Oops! This image does not follow our content guidelines. To continue publishing, please remove it or upload a different image.
Sawang-sawa ka na bang paulit-ulit na niloloko? Taon-taon ka na lang bang nasasaktan? Para sa buwan ng Abril, ulit-ulitin natin ang mga salitang pwedeng pag-usapan.
Katulad ng mga salitang nagamit sa itaas, ang pag-uusapan natin para sa ating Writing Tips ngayong buwan ay ang mga inuulit na salita!
Marami sa atin ang nag-iisip na kapag inuulit ang salita, awtomatikong nagbabago ang patinig ngunit hindi sa lahat ng pagkakataon ay nangyayari iyon.
Ilan sa mga salita na hindi kailangang baguhin ang patinig (E o O) ay ang mga sumusunod:
babaeng-babae hindi babaing-babae
biro-biro hindi biru-biro
ano-ano hindi anu-ano
alon-alon hindi alun-alon
taon-taon hindi taun-taon
pito-pito hindi pitu-pito
patong-patong hindi patung-patong
sunod-sunod hindi sunud-sunod
Ngunit pakatandaan na may ilang mga salita na kapag inuulit na at binago ang patinig nito ay nag-iiba na ang kahulugan. Ilan sa mga halimbawa ay ang mga sumusunod:
salo-salo — magkakasama at magkakasabay na kumain
salusalo — isang piging o handaan para sa maraming tao
bato-bato — paraan ng paglalarawan sa daan na maraming bato
batubato — ibon, isang uri ng ilahas na kalapati
At dito nagtatapos ang Writing Tips sa buwan na ito. Nawa'y nakatulong ito sa inyong pagsusulat. Hanggang sa susunod na isyu!
Sanggunian:
Almario, V. S. (2014). KWF Manwal sa Masinop na Pagsulat. Manila: Komisyon sa Wikang Filipino.
