-သူတို့ကိုရူးအောင်လုပ်ခြင်း
ဖန်းယန် အရမ်းအံ့အားသင့်သွားသည်။
သူလည်း ဒီနေ့ အင်တာနက်ပေါ်က ရှရှီပေ၏ သတင်းတွေကို တွေ့သည်။ ဤအရာတစ်ခုလုံးက ထိပ်တန်းသတင်းတွေဖြစ်ကုန်ပြီး ဒရာမာတွေ ဖြစ်ကုန်သည်။
သူ ရှရှီပေ၏ နာမည်ကို ထိပ်တန်းသတင်းမှာတွေ့တော့ သူမအတွက် အရမ်းပျော်မိသည်။
သူသာ ဒီလိုစွမ်းရည်ပိုင်ရှင်မျိုးကိုသာ မန်နေဂျာလုပ်ခွင့်ရရင် အကျိုးရလဒ်က ပိုတောင် ကောင်းလာဦးမည်!
တစ်ခြားအနုပညာရှင်တွေက မကောင်းတဲ့ သတင်းမပါစေဘဲ ထိပ်တန်းသတင်းဖြစ်အောင် အချိန်အတော်ကြာ ကြိုးပမ်းကြရသည်။
လူအများက ကောင်းသတင်းနှင့်တင် ကျော်ကြားလာသည်ကို အရမ်း ဝန်တိုကြသည်။
သူမအတွက် သူပျော်ပေမယ့် နှမြောစရာကောင်းသည်ဟုလည်း ထင်မိသည်။
ရှရှီပေ ဘယ်လောက် ပေါ်ပြူလာဖြစ်နေနေ အရေးမကြီး သူမက ဘယ်သူနှင့်မှ လက်မှတ်ထိုးမထား။
ရှရှီပေ တခြားကုမ္ပဏီေတွကို သွားမှာ ပိုကြောက်ရသည်။ ပြောရရင် တစ်ချို့ကုမ္ပဏီတွေက စည်းကမ်းသိပ်မတင်းကျပ်။
သို့ပေမယ့် သူ့မှာ ရှရှီပေကို တစ်ခြား ကုမ္ပဏီတွေနှင့် လက်မှတ်မထိုးဖို့ ပြောလို့မရ။ သူ့မှာ ပြောပိုင်ခွင့်မရှိ။
သူတွေးလေလေ ကြေကွဲလေလေပင်။ ကုမ္ပဏီက တစ်ခြား trainee အသစ်လေးတွေကိုမြင်တော့ ပိုပြီးတော့တောင် သက်ပြင်းချမိလေသည်။
တစ်ခြားအရာတွေနောက်ထား ရှရှီပေ၏ ရုပ်ရည်တစ်ခုတည်းတင်ပင် ထိပ်တန်းအဆင့်။
အစတုန်းက trainees အသစ်တွေထဲက ကောင်းတဲ့ အသစ်လေးတွေကို ရွေးချယ်ချင်ခဲ့ပေမယ့် ရှရှီပေက အရမ်း အံ့မခန်းဖြစ်နေသည်ကြောင့် တစ်ခြား ဆင်တူလူကို ရှာမရတော့။
လွန်ခဲ့တဲ့ နှစ်ရက်အတွင်းမှာတင် သူ၏ စီမံခန့်ခွဲမှုအဖွဲ့ကနေပြီးတော့ အနုပညာရှင်တစ်ယောက်နှင့် စတင် အလုပ်လုပ်စေချင်နေပြီဖြစ်သည်။
ST ၏ အေးဂျင့်များနှင့် အနုပညာရှင်များကို အဆင့်အလိုက် ခွဲထားပြီး တစ်ယောက်နှင့်တစ်ယောက် ရွေးချယ်နိုင်ကြသည်။
တစ်ယောက်က ပိုက်ဆံရှာချင်လျှင် တစ်ယောက်က ကျော်ကြားသော အနုပညာရှင်တစ်ယောက်ကို မွေးထုတ်ပေးဖို့ လိုအပ်ပေသည်။
တစ်ယောက်က ပိုက်ဆံမရှာချင်လျှင် ဖန်းယန်လိုပင် အချိန်ခဏတစ်ဖြုတ်ယူလို့ရလေသည်။
သို့ပေမယ့် ဖန်းယန်က အရည်အချင်းရှိပေသည်။ သူ ပိုက်ဆံမရှာချင်ရင်တောင် ကုမ္ပဏီထဲက အနုပညာရှင်တွေက ပိုက်ဆံရှာဖို့ လိုလေသည်။
အချိန်ခဏတစ်ဖြုတ်ယူပြီးလျှင် ဖန်းယန် ဆက်လက်ပြီး အနုပညာရှင်တစ်ယောက်နှင့် တွဲဖက်အလုပ်လုပ်ဖို့ လိုအပ်လေသည်။
ရှရှီပေအတွက်ကတော့...သူမ အရွယ်ရောက်လာသည်ကို စောင့်ပြီး လက်မှတ်ထိုးရုံပင်။ ထိုအချိန် သူမ တစ်ခြားကုမ္ပဏီနှင့် လက်မှတ်မထိုးဖို့ကိုပဲ မျှော်လင့်ရမည်ပင်။
သူ ထိုအကြံကို ရပြီးသည်နှင့် မထင်မှတ်စွာဖြင့် ရှရှီပေဆီကနေ ဖုန်းလက်ခံရရှိလေသည်။
ရှရှီပေ၏ စကားများကို ကြားပြီး သူ စိတ်ရှုပ်ထွေးသွားသည်။
"မင်း...မင်းက ငါတို့ ကုမ္ပဏီနဲ့ စာချုပ်ချုပ်ချင်တယ်လို့ ပြောနေတာလား?"
