شيخ _العشيرة

03

شيخ العشيرة ❤
حلقة 3
مشات تجري خذات ساشي تع دبش الي جاباتو ريم خاتر هس كيف جات عروسة و جابت دبشها عباتو حماتها في ساشي و جابلتها دبش آخر و جديد رماتها السوشي على وجهها
-شد هاو خمجك الي جيت بيه باش ترجع بييه
طربقت في وجهها الباب
-ايااااه ارتحت منها توا نمشي نعمل قهوة نبرد أعصابي تلفت الله لا تربحها
مشات قعدت في صالة و ريم قدام الدار تبكي و حالتها حليلة مستحيل تمشي لدارهم لو تمشي مطردة ما يقتلوها هي و صغيرها قعدت تمشي عندها ترف فلوس في جيبها خذات تاكسي و ماشيا لتونس ثنية كاملة تبكي و مسندة راسها على لباب كل شي وفا حتى عمر منصفهاش مغزرلهاش على اساس نسا كل شي وصلت شافت بيت وتيل ليلتها رقدت لوقت لكل منجمتش تقوم ولا تهز راسها عمر روح للدار هبل كيف ملقاهاش
- ريم وين امي
-منعرفش أنتم خرجتو منا و هي خرجت منا
-امي متأكدة مقتلها شي
-شعندي نقولها بالاهي هو ولدي الي جبتو من كرشي و خبا عليا خلاني اخر من يعلم تحبني نحكي معاها اخطاني متغششة عليك برشا
-مالا وين عندها تمشي بالاهي
هز تاليفون و طلب اخت ريم
-عسلامة نسيبي
-اهلا حبيت نسألك على ريم
-لباس
- ايه لباس ريم مجاتش عندكم
- لا مجاتش وه مش في دار
نزل على سنيه بغش
-صارت مشكل في دار مشيت بقضية و رجعت ملقيتهاش فيبالي جات عندكم
- لا مجاتش
-مالا وين عندها تمشي
-يااا ناري على وخيتي منعرفش والله اساسا بخلاف دار معندهاش حتى بلاصة تمشيلها
-شعملنا توا باهي سامحني كان قلقتك تاو نمشي نلوج عليها
-انا زادة لازم نلوج عليها نتقابلو قدام لفيرما
-باهي
لوجو عليها في كل لبلايص ملقاهاش روحو للدار باش يلقاو حل هوما دخلو و اما تنطرت
- شمجيبها هاذي ااه مكفاناش الي عملاتو اختها
-ياخي شنوا صار نسيبي مفهمنيش مليح شنوا صار
-الي صار اختك تشدت في بيت هي و راجل وهي على ذمة ولدي
-شنواا لا مستحيل
زاد تصدم عمر أكثر و أكثر
-امي منين جبتها لحكاية هاذي
-غفران بعثتلي لفيديو كل هذا صار و انتي ما قتلي شي
- عمر ياخي شنوا صار مستحيل اختي تعمل حاجة هكة
- لا يا للة اختك عملت هذا و أكثر فيبالك ماو دخلت الحبس جمعة و نص ولات صاحبت سوابق و عملت اوفر دوز من جرت لكوكا نزيدك زيادة عملت لعار و حطت رأس ولدي في تراب و هذا لكل و هو محكا شي وتوا رأي هربت لصاحبها
- لا مستحيل تعمل حاجة هكة
خرجت اختها تجري و تبكي و عمر شد راسو بيديه زوز يحس في راسو باش يتكسر
-اوووووووووف...يتبع