@ភូមិគ្រឹះត្រកូលប៊េ
អាយរីនបោះជំហ៊ានមួយៗចូលទៅក្នុងភូមិគ្រឹះនាងដែលមានឪពុកម្ដាយនាងកំពុងអង្គុយលើសាឡុងដ៏ប្រណីត។អាយរីនដើរសម្ដៅទៅកាន់សាឡុងនោះរួចដាក់ខ្លួនអង្គុយដោយទឹកមុខមាំទាំ។
"តើស៊ុលហ្គីយ៉ាងម៉េចហើយ? នាងដឹងខ្លួនឬនៅ?" លោកស្រីស៊ូជុងប្រញាប់ប្រញាល់សួរទៅកូនស្រីដែលទើបនឹងដាក់ខ្លួនអង្គុយមុននេះ។
"នាងដឹងខ្លួនវិញហើយម៉ាក់" អាយរីនតបទៅម្ដាយវិញដោយប្រើសម្លេងស្មើរ។
"ល្អហើយដែលនាងមិនកើតអ្វីខ្លាំងជាងនោះ" លោកស្រីយកដៃទប់ទ្រូងបញ្ជាក់ថាគាត់ធូរទ្រូងពេលឮថានាងមិនអី។
"តែកូនសង្ស័យលើនាងរឿងមួយ" អាយរីននិយាយដោយប្រើសម្លេងស្មើរដដែល។
"រឿងអ្វីទៅកូន!" លោកដុងយ៉ុកទម្លាក់កាសែតចុះរួចងាកទៅសួរកូនស្រីខ្លួន។
"ប៉ាគិតថាគេអាចជាកូនរបស់លោកកាងជុងវ៉ុនទេ?"
"លោកកាងមិនដែលប្រាប់ថាគេមានកូនម្នាក់ទៀតទេ ឬគេចង់លាក់នឹងយើង?"
"ដើម្បីឲអស់ចម្ងល់ ខ្ញុំចង់ឲលោកប៉ាអញ្ជើញគាត់ឲមកពិនិត្យDNAនៅថ្ងៃស្អែកនេះ"
"អ៊ីចឹង ស្អែកប៉ានឹងទៅនិយាយរឿងនេះជាមួយគាត់ អូហ៍ម៉្យាងទៀតប៉ាចង់ប្រាប់ថា ប៉ុន្មានថ្ងៃទៀតប៉ានឹងម៉ាក់ឯងត្រូវទៅអាមេរិកហើយព្រោះនៅទីនោះពូឯងមានបញ្ហាបន្តិចបន្តួច"
"ចាស៎ លោកប៉ានិងម៉ាក់ទៅយូរដែរឬទេ?"
"មិនយូរណាស់ណាទេ ប្រហែលជាពីរសប្ដាហ៍ ប៉ាបានរកអង្គរក្សម្នាក់ទៀតជំនួសស៊ុលហ្គីហើយ គេនឹងមកធ្វើការនៅថ្ងៃស្អែក!" លោកដុងយ៉ុកនិយាយបន្ត។
"លោកប៉ាខ្ញុំថាមិនចាំបាច់ទេ!"
"មិនបានជាដាច់ខាត ប៉ាមិនទុកចិត្តអ្នកណាទាំងអស់"
"ពិតមែនហើយកូនស្ដាប់តាមប៉ាកូនទៅ វាមិនខុសនោះទេ ម៉្យាងទៀតមនុស្សសម័យឥឡូវពិបាកនឹងទុកចិត្តណាស់" លោកស្រីស៊ូជុងនិយាយទៅកាន់កូនស្រីក្នុងទឹកមុខបែបបារម្ភ អាយរីនឃើញបែបនេះក៏លែងប្រកែកនឹងសម្ដីរបស់ឪពុកម្ដាយខ្លួន។
__
ស៊ុលហ្គីកំពុងតែដេកយកដៃគងថ្ងាសសញ្ចឹងគិតពីរឿងដែលគេបាននិយាយជាមួយអាយរីនកាលពីថ្ងៃមិញ គេមិនភ័យទេតែគេគ្រាន់តែមានអារម្មណ៍មិនសប្បាយចិត្ត មួយសន្ទុះក្រោយមកក៏មានវត្តមានរបស់ស៊ុលអាចូលមកក្នុងបន្ទប់ដោយមានកាន់ឯកសារមួយចំនួននៅក្នុងដៃ។
"យ៉ាងម៉េចហើយអ្នកជំងឺ! មានឈឺមុខរបួសទេ?" ស៊ុលអាអង្គុយលើកៅអីមួយនៅក្បែរគ្រែដែលស៊ុលហ្គីកំពុងដេក។
"មុខរបួសមិនឈឺទេ តែឈឺកន្លែងផ្សេង!" ស៊ុលហ្គីតបវិញបែបមនុស្សគ្មានព្រលឹងក្នុងខ្លួនដៃគងថ្ងាសភ្នែកសម្លឹងមើលពិដាននៅខាងលើ។
"ហាស៎ឯងកើតស្អី និយាយប្រាប់យើងបានទេ?" ស៊ុលអាស្ទុះវឹងទៅជិតមុខស៊ុលហ្គីរួចសួរទៅគេ។
"ខិតឲឆ្ងាយពីយើងបន្តិច កុំសូវមកជិតមុខយើងពេក!" ស៊ុលហ្គីគេចចេញពេលឃើញស៊ុលអាខិតមកជិតមុខខ្លួន។
"អឺៗ ឥឡូវឆាប់និយាយមក មានរឿងអីបានជាថ្ងៃនេះមិនសូវមានព្រលឹងព្រលះក្នុងខ្លួនសោះ?"
