شيخ _العشيرة

15

شيخ العشيرة ❤
حلقة 15
هزت راسها مليح و ركزت مع كلامو
-باش تبقا هنا بشرط تخدم هنا
-وشنوا باش نخدم
-باش تخدم كيف نونو في دار تتلها بولدي في وقت معين و عندك بيت عندك وقت خروج ووقت دخول و تخلص كل شهر 600 دينار اذا شويا نزيدك المهم انتي توا عبارة نونو موش اما حتى الي في دار الطباخة و شيفور جدد منحبهمش يعرفو الي انتي مرتي
-اممم باش تعاود نفس الي عملتو قبل اما رد بالك تطلعلك لمرة هاذي فاتورة اغلى ملي تعدات
-الماضي مشا انتي توا نونو لأمير ولدي لا أكثر لا عندك علاقة لا بيا لا بيه
-معينيش باش تخلصني انا فقط نحب نبقا قريبة من ولدي
-على كيفك
-غدوة جيب دبشك و ايجا
-باهي
قامت مسحت دموعها قعد يغزرلها شاهي يضمها ليه اما مش ساهل الي عملاتو
دارت مروحة وهو سكر الباب و دخل طلع لبيتو يسمع فيه يكاغي و يلعب وحدو
- شنوا انتي مش ناوي ترقد ااه
قعد يمروج فيه و يبوس فيه عمل فيه وهو يضحك شايخ و شاد لحية عمر عامل عليها جو
-هههه غدوة يكبر ولدي يولي راجل بلحية و شلاغم ااه و كلمة كلمتو و شورة شورتو ستنا ساعة هههه انتي مطهر ولا لا
طفل يضحك مش هنا و عمر يضحك
-باين فيك مش مطهر الله الله هكة تحب بنت ناس نهار آخر تهرب و تخليك ااا لا لازم لازم ههه تاو نطهر ولدي يولي سيد الرجال ههه
رقدت طلع نهار فاق على صوت لعبو ولدو ضحاك و يحب لعب برشا طالع لريم في حاجة هاذي ديما تحب تضحك و تفدلك و تعمل جو وهو طلعلها حملو دخلو للدوش حضرو لجاكوزي ماء دافي حطلو لعب تاعو معاه و قعدو بالسياسة عباهولو بالموس وهو شايط يطش في لماء و عمر يضحك عليه عملو دوش قمقوم لبسو بشكير فيه وذني ارنوبة شايخ عليه مش عارف يلبسو من كثر ما شايخ عليه بوس و تمرويج لبسو سالوبات دجين و سورية زرقة صغرونة و صباط شيحلو شعراتو عملو لبرفا و حطو قدامو قعد يغزرلو
-صحة لولدي هه ايا ليوم باش نعرفك على عمك و عمتك و على مامي شريرة تاعك
ضحك طفل
- ههه ضحكتك كلمة شريرة ايه شريرة برشا تبقاش عاقل تميمك حملو هبط بيه حطو في كرسي تاعو و حطو بحذاه في لكوجينة
- شنوا نفطروك سي امير زعمة حليب ولا سيليلاك تاو نعملك بيبرون صغرون حليب و تاكل شويا سيليلاك
حضرلو بيبرون بردو و عطاهولو محبش يرضعو حضرلو سيليلاك شي محبش ياكل كيف كيف
هوما كاكة و باب نوقز مشا حلو نسا حتى باش يلبس مريول حل لباب لقاها هي
-صباح الخير
-صباح الخير
-مش بكري كينك
- لا لا توا وقت فطور امير و اكيد معرفتش شنوا توكلو
-مش بالضبط
- نجم ندخل
-ايه تفضل
دخلت وهو سكر لباب و يمشي وراها مشات طول بساتو طيرت وحشة منو...يتبع