شيخ _العشيرة

39

شيخ العشيرة ❤
حلقة 39
متكية راسها تغزر للسقف و تتخيل في حكايات تعدات ربطيتها خرجت من حبس لقات كرهبة تستنا فيها اما مش عمر شيفور وصلنا للدار لمدت كل دبشها في فاليز و رجعها للقرية وصلو بعد سوايع هي كانت تتكسر على كل الي صار رقدت بالطريق دوب فاقت وقت حبست للكرهبة تلفت في شباك ماهيش قدام الفيلا لقات روحها قدام دارهم
-شبيك جبتني هنا هزني لداري
-ايه جوستومون سي عمر قالي نهزك لدارك دار اهلك
طلباتو بالوقت مهزش شدت تطلب تطلب لين هز
-شتحب
- عمر شنوا الي قاعد تعمل فيه شنوا هاذي نروح لدارنا ما يزانيس رغم الي كنت فيه
-علاه لم عديت ربطية و روحت وليت صاحبت سوابق دونك متناسبنيش
- شنوا..؟؟؟؟
-الي سمعتو
-واعي بلي تقول فيه
-اكيد باش تبقا في داركم و شهرية تجيك كل شهر تصرف منها طلاق لا باش ما توليش منعوتة بالصبع أكثر من هكة منجمش نعاونك
-شبيك تبدلت وينو عمر الي نعرفو اصلا عرفتك ملي مجيتش تراني حتى مرة ما فيباليش بيك صاحب مظاهر
-نحب تنسا نهائيا الي ريتو مني في تونس خاطر متستااهلش ربي معاك يالله سلام
علق حتى قبل ما يسمعها هبطلها الشيفور فاليز وهي دخلت تكركر في ساقيها كان يغزرلها من بعيد و قلبو واجعو اما هذا اللازم بعد ما تفرج في فيديو فيديو مفبرك بخلاف الي صار زايدين فيه حاجات خلات عمر ياخذ قرار نهائي مستحيل يتراجع فيه
دخلت للدار و تصدمت كيف لقاتو قاعد في صالة و اول ما راها قام و عنقها
-مرحبا بيك ريموش ههه ليك وحشة اا طفلة
كانت كيف لحجرة منجمت تعمل حتى ردة فعل مش مصدقة الي هو رجع الي هو قدامها
-هههه شبيك دايخة
-م..مرحبا
يكفي قالت لك لكلمة و مشات و خلاتو دخلت للبيت سكرت الباب و ترمات على فرشها معنقة مخدتها و تصيييح باش ما يسمعها حد عمر مشا و خلاها عمر استغنى عليها برشا كلام يدور في مخها و كلام يدور منجمتش تنحيه من مخها قعدت كاكة برشا وقت طاح ليل جاتها اختها
-هيا اخرج بنات لكل لبرة نسهرو شويا
-علاه
-ماو يحضرو لبنت صالح عرسها جمعة جاية
-ربي يهنيها منحبش كرهت حاجة اسمها عرس عفتو
-شنوا جاية من تونس متحزمة متبديش هيا اخرجي
شدت صحيح لبيت روبة دزيرية و عملت شعرها و بعد خرجت تقابلت هي وولد خالتها
-ههه شنوا تمشي و نزيان اا طفلة و انا فيباليش
-ه..ه..ه عيشك
-شبيك ملي جيت وجهك مقلوب فما حاجة
- لا فما شي
-لا خاتر جاية وحدك جايلك شيفور حتى راجلك مخسرش يوصلك و باش تعدي ايامات في داركم غريبة
-ما فما شي غريب و متبقاش تحلل في لموضوع باهي حاجة متعنيكش
شدها من يدها و جبدها ليك
-منعرفش كان راجلك مش في مستوى طلع خوذني انا و تاو تشووف
هكاكة و يدخل بوها و معاه عمر...يتبع