နောက်တစ်နေ့ ဖန်းယန် ချိန်းထားသည့်နေရာကို စောသွားခဲ့သည်။
ခဏလောက်စောင့်ပြီးနောက် ရှရှီပေ ရောက်လာခဲ့သည်။
ထိုအချိန်တွင် သူမဘေး၌ စတိုင်တစ်ခုဖြင့် လှပသော မိန်းမတစ်ယောက် ပါလာသည်။
'သူမက ရှရှီပေရဲ့ အုပ်ထိန်းသူအသစ်လား?' ဖန်းယန်တွေးရင်း မြန်မြန် မတ်တပ်ရပ်လိုက်သည်။
"လာ ဒီမှာထိုင်"
လျိုမန်ဟုန် ဖန်းယန်၏ ကလေးမျက်နှာလေးကို ကြည့်လိုက်ရာ မသိလိုက်ခင်မှာပဲ မျက်ခုံးပင့်မိသွားသည်။ "ပေပေ သမီးက သူနဲ့ စာချုပ်ချုပ်မှာလား?"
"ဟုတ်တယ်" ရှရှီပေ ခေါင်းငြိမ့်လိုက်သည်။
"တရားဝင်တဲ့ပုံမပေါ်ဘူးနော် နောက်ထပ် အေဂျင်စီရှာကြမလား? အစ်မ လူတွေအများကြီးကို သိတယ်"
လျိုမန်ဟုန်၏ စကားတို့က ဖန်းယန်ရင်ထဲ စူးခနဲ ဝင်သွားသည်။ သူ အဖက်မလုပ်ခံနေရတာလား?
ဖန်းယန် လူချင်း အငြင်းခံလိုက်သည်ကြောင့် မျက်နှာဖြူဖျော့သွားပေမယ့် တောင့်ခံထားသည်။
"မင်္ဂလာပါ ကျွန်တော့်နာမည်က ဖန်းယန်ပါ ကျွန်တော်က ST ဖျော်ဖြေရေးရဲ့ ငွေအဆင့်အေးဂျင့်တစ်ယောက်ပါ"
"ST ဖျော်ဖြေရေး?" လျိုမန်ဟုန် ခဏလောက် မျက်မှောင်ကုတ်သွားပြီးနောက် သူမမျက်နှာက မည်းမှောင်သွားသည်။ "ပိုင်မေရွှယ်က မင်းတို့က ကုမ္ပဏီကလား?"
"ဟုတ်ပါတယ်" ဖန်းယန် ကြောင်အအဖြင့် ခေါင်းငြိမ့်လိုက်သည်။ "အစ်မ သူ့ကို သိလို့လား?"
"ဒါပေါ့! ဘာလို့မသိရမှာလဲ?" လျိုမန်ဟုန် ရွံရှာသော အကြည့်ဖြင့် သရော်ပြုံးပြုံးလိုက်သည်။ "သူက မင်းသမီးဖြစ်နေသေးမှန်း ငါ မသိပါဘူးတော်! ဖော်ထုတ်ခံရပြီး အနုပညာလောကက ထွက်မသွားသေးဘူးလား?"
ဖန်းယန် သူ့ကို အံ့ဩစွာကြည့်လိုက်သည်။ ကြည့်ရသည်မှာ သူတို့နှစ်ယောက်ကြား သွေးကြွေးအများကြီးရှိပုံပင်!
"အင်း...ကျွန်တော်လည်း မသိဘူးဗျ"
သူ အနည်းငယ် နေရခက်နေသည်။ သူဘာပြောနိုင်မှာလဲ?
ရှရှီပေတောင် အနည်းငယ် အံ့ဩနေသည်။
ဤအရာက သူမ၏ အလုပ်ကိစ္စဖြစ်ပြီး လျိုမန်ဟုန်က စာရွက်စာတမ်းနည်းနည်းကို လက်မှတ်ထိုးပေးရုံတင်ဖြစ်ပြီး ရှရှီပေလည်း အကုန်လုံးကို သေသေချာချာမရှင်းပြထား။
ထို့ကြောင့် သူမ လျိုမန်ဟုန်ကို ပိုင်မေရွှယ်နှင့် အငြှိုးအတွေးရှိမှန်းမသိ။
"အစ်မဟုန် ပိုင်မေရွှယ်က အစ်မကို ရန်စဖူးလို့လား?"