"ဟုတ်တယ်" ရှရှီပေ တစ်ခြားတစ်ဖက်ကနေ ခေါင်းငြိမ့်လိုက်သည်။ "ကျွန်မ အုပ်ထိန်းသူပြောင်းလိုက်ပြီ အခု စာချုပ်လက်မှတ်ထိုးလို့ရပြီ"
ထိုစကားများက ဖန်းယန်ကို အံ့ဩစေသည်။
"မင်း အုပ်ထိန်းသူပြောင်းလိုက်တယ်?"
"ဟုတ်တယ် ရှင့်ဘက်က အဆင်ပြေတယ်လို့ထင်ရင် ကျွန်မတို့ မနက်ဖြန် တွေ့လို့ရပြီ"
"ဒါပေါ့!" ဖန်းယန် ချက်ချင်း ခေါင်းငြိမ့်လိုက်သည်။ ကောင်းကင်ပေါ်က မုန့်ပြုတ်ကျလာသည့် ခံစားချက်မျိုးပင်။ "ငါတို့ မနက်ဖြန်တွေ့ကြတာပေါ့!"
ရှရှီပေ ဖုန်းချလိုက်ကာ စုန့်ကျားရန်ကို စိတ်လှုပ်ရှားစွာကြည့်လိုက်သည်။
"ဟုတ်တယ် အမှန်ပဲ! သူတို့ကို ရူးအောင်လုပ်ရမယ်!"
စုန့်ကျားရန် ထိုအချိန်တွင် အရမ်းဒေါသပုန်ထနေသည်။ ဒီလူတွေက ရှရှီပေကို ဘာလို့ ဒီလိုပြောရတာလဲ? သူတို့ကိုယ်သူတို့ အန္တရာယ်ရှိတဲ့အရာတွေနဲ့ ဘယ်သူကများ ကျော်ကြားအောင်လုပ်မှာလဲ?
ရှရှီပေ ဒါကြောင့်မလို့ အနုပညာလောကထဲကို မဝင်နိုင်တော့ရင် ဘယ်လိုလုပ်မလဲ?
ကံကောင်းစွာဖြင့်ပင် ရှရှီပေ ထိုကဲ့သို့ ရူးမိုက်သော ကိစ္စကို မလုပ်။ မဟုတ်ရင် အဲ့စိတ်ရင်းမကောင်းတဲ့သူတွေက အရမ်းပျော်နေတော့မှာ!
"ငါ ရှချင်းဟန်နဲ့ တခြားသူတွေရဲ့ မျက်နှာကို မြင်ချင်သေးတယ်" စုန့်ကျားရန် ချေငံသော မျက်နှာပေးဖြင့် ပြောလိုက်သည်။
ရှချင်းဟန် ST ကုမ္ပဏီကို ဝင်ဖို့ သေချာသည်နှင့် ကိစ္စတွေက ကွဲပြားလာခဲ့သည်။
ရှချင်းဟန် တိုက်ရိုက်ကြီး မကြွားကေမယ့် လျိုကျီကျင်းနှင့် ထောင်ယွဲ့ယင်းတို့က သူမမှာ စူပါစတားတစ်ယောက်လို ယူဆနေပြီး သူတို့ကိုယ်သူတို့ ကမ္ဘာ့ထိပ်ဆုံးမှာ ရောက်နေသလို ပြုမူနေကြသည်။
ထို့အပြင် ရှရှီပေအကြောင်း ကြားရတိုင်း ဝင့်ကြွားနေကြသည်။
ဤအရာက စုန့်ကျားရန်ကို တကယ် ဝမ်းနည်းစေသည်။
ရှရှီပေ၏ သိက္ခာကို မငဲ့ကွက်ဘူးသာဆိုရင် သူမ လူရှာပြီး သူတို့ကို ပညာပြပြီးနေလောက်ပြီ။
ထို့အပြင် ရှချင်းဟန် စောစောက ကတိပေးထားသော အရာ တောင်းပန်ခြင်းကို မပြုလုပ်ခဲ့။ ထိုအရာက စုန့်ကျားရန်ကို သူတို့နှင့်ပတ်သက်၍ ရွံရှာစေသည်။
အခု ရှရှီပေ သူမနှင့် ကုမ္ပဏီတစ်ခုတည်းကို ဝင်တော့မည်။ ထိုအရာကို သိသည့်အချိန် သူမဘယ်လိုပြုမူမလဲဆိုတာကို သိချင်မိသေးသည်။
ထိုအတွေးနှင့်ပင် စုန့်ကျားရန်၏ အပြုံးတို့က တစ်စတစ်စ တောက်ပလာတော့သည်။
.......
ညနေ မစ္စတာမု လာမယ်နော် ❣️