My Anonymous Online Boyfriend ✔️

Chapter 39

September 6, 2018

Today is my 18th birthday. Everyone is present as well as my father. Umuwi talaga siya rito upang makasama akong mai-celebrate ang 18th birthday ko. Simple lang naman ang birthday ko dahil hindi puwede sa relihiyon namin ang makipagsayaw, ngunit nagpapasalamat pa rin ako sa Panginoong Diyos dahil ginabayan niya ako at hindi pinabayaan. Dinagdagan muli niya ng numero ang aking edad, at hanggang ngayon ay walang kulang sa amin at hindi kami nagkakasakit nang malala.

"Happy birthday!" Chiena gave me a tight hug.

Kanina pa sila nanditong tatlo nina Lory at Tasha. As usual, tumulong sila kila mama't papa upang maluto na agad ang mga handa. Hindi pa rin ako makapaniwala na nadagdagan na naman ng numero ang edad ko. Parang kailan lang nang mag-birthday ako ng sweet 16th ko. Si kuya Jin ay 3rd year college na, graduating student na siya next year. Si Kai naman ay grade 11 na this school year at ako ay grade 12. Actually, papaalis na ako bilang senior high school student, ilang buwan na lang din ay college na ako sa susunod na pasukan. Parang dati lang ay grade 7 pa ako at pangiti-ngiti lang sa mga teachers kong tinatambakan kami ng assignments.

"Ang ganda mo talaga!" Sa sobrang panggigigil ni Lory sa akin ay kinurot niya ako sa braso ko.

I groan in pain and took a deep breath before turning my head towards her. "Ang sakit! Ikaw kaya kurutin ko—"

"Joke lang! I love you! Happy birthday ulit!" Muli niya akong niyakap at nang tawagin siya ng mama niya ay agad siyang naglakad papunta roon.

Ang venue namin, dito rin sa bahay. Malaki naman ang bahay namin kaya kasya ang maraming bisita. Ngayon, napapalibutan ako ng mga taong nagmamahal sa akin at sinusuportahan ako. Pati ang mga readers ko ay nabati na rin ako sa social medias ko. Marami silang pasabog na ginawa sa akin, pero hindi ko pa sila masyadong naaasikaso at napapasalamatan dahil busy rin ako sa personal life ko, but I promised that I will be present later at our group chat. The group chat I made for my readers.

"Ate, happy born day." Lumingon ako sa likod ko at nakita si Kai.

Hindi ko maiwasang yumakap sa kaniya. Mas natangkaran na niya ako at patuloy pa rin siyang tumatangkad. Mas matanda na siyang tingnan kaysa sa akin, at parang ako ang bunso sa amin. Medyo malalim na rin ang boses niya at nagma-mature na rin ang katawan niya. Hindi pa rin niya nililigawan si Lory dahil hindi pa raw pwede sabi ng mama't papa ni Lory. Mag-antay raw silang dalawa hanggang sa makatungtong sila ng bente anyos.

"Sana magbago ka na, 'wag ka nang maging maldita—" Napasampal ako sa kaniya nang wala sa oras ngunit hindi naman gaanong malakas.

"Baliw... 'di naman ako maldita ah," nakangiting sabi ko.

"Wow? Nagsalita na naman ang ate kong pusit—"

"Ah talaga? Mamaya ka sa 'kin, marami akong ihahampas sa'yo." Inakbayan niya ako.

"'Di joke lang. Love kita kahit maldita ka. Actually... 'di ka naman talaga maldita... pasaway lang ako kaya naiinis ka sa 'kin."

"May tama ka! Tamang-tama ka!" Nagtawanan kaming dalawa hanggang sa muli siyang nagsalita.

"Puwede nang mag-boyfriend, ate. Puwede naman si kuya Nick pero... dapat ayusin niya 'yong panliligaw sa'yo," bulong niya sa akin habang nakatitig kay Nick na kanina pa nakikipag-usap sa mga kamag-anak namin.