شيخ العشيرة ❤
حلقة 12
دخل صاحبو يلقاه يغلي ولا يترانا معاه و يحاول يهديه
-مدام حالتك هكة يعني حكايتك مزمرة
-ولدي عايش
-شنوااا تحكي بجدك
-ولدي عايش وهي تكذب تقول مش ولدي امي هي الي طردت ريم من فيلا و ريم كملت حياتها و هربت بإرادتها
- شنوا بإرادتها مش كنت تقول امك طلعت طردتها
-افهم امي طردتهاكانت تنجم تبقا في دارهم تستناني تشوف اي حل متسلمش فيا اما هي سلمت فيا و هربت و عملت كل الي تحب عليه على خاطر مصلحتها فقط فهمتني
-معقوول طفلة الي تعذبت على خاطرها تتصرف هكة
-و جابت ولدي و كانت ناوية تخليه يعيش حياتو لكل من غير بوه و الاهم من هذا الله اعلم شكانت باش تكذب عليه اما زايد انا خذيت قرار غدوة نمشي نخدم على روحي و نبعثلها خردة اجتماعية بالسيف عليها يعملو تحاليل لولدي و يقولولي ولدي ولا لا و نطالب لحاكم الي ظروفي انا ملائمة أكثر و امي باش نستخدمها ورقة الرابحة في لحكاية لكل كان قالولي انتي و مرتك مش مع بعضكم نقولهم امي تنجم تتلها بيه و امي باش تمثل كيف ما نقولها
-و شكون قالك الي هي باش توافق
-نأكدلك باش توافق و ريم باش تجي لعند باب داري و تترجاني
-انشاء الله الي تحب عليه لكل يصير يزيك توا عرفت بكلك اعمل دوش و نعملو دورة نبدلو جو و نهزك لرستو عسل دنيا نعملو فطور قمقوم
-هه مشات معاك عشيير
ريم قعدت على حالتها لين مشات نور حلت لباب و دخلت تلقاها في قاعة و محملة ولدها و ترعش
- ريم شبيك
-...
- ريم تكلم
حاولت تاخذ منها صغير و هي ترعش بكلها
-نوارتي احكيلي شصاار ريم اهدأ
-يحب يفكلي ولدي يحب يفكلي ولدي
-شكون هذا
- عمر عمر يحب يفكلي ولدي يحب ياخذو مني يحب يعجبني بيه و يحرمني منو و من ريحتو انا مستحيل نخلي ولدي هاكة ولدي راااو ولدي انا ولدي انا اكهو
-يا روحي انتي اهدأ صدقني ما ينجم يعمل شي انساه
-جاني هو و امو لدار هنا عرفو وين نعيش و كل واحد من شيرة و انا كيف كورة بيناتهم
عنقتها نور و كبست عليها
-تهنى ما يصير شي من هذا لكل باهي ارتاح و شهمك فيه بلعاني يخوف فيك اكهو ولدك ضناك حد ما ينجم يفكو طفييه ركز على مستقبلك وعلى كل شي خممنا فيه من اول و انسا كل شي مش انسا خاطر صعيب اما حاول انك تتناسا و تبني حياتك ليك انتي وولدك باهي
-ب..باهي
تعدا نهار صعيب اما تجاوزاتو رقدت في ليل و هو راقد عندها مش حتى في فراشو خايفة عليه طلع النهار دق لباب حلاتو تلقاها مرا و معاها زوز حاكم
-تفضلو
-جينا نهزو صغير نعملولو فحص مذبينا نعرفو اذا الصغير ولد عمر*** ولا لا
- لا مستحيل نعطيكم ولدي
-يا اما بالحسنة والا بالقوة و احسن تتطوع
- لا لا لا
دخلت تجري حملاتو و هوما قعدو يحاولو ميتصرفوش معاها بعنف و فكهولها وهي تصيح و تضرب فيهم و هزوه
-ولديييييييييي
قامت تجري ملبستش حتى دبش خرجت تجري مش عارفة وين ماشيا لين وصلت للفاك ناس لكل مصدومين جاي بروبدوشمبر لفاك داخلة تجري تلوج عليه لقاتو في بيرو لاساتذة...يتبع
YOU ARE READING
شيخ _العشيرة
Romanceعسلامة بنوتات هو جبتلكم كرونيك مزيانة كيما العادة انشاء الله تعجبكم #منقولة شيخ العشيرة❤ حلقة 1 ليلة عرسها ليلة تتدفن بالحياة ليلة يأخذها ولد عمها الي طول عمرها تبخر بريحتو بنت 21 كان حلمها تقرا و تتخرج و تخرج من قرية الي عايشة فيها تمشي لتونس للمد...