"អាយរីនបិះនឹងចាប់យើងបានថាយើងជាបក្សពួកអ៊ុនសូ ហើយនាងថែមទាំងចង់ពិនិត្យDNAរបស់យើងនិងលោកប៉ាយើងទៀតផង ឯងត្រូវតែជួយយើងណា!" ស៊ុលហ្គីដេករៀបរាប់ទៅស៊ុលអាយ៉ាងក្បោះក្បាយ។
"ហ្អាស៎! បានន័យថានាងកំពុងសង្ស័យឯងមែនទេ?" ស៊ុលអាឧទានឡើង។
"មែនហើយ ដូច្នេះហើយទើបយើងសុំជំនួយពីឯង ឯងប្រាកដជាដឹងហើយថាយើងចង់និយាយពីអ្វី!"
"អ្ហឹម យើងយល់ការណ៍ហើយ ឯងកុំភ័យដេកតែព្រួយទៅបានហើយ"
"ឯងនេះប៉ិនណាស់អាលេងពាក្យសម្ដី អ...អួយឈឺដៃ..." ដោយក្នាញ់នឹងអាកប្បកិរិយារបស់ស៊ុលអាពេកធ្វើឲស៊ុលហ្គីខំលើកដៃទៅវៃនាងតែវៃមិនទាន់ដល់ផងបែរជាឈឺដៃខ្លួនឯងទៅវិញ។
"ហាសហា សុំទោសសម្លាញ់លើកនេះយើងដឹងខ្លួនទាន់ តែលើកក្រោយកុំប្រើដៃត្រូវរបួសទៀតណា វាអាចនឹងមានបញ្ហាជាងនេះទៅទៀត!" ស៊ុលអាសើចចំអកស៊ុលហ្គីបន្តិចរួចក៏ដើរចេញទៅក្រៅបន្ទប់បាត់ទៅ
"យ៉ាប់មែនហើយគ្រូពេទ្យចំគួតនេះ!" ស៊ុលហ្គីក្រវីក្បាលនឹងទង្វើរបស់ស៊ុលអាធ្វើប្រៀបដូចជាកូនក្មេង។
__
@ថ្ងៃថ្មី
អ៊ុនសូបានដើរចូលក្នុងអគារការិយាល័យរបស់ក្រុមស៊ើបអង្កេតនាង ភ្លាមនោះស្រាប់តែបានជួបលីសា។
"អេសម្លាញ់! សុំទោសដែលម្សិលមិញយើងទុកឯងចោល" លីសាដើរមកគៀកស្មារបស់អ៊ុនសូដែលកំពុងតែធ្វើមុខមាំមិននិយាយស្ដីអ្វីនោះ គេមើលទៅដូចជាគ្មានព្រលឹងក្នុងខ្លួនអ៊ីចឹង។
"អ៊ុនសូ ឯងមានរឿងអ្វីមែនទេបានជាមិននិយាយស្ដីបែបនេះ?" លីសាបន្តសួរទៅអ៊ុនសូគេនៅតែមិនតបដដែល រួចបន្តដើរហួសបម្រុងនឹងចូលបន្ទប់ធ្វើការ។នេះហើយជាឥទ្ធិពលនៃស្នេហ៍ វាអាចធ្វើឲមនុស្សផ្លាស់ប្ដូរចរិតបានយ៉ាងលឿន។
"អេៗ ឯងចូលបន្ទប់ឯងធ្វើស្អី? ថ្ងៃនេះលោកមេក្រុមមានការប្រជុំណា!" លីសាចាប់ដៃអ៊ុនសូដែលប្រុងនឹងលូកបើកទ្វារនោះ អ៊ុនសូឮហើយក៏ងក់ក្បាលបន្តិចរួចដើរចូលបន្ទប់ប្រជុំមុនលីសាបាត់ទៅ។
"វាកើតស្អីវាអញ្ចេះ? ម្ដងខ្មោចចេញម្ដងខ្មោចចូលតាមសឹងតែមិនទាន់!" លីសាឈរវិភាគអ៊ុនសូម្នាក់ឯងរួចកដើរចូលបន្ទប់ប្រជុំ។នៅក្នុងបន្ទប់ប្រជុំឃើញថាមានមនុស្សប្រុសម្នាក់ដែលមិនដែលឃើញវត្តមានរបស់គេពីមុនសោះ លីសាបើកភ្នែកធំៗហើយឆ្ងល់ជាខ្លាំងទើបសួរទៅបេមបេមដែលអង្គុយក្បាលតុ។
"លោកមេក្រុម គេជាអ្នកណា?"
