شيخ _العشيرة

04

شيخ العشيرة ❤
حلقة 4
عيط عيطة هزت دار بكلها و بدأ يكسر في كل ما يعرضو
-شبيك ما تفهمش الي كل شي كان من تدبير غفرااان علاه علاه قلبك مليان عليها و ما صدقت لقيت فرصة كل شي عملاتو غفران حطتها كوكا في كأس و بعثت واحد استغل ضعفها و حاول يتعدا عليها و كان متشدتش غفران رأي لتوا في حبس خاطر غفران مروجة و مستهلكة و هي مش مستهلكة و مش صاحبة سوابق غفران دبرت كل شي و توا نجحت في كونها سيطرت على عقلك بكلامها و انتي ما صدقت ربي لقيت فرصة مرتي ضايعة منعرفش علاها وين حبلة في كرشها ولدي الي هو حفيييدك و انتي مزلت تخمم في كلمتين قلتهم هاك الملهط بالحق معاش عارف اذا بالحق انتي امي ولا لا ماكش حاسة بيا حتى ترف مرتي وولدي مثماش و انتي هنا فاش تعمل تشوه في سمعتها ماشي فيبالك اذا حكيت هكة انا باش نكرهها و نطلقها هاكي آخر حاجة تخمم فيها باهي
خرج و خلاها طلع في كرهبتو و باش يمشي في طريق ثماش ما يلقاها كتبت ريم ميساج لاختها و بعد طيشت pus من شباك اختها مروحة في طريق دموعها على خدها مش مصدقة نوراة العيلة يصير فيها هذا لكل و تخلي متقول لحد كاكة و جاتها نوتيفيكاسيون حبست مسحت دموعها و بدات تمسح في دموعها تلقاه ميساج من عند ريم
"يمكن راو وصلكم لخبر و راو بابا تغشش برشا حتى عمر تغشش و نانا تصدمت لدرجة هبطت دايخة ناس لكل سلمت فيا في غلطة انا بريئة منها اما عادي انا توا هاني باش نبعد على ناس لكل لأحسن ليا و ليكم خاتر قعدت هي يجيبلكم لعار اما منحبكش تكرهني كيفهم انا مظلومة في هذا لكل انتي تعرف اختك ريم شنوا اكيد ماكش باش تجي معاهم سامحني برشا اذا غلط معاك ولا اي حاجة و من ليوم احسبني مت انا نحبك برشا و ما طالبة شي غير انك متجيش لصفهم باش وقت تضيق نقول اختي لوحيدة الي بلي صار مكرهتنيش رد بالك على امي و بابا و بوسهملي و قولهم انا راني معملت شي و انا بريئة من كل شي "
زادت دزت على لبكاء طلبت طلبت ما يتعداش رجعت لعمر تجري تعارضو في ثنية بعد ما قرأ لميساج حس روحو خسرها وين باش يمشي و يلوج عليها هبل في راسو اصل
عدات ليلة في لوتيل كلها بكاء و نويح بدنها و روحها تعبو هي توا باش تحاول تفسخ الماضي و تعيش للمستقبل مستقبل ما فيه كان هي وولدها من غدوة عداتو تلوج على خدمة ياخي قبلوها في ريستو تخدم سيرفوز لقات برشا صعوبات في اول بعد الي تعدات بيه ولات تخاف من كل راجل تراه و مرتين وثلاثة يتحرشو بيها اما دافع على روحها بلي تقدر لما فلوس و كرات في بالاص غادي تعرفت على حسام ولد مولا لبالاص كان واقف معاها و يخدم في كلينيك و ولاو أصحاب و ساعات تصرف فلوسها يبقاش للكرا يولي يغض عينو على شهر هاكى لين تتحسن امورها أكثر و نهارت الي ولدت وقف معاها و هو الي دخل معاها هو كان حسابها كيف اختو خاتر اختو كان جات حية في عمرها حتى تشبهلها اما هو ديجا خاطب حتى خطيبتو نور نهار لكل بحذاها تلعب مع عمر الصغرون عرفت ناس حطتها في عينيهم تعدا لعام هاكة تلهات بعمر و كيف توا كبر قررت تدخل للفاك تكمل قرايتها تضمن مستقبلها و مستقبل ولدها...يتبع