملو شي ياخي
-حاليا لا راجل كلمتو مسموعة في بلاد شنوا احنا قدامو حتى نفوذ الي عندي متجي شي قدام نفوذو
-زححح شعملنا توا
-انا نحب نرقد (ريم)
- اما
حسام غزر لنور غزرة الي هي
-لأحسن نخلوها ترتاح تبقا وحدها خييير
-باهي يا روحي ارتاح
خرجو و خلوها وهي قاعدة تخمم هزت لبسة تع ولدها و تشم فيها
وصل للدار دخل شعب لاضواء
-كريييمة كريييمة
-نعم سي عمر
-نحبك تحضرلي حليب لعمر
-هذا ملازموش حليب باكو لازمو حليب غبرة
-اوكي مالا اطلب شنوا يلزم امير لكل من شيفور وهو تاو يجيب وليدي جيعان من بكري يبكي
-سامحني مقتلكش مبروك
- عيشك يبارك فيك
طلع للبيت حطو في سرير و تكا بحذاه يلعب معاه
-عسلامة يا مزيان انا بوك صحيح امك محكاتلكش عليا ولا يمكن حكاتلك اما بطريقة خايبة اما تهنى تاو تعرفني و تعرف قداش انا باهي و مترا مني كان لحب محلا زين ولدي مبن ريحتو
يبوس فيه و يعاود حضرتلو كريمة بيبرون و مدتهولو
-مش سخون عليه
-بردتو زيد شوف سي عمر
-كيفاه
-هبط قطرة على يدك
ضحك هو و عمل كيف ما قتلو لقاه دافي مش سخون
- لا لا باهي يعطيك صحة عمرو عام اكاكى شنوا نجم نعطيه ماكلة
-لحليب و شربة مرحية ولا خضرة مسموطة مرحية و برشا ماكلات تع صغار و فما سيليلاك اذا تحب
-اممم افكارك حلوة بحكم انتي جمعة جاية باش تاخذ راحة لازم تعلمهملي و بعد خوذ كونجي تاعك
-ههه حاضر على عيني و راسي
خرجت و خلاتو وهو قعد يرضع فيه شايخ عليه قعد شويا مشربوش
-ايا كمل الشويا هاذي
محبش شاخ ضحك عليه
-يهديك يا شييخ
باسو و حملو قعد يضرب فيه بالسياسة على ضهرو باش من بعد ما يرجعش لحليب قعد يلعب معاه فرحان بييه
-تعرف لازمنا برشا حوايج ليك توا ستناني نلبس و نهزك نعملو دورة و نشرو قضيات
بدل دبشو و حملو و خرج بيه هبط لاول بوتيك ساعة شرا كونغورو عاوناتو فوندوز لبسو و عمل هو وياه دورة شرالو كدس دبش و لعب و مشا هو وياه لكرفور ما خلا ما شرالو ماكلة بيبات لكل شراها باش يجربهم لكل و الي يحبها باش يصير يوكلهالو ديما عمل هو وياه برشا جو عندو برشا محروم من فرحة هاذي و مصدق ربي ريم راقدة قامت مفجوعة لوجو على ولدها يمين يسار بعد تذكرت الي هو هزو منها لبست دبشها و خرجت عندها ادراس دار لقديمة توقعت يكون غادي مشات تزرب وصلت دخلت بسرقة للجنينة وصلت وين باب بلار تغزرلو متكي ياكل في بيتزا و حاطو على حجرو يدوح بيه و مركحلو لبيبرون مشات تزرب دق في لباب
- عمر حل لباب عمر انتي متنجمش تمنع عليا ولدي
حطو على جنب و قام مشالها من جيهة لباب لبار
- ريم برة روح خيرك
-حل لباب نحب ولدي انتي متنجمش تفكو مني هو ولدي تفهم
-ولدي انا زادة برة امشي روح خير
طاحت في قاعة تترجا فيه
-امااان حل نحب نشم ريحتو و مرضت و توحشتو راو جيعان لحليب هاكة ما يعملو شي
طفاها و هي قعدت حاطة راسها على لبار تبكي
-امان حل نشوفو نحب نشم ريحتو نحب ولدي
نفخ و قام حالها لباب
-شويا و تمشي معاش نحب مرا وجهك هنا
دخلت تجري حملاتو و شبعاتو بوس قعدت تتفحص في تفاصيلو
-جعان يا روحي
جبدت اللحاف رماتوعلى بوها و قعدت ترضع فيه وهو يغزرلها ملاحظ قداش تحبو تعدات نص ساعة كملت وهو مشا خذاه منها و حطو في فراشو
-خلينا نشوفو نجي نرجعو و تشم ريحتو و نمشي امان
- لا
-امان عمر
- لا
شدها من يدها و خرجها دزها لبرة سكر في وجهها لباب
- امان عمر متعملش هكة متحرمينيش من اغلى ما عندي والله ما عندي حد في دنيا هاذي
حل لباب مش عارف فاش يعمل اما محملهاش وهي ضعيفة
-تنجم تقعد على طول هنا بشرط...يتبع