"អង្គុយចុះសិនមក នាងនឹងបានស្គាល់បន្តិចទៀតនេះ" ឮបេមបេមនិយាយរួច លីសាទម្លាក់ខ្លួនអង្គុយកៅអីដែលមានអ៊ុនសូអង្គុយក្បែរនោះ។
"ដូច្នេះយើងមកគ្រប់គ្នាអស់ហើយ អ៊ុនសូនាងមានរឿងអ្វីមែនទេបានជាថ្ងៃនេះមកយឺតទៀតហើយ?" បេមបេមងាកទៅសួរអ៊ុនសូដែលអង្គុយភ្លឹកៗ ដូចមនុស្សគ្មានវិញាណ។
"អ៊ុនសូ! ឯងមិនឮលោកមេក្រុមនិយាយទេឬ?" លីសាទះស្មាអ៊ុនសូបន្តិចធ្វើឲគេភ្ញាក់ព្រើត។
"ច-ចាស៎លោកមេក្រុម!"
"ខ្ញុំសួរថានាងមានរឿងអ្វីមែនទេបានជាមួយរយះនេះនាងប្លែកយ៉ាងនេះ!" បេមបេមសួរ។
"គ្មានរឿងអ្វីទេ!"
"ខ្ញុំសង្ឃឹមថានាងនឹងយកចិត្តទុកដាក់ធ្វើការឲបានល្អ យើងនៅមានរឿងច្រើនទៀតត្រូវប្រតិបត្តិ!" បេមបេមនិយាយដោយប្រើទឹកមុខម៉ឺងម៉ាត់បញ្ជាក់ថាការងារនេះមិនអាចលេងសើចបាននោះទេ។
"បាទ/ចាស៎ លោកមេក្រុម!" អ្នកនៅក្នុងអង្គប្រជុំនាំគ្នាតបនឹងសម្ដីបេមបេម។
"ដូច្នេះសូមណែនាំខ្លួនឲពួកគេស្គាល់ភ្លាមទៅ!" បេមបេមនិយាយទៅកាន់អ្នកដែលអង្គុយក្បែរខ្លួន។
"សួរស្ដីអ្នកទាំងអស់គ្នា! ខ្ញុំឈ្មោះលីឆៃយ៉ាផនកុល អាចហៅថាថេនបាន ខ្ញុំមកពីទីក្រុងបាងកកនៃប្រទេសថៃ!" ថេនណែនាំខ្លួនព្រមជាមួយទឹកមុខរីករាយបញ្ជាក់ថាគេសប្បាយចិត្តនឹងការងារនេះ។
"គេជាប៉ូលិសស៊ើបអង្កេតមកពីប្រទេសថៃដើម្បីមកចូលរួមធ្វើការស៊ើបអង្កេតពីរឿងមុខជំនួញត្រកូលប៊េដូចពួកយើងដែរ ថ្ងៃនេះថេនត្រូវចូលធ្វើការនៅផ្ទះត្រកូលប៊េដើម្បីជំនួសឲស៊ុលហ្គី ឯអ៊ុនសូ ត្រូវទៅប្រាប់មន្ទីរពេទ្យជុំវិញទីក្រុងសេអ៊ូលឲសហការណ៍ជាមួយខាងយើងហើយធ្វើយ៉ាងណាឲលទ្ធិផលឈាមនោះដូចទៅនឹងលទ្ធិផលដែលមិត្តរបស់នាងបានឲគេរៀបចំ!" បេមបេមរៀបរាប់ទៅកាន់កូនក្រុមខ្លួន។
"ទទួលបញ្ជារលោកមេក្រុម!" អ៊ុនសូងើបឈរទទួលបញ្ជារពីបេមបេមរួចក៏អង្គុយចុះវិញ។
"ចំណែកឯលីសាវិញ នាងត្រូវបន្តស៊ើបរកមេខ្លោងពីក្រោយរឿងក្ដីកាលពីប៉ុន្មានថ្ងៃមុននេះឲឃើញ គេអាចនឹងបកអាក្រាតប្រវត្តិស៊ុលហ្គីបានបើសិនជាយើងនៅតែបន្តធ្វើការយឺតបែបនេះ!"
"ទទួលបញ្ជារ!" លីសាតប
"ព្រមព្រៀងគ្នារួចរាល់ហើយ ដូច្នេះរំសាយការប្រជុំរួចចាប់ផ្ដើមបេសកកម្ម!" បេមបេមនិយាយទាំងងើបឈររួចដើរចេញទៅមុនបាត់ទៅ។
__
YOU ARE READING
[KH] Fake Guard // Seulrene [Season 1]
Fanfictionតួអង្គឯក : Kang Seulgi X Bae Joohyun ប្រភេទរឿង : ស៊ើបអង្កេត,ស្នេហាត្រីកោណ,បញ្ហាក្នុងសង្គម,យុវវ័យ ចាប់ផ្តើម : ១៨ វិច្ឆិកា ២០២០ បញ្ចប់ : TW : R-18, Mature Scene & Drugs