--
الصباح : الديره
في بيت من زمان ما جيناه
بيت ابو معاذ
بالحوش اللي كان محطوط فيه فرشه والفطور جاهز وانجود اللي راحت تصحي معاذ علشان يفطر ويروح الشغل وغصون اللي كانت بقمه الروقان وهي تسوي الشاي
حست كأنها سمعت صوت الباب انفتح عقدت حواجبها يوم فعلا سمعت صوت باب الشارع حقهم يتسكر ومعاذ ما رح يطلع بدون فطور واصلا توه ما صحى !
طفت تحت الشاي وطلعت بخطوات شبه سريعه وطلعت بسرعه للحوش تشوف من اللي دخل بيتهم وتسمرت بمكانها بمجرد
مـا شـافت الــشخص الـلي واقـف بالحوش !
---
باقي م طلعنا من ديرتنا الحبيبه
بيت ابو محمد
بعد الصدمه اللي انصدمها ابو محمد وقت صلاه الفجر يوم شافت اخوه وعياله عندهم
كانت فعلا الصدمه الحلوه !
صحو الكل وتقريبا كانت الساعه ٨ ونص
والعيال اللي بالعله صحتهم كيان وقامو غصب وكيان وضحى وام محمد وام راكان
كانو بالمطبخ يسوون فطور وفعلا هاليوم كان من اسعد الايام بالنسبه لكيان
المطبخ كله اصوات كيان وضحى يسولفون مع بعض ويتهبلون ويضحكون وام محمد وام راكان يسولفون ويسوون الفطور معهم
والبيت فعلا رجعت له الحياه بجيتهم هم والعيال
"للتنبيه / كيان راضعه من ام راكان يعني هي تحل لعيال عمها أما ضحى ما تحل لعيال عمها .." نرجع 💫
كيان وهي تسوي العجينه وحرفيا ملابسها تملت طحين بسبب ضحى اللي مغير تحوس قالت : ضححححى شفيك صايره مانع رقم اثنين خلاص تمليييت
ماتت ضحك ضحى على تعابير كيان : عادي عادي انتي اصلا بتتروشين بكل الاحوال
كيان ضربت يدها علشان تبعدها عن الطحين : شيلي يدك يابقره سوي شي مفيد بالحياه مو بس تحوسين!
ضحكت ضحى وهي تهز كتوفها بعدم المعرفه : معرف اسوي شي
دفتها كيان : روحي سويلنا قهوه عربيه وخليني اخلص الفطاير
مشت ضحى ب اتجاه الدرج اللي فيه الابريق حق القهوه وهي تضحك على كيان اللي م تتحمل أحد يحوس جنبها
----
"الله يوفق عايشه وتجيب 100 بالقدرات"
ادعولي 🤍
----
بيت ام فهد
كان فهد جالس جنب أمه اللي كانت جالسه بالصاله وتتقهوى ولا كأنها تشوفه
فهد : يايمه خلاص ما عادني بمقابله بس ارضي علي وخلينا نكمل اللي مخططين له
ام فهد بحده : محسب بتلعب علي بكلامك هذا وبكرا تجيني تقول ابوي جاني صدق الغلط علي يوم قلت لك ساعد اخوك من الأساس كان المفروض م اخليك حتى تكلم عياله
تنهد فهد وهو يحاول يمسك أعصابه : يايمه هذووول اخواني مو ناس غريبه ! مو انتي تبغيني اتزوج؟ مين اللي بيوقف معاي بزواجي مين اللي بيروح يخطب معاي؟ الناس اللي بخطب منهم مب بيسألوني وين ابوك ؟ وش تبيني أقولهم امي مو راضيه اتعرف عليهم ولا ما اعرف ابوي ولا اخواني!
ام فهد : خوالك وجدك موجودين وين راحو؟
فهد : يمه من جد الحين انتي تقارنين واحد راح يخطب مع أبوه وإخوانه بواحد رايح يخطب مع خواله وأبوه حي!
يمه أنا عشت كل مراحل حياتي بدون ابوي مايكون موجود وخوالي كانو مكانه بس الحين أنا ابي اتزوج وابي ابوي يكون معاي جدي وخوالي على راسي ولا يقصرون بس أنا ابي ابوي اللي يروح يخطب لي مو جدي ولا واحد من خوالي أنا ابي اروح وأبوي واخواني وخواتي معاي ابي احس بشعور العايله ابي اكون زي غيري أبوي يعطيني رأيه ب أهل العروس وأبوها وخواتي يعطوني رأيهم باللي بتصير زوجتي وانتي تعطيني رايك ب ام العروس تكفين يايمه لا تخلين حقدك على ابوي يخرب حياتي زياده كفايه اني عشت كل مراحل حياتي بدون ابوي ما ابي اتزوج ويجيني عيال وهو ماهو معاي باس راسها وطلع من البيت ويحس أن فيه غصه مو طبيعيه بحلقه شلووون بيرضييي أمه الحين!!
