شيخ _العشيرة

08

شيخ العشيرة ❤
حلقة 8
قاعدة في صالة تشرب في قهوة دخل يزرب في خطواتو وقفت استقبلاتو و علامات الدهشة على وجهها
-هه مش من عوايدك تجيني لهنا
-آخر جديدة مش باش تروقلك
-الي هي انشاء الله خير
- عمر اتلاقا هو و ريم
-كيفااااه
- في فاك الي دخل يخدم فيه
-مش ناوية تبعد عامين مثماش ريحتها توا قررت ترجع و تهد دنيا
- اما هي معينهاش
-كيفاه
- هي هربت منو اول ما عرفها و عرفاتو
- اما منعرفوش وقتاه يدوم هكة لحال سخطة تحبو و اكيد بعد ما تشوفو مرة اثنين باش تاخذ قرار و ترجعلو مع لكمتين حلوين يقولهم هو كهو مشينا فيها
-وسع بالك اكيد فما حل كان تاخذ برشا فلوس تضمن مستقبلها اكيد تاو تبعد
-قداش لازمها الهم باش تسكر فمها و تبعد و متخممش ترجع
-500 مليون
-ههه تفدلك انتي
- لا لا
-500 مليون الي تحكي عليهم معطيتهمش لعمر باش نعطيهم ليها هي
- اما عطيت عمر أكثر
- اما مستحيل تاخذ كل هاكي لفلوس
-250 آخر قرار تحت مستحيل تقبل
-باهي عندك فكرة ماو وين تسكن
- ايه تحب نهزك
-ساعة هزني للبانكا
-باهي حاضر
يمشي و يجي في صالة متوتر
-هربت مني هربت محبتش تبقا هربت و متلفتتش وراها يعني هي نساتني و معاش تخمم فيا حتى يمكن كرهتني
-شوف كل شي عندو حل ليه
- اما مشكلتي مفيها حتى حل
-و شكون قلك هههه
-تي اص يزي بلا ضحك مش وقت ضحك مش مستوعب الي صار
ببساطة معاش عينها فيك عيش حياتك و متغبنهاش هوكة هي عايشة طلعة و داخلة تقرا تكمل في قرايتها نساتك انتي و عشيرتك ولا شنيا و كل شي
-فما سر كبير ورا عيوبها مدة هاذي لكل انا متأكد الي هي تحبني لازمني نلقاها في اقرب وقت
-مش قتلي عندك نومرو
-صحيح
-امشي للمركز عندي حبايب غادي يركحولك جوك
-زايد صاحبي وحدك تصور من كثر تخمام معرفتش شنعمل
-تهنى مدام انا معاك جوك باهي
تمشي و تجي في صالة و نور و حسام حطين يديهم على خدودهم يتبعو فيها
-ريض ريم خبلتلنا عينينا
-مخي تخبل كيفاه باش نمنع انا توا
-تاو ندبرو روسنا و نطلعو حل المهم انتي اهدأ تلها بولدك ليوم متلهيتش بيه جملا(نور)
دارت تلقاه في سجاد قاعد و حاط بيبرون في فمو و يغزرلها
-يا روح ماماتك هملتك ليوم طولو من هاك الي ما يتسماش
حملاتو تلعب معاه نور و حسام روحو و هي رقدت هي وولدها طلع النهار قوماتو كالعادة بالبوس و تمرويج دوشتلو و لبساتو بشكيرو
-من ريحة ولدي راو عسل راو عسل بنين برشا لبساتو سالوبات و صباط صغرون و ركحتلو شعراتو شايخة عليه هكاكة و نوقز لباب حطاتو في مشاي و مشات تحل في باب و تلقا مفاجأة عمرها متوقعتها...يتبع