شيخ _العشيرة

07

شيخ العشيرة ❤
حلقة 7
دوشت و بدلت و هبطت بحذاهم للفطور باشا يد ماماتو و امو و قعدت معاهم
-بون يا جماعة حبيت نقولكم نحب نمشي نبدل جو و عندي خدمة في نفس لوقت في تونس باش تهز معايا مرتي اكيد ماكس شهر و نروح
-وه يا وليدي اصبر يعدو سابع كيف لعادة و بعد هزها
-ميسالش كيف نغضو عينا على حاجة تعرف الي كل شي حسب العادة خلي نتنفسو شويا
-ملييح خوذ راحتك على كيفك
فرحت رسم بينها و بين روحها مش عارفة اش يستنا فيها في تونس كملت لفطور فيسع مشات تجري لبيتها و حطت تحضر في فاليزها شويا و خلط عليها
-باين فيك فرحانة برشا
-ايه علاه
-لا شي اما كيف نمشو لتونس احسب روحك حرة ماك تحب لحرية و تمشي لتونس و تراها باش تفتق مواهبك اما لا نعرفك لا تعرفني راو عبارة مش راجلك و كل واحد حر فلي يعمل فيه حد ما يدخل في ثاني
-شمعناها مفهمتش
-واضح لمعنى علخر لا نعرفك لا تعرفني لا غيرة و حد يدخل في حد منحب حد يعرف الي انتي مرتي عندك دار غادي نعيشو فيها تحب تخرج تدخل تعمل الي تحب ممدخلنيش فيك و رد بالك دورلي بأصحابي
-فهمنا مريقل فك عااد
-شنبهت عليييك انا
حمر فيها عينيه ياخي لبدت
-باهي سامحني مقصدتش
-باهي كمل حضر روحك نصف نهار نخرجو
-باهي
-حضرلي دبشي معاك
-باهي
خرج و خلاها تغيضو كيفاه يتعامل معاها هي مرتو و عجباتو من اول مرة اما ما يخذش حاجة بالغصب خليها تعيش حياتها في نهاية عارفها باش تجيه و تهبل عليه و متبرد كان ما تولي مرتو بالفم و الملا
تحط في دبش و دندن وحدها في كلامو
-نا نا نا و تأ تأ تأ لا نعرف لا تعرفني حد ما يعرف الي انتي مرتي محسوب انا قاتلة روحي عليك هاني ماشيا لتونس فما الف كيفك و انا بزيني و عيني على شكون نرضا هههه تاو تشوووف كيفاه منخليكش تهبل و تعترف وحدك الي انتي راجلي و تقتلك لغيرة
تغزر لروحها في لمرايا و تضحك وحدها
و جبدت مكياج الي شراتهولها حماتها
-شوف اا سيدك ذوقها يعشق لمرا مضخمة في كل شي حتى دبش ياسر يعشق الي شراتهولي والله دبرتها جرت سيدي الشيخ ههههه
تضحك وحدها كيف لمهبولة لبست روبة زادت فيها الشطر مش قصيرة برشا و طالون و عملت مكياج سيسدوز تدي لعقل
و حضرت لفاليزات نص نهار جت طلع للبيت اول ما حل لباب و شافها من انعكاس لمرايا بلا ريق بالسيف ياسر مزيانة كازي قرب منها و تكلم
-متقوليش شبيك ديما قدام لمرايا
-والله ريت كيف نعدي وقت نغز بوجهي خير من لي نغز لمناظر متشبه لشي
-عندك حق حضرت روحك
-ايه شنمشو
-ايه هيا
هبطو هوما و البون هبطت الفاليزات طلعو في لكرهبة و نسا الفيرمة لكل تغزرلها
-ريتي في ليلة ولات مرت الشيخ و في نفس الليلة رمت السفساري و لبست اللبس الرومي (رشيدة وحدة من خداما )
-قول ربي يستر بناتنا و كهو(فطوم)
-سمعتي حاجة ها فطوم (سعيدة)
-فما شكون يقول الي هو مش راغب بيها (فطوم)
-وضحيلينا(سعيدة)
-فما شكون يقول ما صار شي (فطوم)
-وه هذا كلام و دم الي في سورية و عتروس الي تذبح في باب دار (رشيدة)
-اخي متعرفيش لحكاية لك ضربة يد بسكين و لعاهرة تولي شريفة انا نقول الي هو هجر فراشها (فطوم)
-لطف لطف لطف ربي يستر بناتنا
-والي عجب تضحك و تتفزعك مش هنا لو جاء مهجرهاش يخرج عالصبحة للسانيا و لبارح عرسه لطف خلي ساكتة برك منحبش تجبد لولايا
-ربي يسترنا و يستر بناتنا هيا نعبو المي...يتبع