-----
بيت ابو معاذ
كانت واقفه ومصدومه ما كان غيره
واقف بنص الحوش ويناظر الجلسه وعيونه تلمع كان هو
ابــوها اللي صار لها شهور ما شافته ماصار يجي البيت حتى كانت تحس برجفه برجولها وعيونها بدت تتجمع الدموع فيها هي بنفس اليوم اللي فقدت فيه امها فقدت ابوها اللي قرر أنه حتى ما يدخل البيت هذا وشلون رجع الحين!
كيف قدر يرجع كذا بعد كل هالشهور اللي كان تاركهم فيها ؟
بدت الدموع تنزل وشهقت يوم حست أن الأكسجين بدأ ينقطع عندها وخصوصا انها عندها ربو
كانت تسمع صوت انجود ومعاذ من داخل يسولفون ويضحكون وكانت تناظر ابوها وعينها بعينه وهي تحاول تسحب اكسجين !
انجود اللي كانت تسولف مع معاذ وهم طالعين للحوش واستغربت اول ماشافت غصون شبه راكعه وعرفت انها جتها نوبه الربو ركضت لعندها وصرخت على معاذ تنبهه علشان يجيب بخاخ الربو ومن الفجعه على غصون ما انتبهت ل ابوها ولا لعيون غصون اللي كانت عالقه بعيون ابوها ودموعها تنزل اصعب شي انها فقدت اثنين بنفس اليوم امها توفت وأبوها ماصارت تشوفه وفعليا بدت تنسى ملامح ابوها اللي من بعد وفاه امها قبل سنه ونص تحديدا
من وقتها ماشافت ابوها الا مرتين أو ثلاث !
واللي يحزن أكثر أن غصون قبل وفاه امها كانت دلوعه ابوها واللي ماينرد لها طلب لدرجه ان انجود ومعاذ كانو يغارون منها بسبب هالنقطه وبعد وفاه امها كان الموضوع بالنسبه ل غصون صدمه فقدت امها وفقدت حنان ابوها مافي اسوء من موقفها هذا
جا معاذ وهو يركض جايب بخاخ الربو وأعطاه انجود واول ما التفت بوجهه جات عينه بعين أبوه اللي كان متغير بالمعنى الحرفي للكلمة
رجع وزنه زي ما كان قبل وفاه امهم وجهه فيه نور مو طبيعي عكس ب اخر مره شافوه كان فعلا وجهه اسود خصوصا أنه كان يتعاطى
ناظره معاذ بصدمه ونطق : يبه !
ابو معاذ ابتسم واخيرا : بدري أحد اعطاني وجه
لفت انجود بصدمه اول ما سمعت كلمه معاذ واول ماشافت أنه صدق ابوها ركضت بكل قوتها ب اتجاهه وحضنته بقوه وهي تصيييح
بغصه ! تصيح كل الايام اللي فاتت
حضنها ابو معاذ وهو يحس ضميره يأكله شلون قدر يبعد عن عياله .... عياله اللي مالهم ذنب شي !
غصون كانت تناظرهم وباقي تصيح لكن خطواتها تتراجع ما عندها القوه تروح له وتحضنه اخر مره راحت بتحضنه وقت وفاه امها غمضت عيونها بقوه ماتبي تتذكر الموقف ما تبي تتذكر كيف ابوها ل اول مره كان يدفها عنه لين طاحت هزت راسها بالرفض وهي تركض لغرفتها والدموع ما وقفت تنزل من عيونها !
------
بيت ابو محمد
كانت كيان الوحيده اللي تحل للكل فـ هي اللي انتكبت بالفطور طلعته للحوش لحالها وحاتم ساعدها بكم شي لكن برضو ما يقدر يدخل داخل خلصت بسرعه وكانت ريحه الفطور تصك بالرأس خصوصا أن كيان مسويه فطاير وريحتهم ملت البيت
دخلت لداخل بعد ما ودت لهم ابريق الشاي
وشافت امها وام راكان وضحى وعبير جالسين على السفره وياكلون جلست بجنب ضحى
كيان وهي تاخذ وحده من الفطاير اللي بالجبن: بالله صبيلي شاهي ريحته تصك بالرأس
ضحى : عاد انتي محد يغلبك بالشاهي
كيان : هههههههههههه بدون شك اصلا !
سويتي قهوه صح ؟
ضحى هزت راسها بالايجاب
كيان : حلو هههههههههههه علشان الحلا بعد شوي
ضحى هزت راسها بفقدان امل : هذا انتي حتى وانتي تأكلين تفكرين بالوجبه اللي بعدها
كيان ضربتها على كتفها بشويش : اقول بس انتي شايفه وزني كم؟ عمري بيصك ٢٠ وانا باقي وزني ٤٧ وان سمنت وصل ٥٠ !
ضحى : اصبري اخلص اكل واتف عليك علشان لا تنحسدين
كشرت كيان بقرف مصطنع : كولي كولي الله يقرف عدوك بس
كانو يأكلون ومتجاهلين نظرات عبير الحاقده خصوصا أن محمد شبه منقلب عليها هالفتره
اما ام راكان وام محمد فكانوا مندمجين بالسواليف ولا هم يم البنات !
-----
انتهى.