"THAT was so good, baby." habol-habol pa rin ang hininga ni Kiefer na bumulong sa tainga niya. Pawisan ang buong katawan nila. Bahagyang humupa ang init nila. Ngunit nakabaon pa rin ang pagkalalaki nito sa pagitan ng hita niya. Tila wala na yatang balak hugutin.
Napangiti si Shamcey. "Yes, that was good."
Naramdaman niya ang mahinang pagtawa ng binata sa leeg niya. "Baliw na ako sa 'yo."
Kinurot niya ang matipunong braso nito. "Kung gusto mo pa makaisa, di mo na ako kailangan bolahin. Alam ko namang sanay na sanay ka na nga sa ganito."
Gumalaw ito at tumingin sa mukha niya. Kumikislap sa kaligayahan at kapilyuhan ang mata nito. "Seryoso ako sa sinabi ko."
"O, sige na nga. Seryoso ka na."
"Sarcastic mo." Pinisil nito ang tungki ng ilong niya.
Hindi niya mapigilan ang pagguhit ng ngiti. Basang-basa sa pawis ang mukha at buhok nito. Ngayon lang siya nakakita ng lalaking gwapo pa rin talaga kahit basang-basa na sa pawis. Idagdag pa na namumungay na mata nito habang nakatitig sa kanya. Kahit hindi siya marupok, tatablan siya sa ganoong tingin nito.
Normal naman siguro kung kiligin siya ng palihim, di ba? Kahit basang-basa na sa pawis ang katawan nito, parang ang bango bango pa rin. At parang ang sarap padaanan ng labi ang maskuladong dibdib nito, at paglaruan ang brown nipples nito gamit ang dila niya.
Shit.
Sa kanilang dalawa yata ni Kiefer, siya ang mas nababaliw. Kinikilig siya sa lalaking ito. Aba, aba. Nadala lang siya sa kama, nagustuhan na yata niya ito.
Pero ang mas malala yata ay 'yong pagkatapos siya nitong maikama ay 'yong bigla na lang niya itong mamahalin. Malala nga. Hindi ba't pinaalalahan niya ang sarili? Kailangan yata niya ipaalala sa sarili na hindi siya dapat makipaglaro sa apoy.
Isa itong naghihintay na panganib. Dapat mag-ingat siya.
"What's wrong?" tanong nito. Naramdaman ang tensyon sa katawan niya.
"Wala," sagot niya at umiling. Maingat na inihiwalay ang sarili dito. Bago pa siya magtagumpay, pinigilan siya nito. Namilog ang mata niya. How could he still be so hard? Pagkatapos ng mainit na namagitan sa kanila? Para nga talaga itong mandirigma.
"Sigurado ako may problema. Why are you tense? May nasabi ba ako na hindi mo gusto?"
"Wala nga."
"Ano nga?"
"Mahirap ba intindihin na wala nga?" giit niya.
Umibabaw ulit ito sa kanya. Napasinghap siya dahil sa pagbaon ulit nito sa kaibuturan niya. Hupa na ang init. Pero binubuhay ulit nito ang natitirang lingas.
"Meron 'yan. Ngayon sabihin mo sa akin. What's the matter?"
Hindi talaga ito natigil hanggat hindi nakukuha ang gusto.
"Iniisip mo ba na sex lang habol ko sa 'yo?"
Umangat ang kilay niya. "Ano pa nga ba?"
"Seryoso ako sa 'yo, Shamcey. Seryoso 'yong intensyon ko sa 'yo."
Iyon na nga. Ang mga salitang nakakapagpahulog. Tapos pag nahulog, diretso hulog talaga. Bakit? Dahil nakalimutan ang ipinangako. Hindi na sinambot. Iniwan sa ere.
Ayaw niyang dumating siya sa ganoon. Pero pwede naman na mag-enjoy na lang siya nararamdaman ngayon. Hindi lang naman si Kiefer ang nakikinabang sa set-up nila na 'to. Siya rin. Bakit hindi niya muna hayaan ang sarili na maging masaya? Laro-laro lang.
