MINSAN talaga akala mo nakatakas ka na. Nakatakbo ka na palayo. Pero nasa treadmill ka lang pala. At iyon yata ang nangyari sa kanya.
Brian..
Naramdaman niya ang pagtakas ng kulay sa mukha niya habang nakatitig siya sa mukha ng lalaking kilalang-kilala niya.
"Look who I found here," sambit nito habang suot ang nakakalokong ngisi sa labi. "Luck must be on my side."
At siya naman ang tinakasan ng swerte, ganon?
"We meet again, Shamcey. Do you still remember me?"
Mahina siyang napamura. Pero hindi nakatulong iyon upang maibsan ang malakas na pagtibok ng dibdib niya sa kabang namamayani ngayon sa loob niya. Ano ba sa tingin niya ang ginagawa niya? Mukha siyang obvious!
Tumikhim siya, pagkatapos ay lumingon-lingon. Nang bumalik ang tingin niya sa lalaki, naniningkit na ang mata nito. "Anong ginagawa mo?"
"Chinecheck ko lang kung di ba ako nagkakamali na ako ang kinakausap nyo? Sir?" pinalumanay niya ang boses. Kalma lang. Wag pahalata.
Dapat umakto siya na di ito naaalala. Patay malisya lang. Dedma is the key. Shuta this.
Bumakas ang gulat sa mukha nito. Pero muling bumalik ang ngisi nito at tumawa. "Do you think you can fool me right now?"
"Po? Ano po, kuya?" Siraulo na yata siya. Paano kung isa ito sa boss nila? Patay na siya. Baka bumalik siya sa Laguna nito. Goodbye sa magandang salary. Bahala na.
Kailangan panindigan ang pagpapanggap na di niya ito kilala. Pero jusko, imposible naman na isa to sa big boss nila? Isa lang naman ang boss nila. Nakilala na niya ang may-ari ng Palazzo at si Mrs. Ismeralda Montejo 'yon. Di porke mukhang pormal ang nasa harap niya ngayon ay isa na 'to sa boss. Ano ba kung naligaw lang ito? Di naman mukhang super rich ng lalaki, lalo na at nakita na niya ang condo unit nito.
"Quit pretending, Shamcey. Sigurado akong natatandaan mo ako."
Humugot siya ng hangin. E di, tapusin na ang pagpapanggap. "Okay, sige. Panalo ka na." Sinalubong niya ang mata nito. Bakit ba ganun ito makatingin? Para siyang isang item na gusto nito tikman. Ah, not surprising. Alam niya mula umpisa na 'yon naman talaga ang gusto nito. Kaya nga niya ito tinakasan right? Pero bakit gumawa na naman ang tadhana na magkita sila? Shet naman.
"Kilala kita. Oo na, panalo ka na. Nagkita na naman tayo. Happy?"
"Mukha ba akong masaya?" Madilim ang anyong sabi nito.
Nakagat niya ang ibabang-labi. Hindi nga obvious. Alam niya na hindi maganda 'yong ginawa niya. Tinakasan niya ito kahit pumayag siya. Kung kasalanan ang pagpapaasa, may kasalanan siya dito. Pero ano magagawa niya? Di siya ready! Mapipilit ba siya nito?
"Shamcey." Napapitlag siya ng marinig ang boses ni Kris sa likuran niya. Shit.
Nakangiting humarap siya dito. Ewan niya paano pa niya nagawang ngumiti sa sitwasyon niyang napaka-awkward. Naglipat-lipat ang tingin ni Kris sa kanya at sa lalaking kasama niya. Hindi naman yata obvious ang pagnganga nito ng makita si Brian. Parang nakakita ito ng celebrity.
"Bakit, Kris?" sabi niya para kunin ang atensyon nitong nalipat na yata sa kausap niya.
"Uuna na kami.. Sure ka di ka sasama?" May kakaibang kislap sa mata nito bago lumipat sa kanya. "Siya ba 'yong friend mo?"
"Ah, eto?" itinuro niya si Brian. Tumango ito, obvious much ang pagka-interesado sa lalaki. She can't blame her. He look so gwapo in his polo ha. Pero manyakol 'yan, bes. Ingat ka.
