شيخ _العشيرة

21

شيخ العشيرة ❤
حلقة 21
دزاتو و قامت تجري خرجت و خلاتو وهو موقف محرج تحط فيه خرجو يلقاو غفران تبكي و شعرها يعيف مقصوص و ريم تخبات في خيمتها مشات عملتها كل شي تخمم كيفاه وصلت عندو و ليل لكل باينة في حظنو هكاكة و دخل يعفس في طاجين يقعرو
-شعملت ساعة تجيني عقاب ليل ترقد عندي و تقص شعر غفران انتي بلا شنوا حاجة الي قعدت معملتهاش جريت ورانا بالمكحلة حطيتلي في ماكلتي دود عملت لفضح بشتى انواعو بالحق بديت نفد شبيك فرخة برشا في راسك انتي ارزن و اعمل همة عورتلها كان تعرف الي انتي الي قصيتهولها ما تبات في حبس ليلة نرمااال وين مخك ويييين
تجمعو الدموع في عينيها حست بالذل طرشقت عليه تبكي و تضرب فيه على كتافو
-شتحب مني انتي ااه شنوا نعمل كل شي مني ما يحبش كلو خايب ايه انا فرخة و عمري 21 سنة مزلت مراهقة نحب نتفورخ لواه معرس بياااا ااه تي اكبر غلطة في حياتي انتي تعرف هذا ولا تغزر لروحك ديما انتي الصحيح و الباقين لكل غالطين اناني علخر لا نحبك لا نصبر عليك غيرة عليا تبني بالاصات و بعد عليا قد بحورات لعالم افهم روحك ساعة شتحب باهي مش فالح كل مرة تهنتل و تعاير انا زادة فديييت علخر
قعدت في قاعة تبكي خلاها و خرج زادا نقمت عليه أكثر والي يراه يتسما تفشة قدام الي تنجم تعملو هي في ويكاند حركت برشا حاجات فيه خلي يا شهر في تونس انتقام كبير يستنا فيه روحو للدار كل حد قالب وجهو لجهة قعدت في بيتها نهار كامل تحير عليها طلع دق لباب مجوباتوش حل و دخل راقدة على كرشها شعرها منثور مش هنا عطاها و خرج من غدوة قام على حس وهو خذاتو عينو في صالة كهو جابتلو الجلطى حل عينيه يحس في دنيا دور طل عليها
-فاش تعمل
-نزف كيف ما ترا
-مخطرلك تنظف كان تحت راسي
-والله ما عندي ما نعملك دار حالها تعيف
-نحي لا تحل حرب كيف اك لمرة تاو نجيب مرا تنظف و تطيب
كيف قال كاكة فهمت بالغالط مشا في بالها باش يعرس بثانية نسات الي قانون يمنع حاجة هكة اما الله غالب سعات تولي بقرة من تيراز تحلو عينيها صحاف وكبست على سبركة و قعدت تغزرلو
-شبيك لباس
-باش تاخذ عليا مرا
-شنوا ؟؟! تي لا ما نفهمك
صاحت و تهز العصا تضربو بيها وهي ينقز من كنابي لكنابي وهي وراه بالعصا
-افهم صدقني انا غلط مرة منعاودش تغلط مرة ثانية
-شقلت سي الورل انا غلطة ليوم نعمل لحم مفروم
هو يجري وهي وراه بعد قعدو يتحاوزو فكلها العصا
و شدها من يديها كبس
-نكذب والله باك غلطة صحيح انتي بلا هبط على راسي اما بلا مزيان و باهي برشا امان يزي لحمي تهرا وانتي في كل سوء فهم تصخطني بحاجة أمنيتي نعرف علاه ديما تجي حاجة مقابلاتك زححح
شدت ضحكنا بالسيف من كلامو
-باهي برة ابعدني نحب نكمل نسيق
-باهي هاني طالع
- لا توا باش نسيب طاق لفوقاني
- باهي هاني هنا
طلعت و بدأت تنظف ملات سطل الماء هكاكة و ساونا تاليفون تاعو طلت عليه تنسنس
-وي غفران
-....
-ههه نجي نجي
-....
-تهنى منغير ما نجيبها اصلا نعرف الي انتي وياها متتفاهموش
-....
-ربي يشفيها ههه باهي
عرفات يحكي عليها ثبت عليه سطر الماء دارلها و زادت رمات شكل و ركلات و خيشة جات على منظرو...يتبع