ရှရှီပေ လျိုမန်ဟုန်ကို တစ်ရက်သာ သိကျွမ်းရေသးပေမယ့်လည်း သူမဘက်ကို လုံးဝဥဿုံပင်။
ထို့အပြင် လျိုမန်ဟုန်၏ အကျင့်စရိုက်အရ သူမက လွယ်လွယ်ကူကူ ရန်သူဖွဲ့မည့်သူမျိုးမဟုတ်ပေ။
ရှရှီပေ၏ ပိုင်မေရွှယ်အပေါ် အမြင်အရ...လျိုမန်ဟုန်က ဤကိစ္စတွင် နစ်နာသူဖြစ်ရမည်။
"ဟ!" လျိုမန်ဟုန် အေးစက်စွာ ရယ်လိုက်သည်။ "ငါ့ယောက်ျားကို ခိုးတာကိုရော ရေတွက်လို့ရလား?" အခု သူက သူမ၏ ခင်ပွန်းဟောင်းဖြစ်သွားပေမယ့်လို့ပေါ့။
ထိုစကားတွေက အားလုံးကို မင်သက်စေသည်။
ဖန်းယန် ပင့်သက်ရှိုက်လိုက်သည်။ သူတို့မှာ ဆိုးရွားတဲ့ မကျေနပ်ချက်တွေရှိနေကြတာပဲ!
သူ ပိုင်မေရွှယ်၏ အချစ်သတင်းတွေကို ဝိုးတဝါးကြားဖူးပေမယ့်လည်း သူ့အရှေ့က အမျိုးသမီးကလည်း ပါဝင်မယ်ဆိုတာကို ဖန်းယန် မတွေးမိခဲ့။
"ဒါပေါ့" ရှရှီပေ ခေါင်းငြိမ့်လိုက်သည်။ "ကျွန်မ မလိုချင်တဲ့ ပစ္စည်းဥစ္စာနဲ့ လူသာရှိမယ် တခြားလူတွေကတော့ အဲ့ဟာတွေကို လာခိုးခွင့်မရှိဘူး"
တစ်စုံတစ်ခုသာ သူမပစ္စည်းဆိုရင် တခြားသူကို မပေးခင် လွှတ်ပစ်လိုက်မှာပင်! သူတို့သာ သူမဆီက ခိုးရဲရင် သူတို့နဲ့ ရန်သတ်ပွဲက နွှဲရမည်ပင်။
ရှရှီပေ၏ စကားတို့က လျိုမန်ဟုန်ကို ကျေနပ်စွာဖြင့် ခေါင်းငြိမ့်စေသည်။
"ဟုတ်တယ် အမှန်ပဲ"
သူမ ရှရှီပေ၏ စတိုင်ကို သဘောကျသည်။
"အဲ့အချိန် အဲ့ဒီမယားငယ်မ ပိုင်မေရွှယ်နဲ့ လူယုတ်မာကို လက်ပူးလက်ကြပ်မိတုန်းက အကြီးအကျယ်ချဲ့ပစ်လိုက်ချင်တာ ဒါပေမယ့် အဲ့လူယုတ်မာ၏ လျော်ကြေးငွေကို ကြည့်ပြီး အလျှော့ပေးလိုက်တာ ငါ သူ့ကို အနုပညာလောကထဲ ထပ်ရှိနေသေးမယ်လို့ မထင်ထားဘူး"
လျိုမန်ဟုန်၏ စရိုက်က မာကြောသော ပုံစံပင်။ သူမ၏ လူယုတ်မာယောက်ျားက ဖောက်ပြန်နေတာကိုလည်း သိရော သူတို့လုပ်နေစဉ် အမိဖမ်းဖို့ သွားခဲ့သည်။
လူသိရှင်ကြားမဖြစ်ဖို့ရယ် ချောင်မိသားစုရဲ့ အာဏာနဲ့ လူယုတ်မာက သူမကို ငွေကြေးအမြောက်အမြားပေးခဲ့သည်။
သူမ၏ ခင်ပွန်းဟောင်းပေးခဲ့သော လျော်ကြေးကြောင့် လျိုမန်ဟုန်၏ဘဝက ကြော့ကြော့မော့မော့ဖြစ်ခဲ့သည်။
ပိုင်မေရွှယ်ကတော့...သူမဘက်က ရန်မစမချင်း လျိုမန်ဟုန် သူမကို ဖက်ပြီး ရန်ဖြစ်ဖို့ စိတ်မဝင်စား။
သူမ မမျှော်လင့်ထားတာက ရှရှီပေ ဝင်ချင်နေသည့် ကုမ္ပဏီက ပိုင်မေရွှယ်နှင့် ဆက်စပ်နေသည်ကိုပင်!
"ဒါမှမဟုတ် ညီမလေး ကုမ္ပဏီပြောင်းမလား?" လျိုမန်ဟုန် အကြံပေးလိုက်သည်။ "ကုမ္ပဏီကြီးတွေ အများကြီးရှိနေတာပဲ"
ဖန်းယန် ရုတ်တရက် စိတ်လှုပ်ရှားလာသည်။ ရှရှီပေ စိတ်မပြောင်းလောက်ဘူးမလား?
သို့သော် ရှရှီပေ ခေါင်းရမ်းလိုက်ပြီး ပြုံးလိုက်သည်။ "မပြောင်းဘူး ဒီကုမ္ပဏီကိုပဲ ဝင်ကြတာပေါ့ မဟုတ်ရင် ညီမတို့က သူတို့ကို ကြောက်တယ်ထင်နေဦးမယ်!"
.......
Time Table လေးတင်ထားတယ်နော် မသိမှာဆိုးလို့